ਜੈੱਕ ਵੈਦਰਹੈਲਡ ਦੀ 68 ਦੌੜਾਂ ਦੀ ਸ਼ਾਨਦਾਰ ਪਾਰੀ ਦੀ ਬਦੌਲਤ ਐਡੀਲੇਡ ਸਟਰਾਈਕਰਜ਼ ਨੇ ਹੋਬਾਰਟ ਹਰਿਕੇਂਸ ਦੇ 147 ਦੌੜਾਂ ਦੇ ਟੀਚੇ ਦਾ ਪਿੱਛਾ ਆਸਾਨੀ ਨਾਲ ਕਰ ਲਿਆ। ਹਾਲਾਂਕਿ, ਜਦੋਂ ਸਟਰਾਈਕਰਜ਼ ਨੇ ਟੀਚੇ ਦਾ ਪਿੱਛਾ ਕਰਨਾ ਸ਼ੁਰੂ ਕੀਤਾ ਤਾਂ ਉਹ ਥੋੜੇ ਪਰੇਸ਼ਾਨ ਸਨ। ਜੇਮਜ਼ ਫਾਲਕਨਰ ਨੇ ਉਨ੍ਹਾਂ ਨੂੰ ਇਕੋ ਓਵਰ ਵਿਚ ਦੋ ਦੌੜਾਂ ਦੇ ਕੇ ਦੋ ਵਿਕਟਾਂ ਲੈ ਲਈਆੰ। ਇਸ ਸੀਜਨ ਦਾ ਆਪਣਾ ਪਹਿਲਾ ਮੈਚ ਖੇਡ ਰਹੇ ਕਪਤਾਨ ਐਲੈਕਸ ਕੈਰੀ ਦੇ ਨਾਲ ਮਿਲ ਕੇ ਵੇਦਰਹੈਲਡ ਨੇ ਅਰਧ ਸੈਂਕੜੇ ਲਗਾਏ ਅਤੇ ਆਰਾਮ ਨਾਲ ਟੀਚੇ ਨੂੰ ਹਾਸਲ ਕਰ ਲਿਆ।
ਵੇਦਰਹੈਲਡ ਦੀਆਂ 68 ਦੌੜਾਂ ਵਿਚ ਚਾਰ ਚੌਕੇ ਅਤੇ ਚਾਰ ਛੱਕੇ ਸ਼ਾਮਲ ਸੀ ਜਦੋਂਕਿ ਕੈਰੀ ਨੇ ਚਾਰ ਚੌਕੇ ਅਤੇ ਇਕ ਛੱਕਾ ਲਗਾਇਆ।
ਇਸ ਤੋਂ ਪਹਿਲਾਂ ਸਟਰਾਈਕਰਜ਼ ਦੇ ਕਪਤਾਨ ਐਲੈਕਸ ਕੈਰੀ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦੀ ਚੋਣ ਕੀਤੀ। ਉਹਨਾਂ ਦਾ ਇਹ ਫੈਸਲਾ ਸਫਲ ਰਿਹਾ, ਕਿਉਂਕਿ ਹਰਿਕੇਂਸ ਨੇ ਪਾਵਰਪਲੇਅ ਦੇ ਅੰਦਰ ਤਿੰਨ ਵਿਕਟਾਂ ਗੁਆ ਦਿੱਤੀਆਂ ਸੀ। ਬੇਨ ਮੈਕਡਰਮੋਟ (46) ਅਤੇ ਕੋਲਿਨ ਇੰਗਰਾਮ (46) ਨੇ ਚੌਥੇ ਵਿਕਟ ਲਈ 75 ਦੌੜਾਂ ਦੀ ਸਾਂਝੇਦਾਰੀ ਨਾਲ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ।
