IPL 2020: ਰਵਿੰਦਰ ਜਡੇਜਾ ਇਤਿਹਾਸ ਰਚਣ ਦੇ ਕਗਾਰ 'ਤੇ, ਆਈਪੀਐਲ' ਚ ਕਿਸੇ ਵੀ ਖਿਡਾਰੀ ਨੇ ਨਹੀਂ ਬਣਾਇਆ ਹੈ ਇਹ ਰਿਕਾਰਡ

ਚੇਨਈ ਸੁਪਰ ਕਿੰਗਜ਼ ਦੇ ਸਟਾਰ ਆਲਰਾਉਂਡਰ ਰਵਿੰਦਰ ਜਡੇਜਾ ਕੋਲ ਸ਼ਨੀਵਾਰ (19 ਸਤੰਬਰ) ਨੂੰ ਅਬੂ ਧਾਬੀ ਦੇ ਸ਼ੇਖ ਜ਼ਾਯਦ ਸਟੇਡੀਅਮ ਵਿੱਚ ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੀਜ਼ਨ ਦੇ ਪਹਿਲੇ ਮੈਚ ਵਿੱਚ ਖਾਸ ਰਿਕਾਰਡ ਬਣਾਉਣ ਦਾ ਮੌਕਾ ਹੋਵੇਗਾ।

ਜੇ ਜਡੇਜਾ ਨੇ ਇਸ ਮੈਚ ਵਿਚ 73 ਦੌੜਾਂ ਬਣਾਈਆਂ ਤਾਂ ਉਹ ਆਈਪੀਐਲ ਵਿਚ ਆਪਣੀਆਂ 2000 ਦੌੜਾਂ ਪੂਰੀਆਂ ਕਰ ਲੈਣਗੇ। ਜੇ ਜਡੇਜਾ ਇਹ ਕਾਰਨਾਮਾ ਕਰਦੇ ਹਨ ਤੇ ਇਸਦੇ ਨਾਲ ਹੀ, ਉਹ ਆਈਪੀਐਲ ਦੇ ਇਤਿਹਾਸ ਵਿੱਚ ਅਜਿਹਾ ਮੁਕਾਮ ਹਾਸਿਲ ਕਰ ਲੈਣਗੇ ਜੋ ਕਿਸੇ ਹੋਰ ਖਿਡਾਰੀ ਨੇ ਨਹੀਂ ਕੀਤਾ. ਜਡੇਜਾ ਆਈਪੀਐਲ ਵਿੱਚ 2000 ਦੌੜਾਂ ਦੇ ਨਾਲ-ਨਾਲ 100 ਜਾਂ ਵੱਧ ਵਿਕਟ ਲੈਣ ਵਾਲੇ ਪਹਿਲੇ ਖਿਡਾਰੀ ਬਣ ਜਾਣਗੇ।

ਜਡੇਜਾ 2012 ਤੋਂ ਚੇਨਈ ਸੁਪਰ ਕਿੰਗਜ਼ ਟੀਮ ਦਾ ਹਿੱਸਾ ਹਨ। ਉਹਨਾਂ ਨੇ ਆਈਪੀਐਲ ਵਿਚ ਖੇਡੇ ਗਏ 170 ਮੈਚਾਂ ਵਿਚ 1927 ਦੌੜਾਂ ਬਣਾਈਆਂ ਹਨ ਤੇ ਇਸ ਦੌਰਾਨ ਉਹਨ੍ਹਾਂ ਦਾ ਟਾੱਪ ਸਕੋਰ 48 ਦੌੜਾਂ ਹੈ।

ਜਡੇਜਾ ਆਈਪੀਐਲ ਵਿੱਚ ਚੋਟੀ ਦੇ 10 ਵਿਕਟ ਲੈਣ ਵਾਲੇ ਖਿਡਾਰੀਆਂ ਵਿੱਚ ਸ਼ਾਮਲ ਹਨ। ਉਹ 108 ਵਿਕਟਾਂ ਨਾਲ ਇਸ ਸੂਚੀ ਵਿਚ 10 ਵੇਂ ਨੰਬਰ 'ਤੇ ਹੈ।

ਜਡੇਜਾ ਨੇ 2008 ਵਿੱਚ ਰਾਜਸਥਾਨ ਰਾਇਲਜ਼ ਲਈ ਆਈਪੀਐਲ ਵਿੱਚ ਸ਼ੁਰੂਆਤ ਕੀਤੀ ਸੀ। ਉਹ ਚੇਨਈ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਸਭ ਤੋਂ ਭਰੋਸੇਮੰਦ ਖਿਡਾਰੀ ਹਨ ਤੇ ਜੇ ਇਸ ਵਾਰ ਆਈਪੀਐਲ ਵਿਚ ਚੇਨਈ ਨੂੰ ਪਲੇਆੱਫ ਤੱਕ ਦਾ ਸਫ਼ਰ ਤੈਅ ਕਰਨਾ ਹੈ ਤਾਂ ਰਵਿੰਦਰ ਜਡੇਜਾ ਦੀ ਭੂਮਿਕਾ ਬੇਹੱਦ ਅਹਿਮ ਹੋਣ ਵਾਲੀ ਹੈ.