ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਹਰ ਸਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਨਵੀਂ ਉਮੀਦ ਦਿੰਦੀ ਹੈ ਪਰ ਇਹ ਉਮੀਦਾਂ ਟੂਰਨਾਮੈਂਟ ਦੀ ਸ਼ੁਰੂਆਤ ਤੋਂ ਲੈ ਕੇ ਅੰਤ ਤੱਕ ਚਕਨਾਚੂਰ ਹੋ ਜਾੰਦੀਆਂ ਹਨ। ਆਰਸੀਬੀ ਅਜੇ ਵੀ ਆਪਣੇ ਮਾੜੇ ਪ੍ਰਦਰਸ਼ਨ ਕਾਰਨ ਆਪਣੇ ਪਹਿਲੇ ਆਈਪੀਐਲ ਖਿਤਾਬ ਦੀ ਉਡੀਕ ਕਰ ਰਹੀ ਹੈ ਪਰ ਇਸ ਵਾਰ ਟੀਮ ਨੇ ਆਈਪੀਐਲ ਦੀ ਨਿਲਾਮੀ ਵਿੱਚ ਕਈ ਸਟਾਰ ਖਿਡਾਰੀਆਂ ਉੱਤੇ ਆਪਣਾ ਦਾਅ ਲਗਾ ਦਿੱਤਾ ਹੈ ਅਤੇ ਇਨ੍ਹਾਂ ਵਿੱਚੋਂ ਇੱਕ ਖਿਡਾਰੀ ਦਾ ਨਾਮ ਡੈਨ ਕ੍ਰਿਸਚੀਅਨ ਵੀ ਹੈ।
ਕ੍ਰਿਸਚੀਅਨ ਆਉਣ ਵਾਲੇ ਆਈਪੀਐਲ ਸੀਜ਼ਨ ਲਈ ਜ਼ਬਰਦਸਤ ਤਿਆਰੀ ਕਰ ਰਿਹਾ ਹੈ ਅਤੇ ਉਸਨੇ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਹੁੰਕਾਰ ਵੀ ਭਰ ਦਿੱਤੀ ਹੈ। ਕ੍ਰਿਸਚੀਅਨ ਦਾ ਮੰਨਣਾ ਹੈ ਕਿ ਰਾਇਲ ਚੈਲੇਂਜਰਜ਼ ਬੰਗਲੌਰ ਇਸ ਸਾਲ ਪਹਿਲੀ ਵਾਰ ਆਈਪੀਐਲ ਟਰਾਫੀ ਜਿੱਤ ਸਕਦੀ ਹੈ। ਆਈਪੀਐਲ 2021 ਦੀ ਨਿਲਾਮੀ ਵਿੱਚ, ਆਸਟਰੇਲੀਆ ਦੇ ਇਸ ਆਲਰਾਉਂਡਰ ਨੂੰ ਬੈਂਗਲੁਰੂ ਨੇ 4.8 ਕਰੋੜ ਵਿੱਚ ਖਰੀਦਿਆ ਸੀ।
ਇਕ ਇੰਸਟਾਗ੍ਰਾਮ ਲਾਈਵ ਸੈਸ਼ਨ ਗੱਲਬਾਤ ਦੌਰਾਨ ਕ੍ਰਿਸਚੀਅਨ ਨੇ ਕਿਹਾ, “ਅਸੀਂ ਇਸ ਸਾਲ ਇਸ ਨੂੰ ਜਿੱਤਣ ਜਾ ਰਹੇ ਹਾਂ, ਇਕ ਟੀਮ ਦੇ ਤੌਰ ਤੇ, ਸ਼ਾਇਦ ਟਰਾਫੀ ਹੁਣ ਤੱਕ ਸਾਡੇ ਤੋਂ ਦੂਰ ਰਹੀ ਹੈ ਅਤੇ ਉਮੀਦ ਹੈ ਕਿ ਮੈਂ ਇਸ ਵਾਰ ਟੀਮ ਨੂੰ ਲਾਈਨ ਪਾਰ ਕਰਾਉਣ ਵਿਚ ਸਹਾਇਤਾ ਕਰ ਸਕਦਾ ਹਾਂ। ਵਿਰਾਟ ਕੋਹਲੀ ਅਤੇ ਏਬੀ ਡੀਵਿਲੀਅਰਜ਼ ਨਾਲ ਬੱਲੇਬਾਜ਼ੀ ਕਰਨਾ ਸ਼ਾਨਦਾਰ ਹੋਵੇਗਾ।”
