IPL 2020: ਚੇਨਈ ਸੁਪਰ ਕਿੰਗਜ਼ ਲਈ ਬੁਰੀ ਖ਼ਬਰ, ਡਵੇਨ ਬ੍ਰਾਵੋ ਦੂਜੇ ਮੈਚ ਤੋਂ ਵੀ ਹੋ ਸਕਦੇ ਹਨ ਬਾਹਰ
ਆਈਪੀਐਲ ਦੇ 13 ਵੇਂ ਸੀਜ਼ਨ ਦੇ ਪਹਿਲੇ ਮੈਚ ਵਿੱਚ ਚੇਨਈ ਨੇ 4 ਵਾਰ ਦੀ ਚੈਂਪੀਅਨ ਮੁੰਬਈ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਇਸ ਮੈਚ 'ਚ ਮੁੰਬਈ ਨੇ ਪਹਿਲੇ ਬੱਲੇਬਾਜ਼ੀ ਕਰਦੇ ਹੋਏ 9 ਵਿਕਟਾਂ 'ਤੇ 162 ਦੌੜਾਂ ਬਣਾਈਆਂ ਅਤੇ ਚੇਨਈ
ਪਰ ਇਸ ਜਿੱਤ ਦੇ ਬਾਵਜੂਦ ਚੇਨਈ ਦੇ ਕਪਤਾਨ ਧੋਨੀ ਦੀ ਸਿਰਦਰਦੀ ਵਧਣੀ ਯਕੀਨੀ ਹੈ। ਦਰਅਸਲ, ਟੀਮ ਦੇ ਸਭ ਤੋਂ ਤਜਰਬੇਕਾਰ ਆਲਰਾਉਡਰ ਡਵੇਨ ਬ੍ਰਾਵੋ ਟੀਮ ਦੇ ਦੂਜੇ ਮੈਚ ਤੋਂ ਵੀ ਬਾਹਰ ਹੋ ਸਕਦੇ ਹਨ.
Trending
ਗੋਡੇ ਦੀ ਸੱਟ ਕਾਰਨ ਬ੍ਰਾਵੋ ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਮੈਚ ਦਾ ਹਿੱਸਾ ਨਹੀਂ ਸੀ। ਸੀਐਸਕੇ ਦੇ ਕੋਚ ਸਟੀਫਨ ਫਲੇਮਿੰਗ ਨੇ ਕਿਹਾ ਹੈ ਕਿ ਡਵੇਨ ਬ੍ਰਾਵੋ ਹੁਣ ਦੂਜੇ ਮੈਚ ਲਈ ਚੋਣ ਲਈ ਉਪਲਬਧ ਨਹੀਂ ਹੋਣਗੇ. ਡਵੇਨ ਬ੍ਰਾਵੋ ਨੇ ਹਾਲ ਹੀ ਵਿੱਚ ਟ੍ਰਿਨਬਾਗੋ ਨਾਈਟ ਰਾਈਡਰਜ਼ ਲਈ ਸੀਪੀਐਲ ਖੇਡਿਆ ਸੀ.
ਬ੍ਰਾਵੋ ਸੀਪੀਐਲ ਵਿੱਚ ਜ਼ਖਮੀ ਹੋ ਗਏ ਸੀ, ਉਹਨਾਂ ਨੇ ਟ੍ਰਿਨਬਾਗੋ ਲਈ ਫਾਈਨਲ ਮੈਚ ਖੇਡਿਆ ਪਰ ਉਹਨਾਂ ਨੇ ਇਸ ਮੈਚ ਦੌਰਾਨ ਗੇਂਦਬਾਜ਼ੀ ਨਹੀਂ ਕੀਤੀ ਸੀ. ਇਸ ਕਰਕੇ, ਆਈਪੀਐਲ ਦੇ ਪਹਿਲੇ ਮੈਚ ਵਿੱਚ, ਧੋਨੀ ਨੇ ਬ੍ਰਾਵੋ ਦੀ ਜਗ੍ਹਾ ਸੈਮ ਕਰੈਨ ਨੂੰ ਮੌਕਾ ਦਿੱਤਾ ਅਤੇ ਉਹਨਾਂ ਨੇ ਪਹਿਲੇ ਮੈਚ ਵਿੱਚ ਆਪਣੀ ਟੀਮ ਨੂੰ ਜਿਤਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ।
ਸੈਮ ਕਰੈਨ ਨੇ ਸਿਰਫ 6 ਗੇਂਦਾਂ 'ਤੇ 18 ਦੌੜਾਂ ਬਣਾਈਆਂ ਅਤੇ ਮੈਚ ਦਾ ਪੱਖ ਸੀਐਸਕੇ ਵੱਲ ਕਰ ਦਿੱਤਾ। ਚੇਨਈ ਸੁਪਰ ਕਿੰਗਜ਼ ਦੇ ਕੋਚ ਸਟੀਫਨ ਫਲੇਮਿੰਗ ਨੇ ਮੈਚ ਤੋਂ ਬਾਅਦ ਮੀਡੀਆ ਨੂੰ ਦੱਸਿਆ ਕਿ ਬ੍ਰਾਵੋ ਇਸ ਸਮੇਂ ਜ਼ਖਮੀ ਹਨ ਇਸ ਲਈ ਉਹ ਸ਼ਾਇਦ ਦੂਜੇ ਮੈਚ ਦਾ ਹਿੱਸਾ ਵੀ ਨਾ ਬਣ ਸਕਣ।
ਹਾਲਾਂਕਿ, ਸੈਮ ਕਰੈਨ ਦੀ ਪਰਫਾੱਰਮੈਂਸ ਸਾਡੇ ਲਈ ਇਕ ਵੱਡਾ ਪਾੱਜ਼ੀਟਿਵ ਸੀ. ਉਹਨਾਂ ਦਾ ਪ੍ਰਦਰਸ਼ਨ ਸੱਚਮੁੱਚ ਹੈਰਾਨ ਕਰ ਦੇਣ ਵਾਲਾ ਸੀ. ਸੈਮ ਕਰੈਨ ਨੇ ਮਿਲੇ ਮੌਕੇ ਦਾ ਪੂਰਾ ਫਾਇਦਾ ਉਠਾਉਂਦਿਆਂ ਆਪਣੀ ਚੌਣ ਨੂੰ ਬਿੱਲਕੁਲ ਸਹੀ ਸਾਬਿਤ ਕੀਤਾ.
ਐਮਐਸ ਧੋਨੀ ਨੇ ਸੈਮ ਕਰੈਨ ਨੂੰ ਇਸ ਮੈਚ ਵਿੱਚ ਬੱਲੇਬਾਜ਼ੀ ਕਰਨ ਲਈ ਆਪਣੇ ਤੋਂ ਪਹਿਲਾਂ ਭੇਜਿਆ ਅਤੇ ਉਹਨਾਂ ਨੇ ਇੱਕ ਛੋਟੀ ਪਰ ਮਹੱਤਵਪੂਰਨ ਪਾਰੀ ਖੇਡੀ, ਜਿਸ ਨਾਲ ਉਹਨਾਂ ਨੇ ਮਾਹੀ ਦਾ ਵਿਸ਼ਵਾਸ ਵੀ ਜਿੱਤ ਲਿਆ। ਸੈਮ ਕਰੈਨ ਨੇ ਸਿਰਫ 6 ਗੇਂਦਾਂ 'ਤੇ 18 ਦੌੜਾਂ ਬਣਾਈਆਂ ਅਤੇ ਟੀਮ ਨੂੰ ਜਿੱਤ ਦੀ ਕਗਾਰ' ਤੇ ਪਹੁੰਚਾਇਆ।
