ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ (78), ਸ਼ਿਖਰ ਧਵਨ (67) ਅਤੇ ਹਾਰਦਿਕ ਪਾਂਡਿਆ (64) ਦੀ ਸ਼ਾਨਦਾਰ ਪਾਰੀਆਂ ਦੀ ਬਦੌਲਤ ਨੇ ਭਾਰਤੀ ਕ੍ਰਿਕਟ ਟੀਮ ਨੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਵਿਖੇ ਐਤਵਾਰ ਨੂੰ ਖੇਡੇ ਜਾ ਰਹੇ ਤੀਜੇ ਅਤੇ ਫੈਸਲਾਕੁੰਨ ਵਨਡੇ ਮੈਚ ਵਿੱਚ ਇੰਗਲੈਂਡ ਨੂੰ 330 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਹਾਲਾੰਕਿ, ਇਸ ਟੀਚੇ ਦਾ ਪਿੱਛਾ ਕਰਦਿਆਂ, ਇੰਗਲਿਸ਼ ਟੀਮ ਦੀ ਸ਼ੁਰੂਆਤ ਬਹੁਤ ਮਾੜੀ ਰਹੀ।
ਇੰਗਲਿਸ਼ ਟੀਮ ਨੂੰ ਸਭ ਤੋਂ ਵੱਡਾ ਝਟਕਾ ਉਦੋਂ ਲੱਗਾ ਜਦੋਂ ਓਪਨਰ ਜੇਸਨ ਰੌਏ ਪਹਿਲੇ ਹੀ ਓਵਰ ਵਿਚ ਪਵੇਲੀਅਨ ਪਰਤ ਗਏ। ਹਾਲਾਂਕਿ ਰੌਏ ਆਉਟ ਹੋਣ ਤੋਂ ਪਹਿਲਾਂ ਤੂਫ਼ਾਨੀ ਅੰਦਾਜ਼ ਵਿਚ ਬੱਲੇਬਾਜ਼ੀ ਕਰ ਰਿਹਾ ਸੀ, ਪਰ ਭੁਵਨੇਸ਼ਵਰ ਕੁਮਾਰ ਨੇ ਉਸਦੀ ਪਾਰੀ ਦਾ ਅੰਤ ਕਰਨ ਵਿਚ ਦੇਰ ਨਹੀਂ ਕੀਤੀ।
ਭੁਵੀ ਦੀ ਗੇਂਦ 'ਤੇ ਕਲੀਨ ਬੋਲਡ ਹੋਣ ਤੋਂ ਪਹਿਲਾਂ ਰੌਏ ਨੇ ਇੰਗਲਿਸ਼ ਪਾਰੀ ਦੇ ਪਹਿਲੇ ਓਵਰ ਵਿਚ ਤਿੰਨ ਚੌਕਿਆਂ ਸਮੇਤ 14 ਦੌੜਾਂ ਬਣਾਈਆਂ ਸਨ ਅਤੇ ਇੰਗਲੈਂਡ ਦੀ ਟੀਮ ਇਕ ਵਾਰ ਫਿਰ ਤੇਜ਼ ਸ਼ੁਰੂਆਤ ਵੱਲ ਵਧ ਰਹੀ ਸੀ, ਪਰ ਫਿਰ ਇਸ ਪਹਿਲੇ ਓਵਰ ਦੀ ਆਖਰੀ ਗੇਂਦ' ਤੇ, ਭੁਵੀ ਨੇ ਰੌਏ ਨੂੰ ਬੋਲਡ ਕਰਕੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿੱਤੀ।
