IPL 2020 : RCB ਦੇ ਖਿਲਾਫ ਮੈਚ ਵਿਚ ਹੋ ਸਕਦੀ ਹੈ ਕ੍ਰਿਸ ਗੇਲ ਦੀ ਵਾਪਸੀ, ਯੁਨਿਵਰਸ ਬਾੱਸ ਨੇ ਸ਼ੁਰੂ ਕਰ ਦਿੱਤਾ ਹੈ ਅਭਿਆਸ

ਮੌਜੂਦਾ ਆਈਪੀਐਲ ਸੀਜਨ ਵਿਚ ਕਿੰਗਜ ਇਲੈਵਨ ਪੰਜਾਬ ਦੀ ਟੀਮ ਪੁਆਇੰਟ ਟੇਬਲ ਵਿਚ ਸਭ ਤੋਂ ਹੇਠਾਂ ਹੈ. ਹੁਣ ਅਗਲਾ ਮੁਕਾਬਲਾ ਰਾਇਲ ਚੈਲੇਂਜਰਸ ਬੈਂਗਲੌਰ ਨਾਲ ਹੋਣਾ ਹੈ. ਇਸ ਮੈਚ ਤੋਂ ਪਹਿਲਾਂ ਪੰਜਾਬ ਦੇ ਪ੍ਰਸ਼ੰਸਕਾਂ ਲਈ ਬਹੁਤ ਵੱਡੀ ਖੁਸ਼ਖਬਰੀ ਹੈ. ਆਈਪੀਐਲ 2020 ਵਿਚ ਗੇਲ ਨੇ ਅਜੇ ਤੱਕ ਇਕ ਵੀ ਮੈਚ ਨਹੀਂ ਖੇਡਿਆ ਹੈ. ਹਾਲਾਂਕਿ, ਗੇਲ ਨੇ ਬੈਂਗਲੌਰ ਦੇ ਖਿਲਾਫ ਮੈਚ ਤੋਂ ਪਹਿਲਾਂ ਅਭਿਆਸ ਕਰਨਾ ਸ਼ੁਰੂ ਕਰ ਦਿੱਤਾ ਹੈ.

ਉਹ ਪੇਟ ਦੀ ਸਮੱਸਿਆ ਕਾਰਨ ਪਿਛਲੇ ਕੁੱਝ ਮੈਚਾਂ ਤੋਂ ਬਿਮਾਰ ਸੀ ਅਤੇ ਹਸਪਤਾਲ ਵਿੱਚ ਦਾਖਲ ਵੀ ਸੀ. ਪਰ ਤਾਜ਼ਾ ਜਾਣਕਾਰੀ ਅਨੁਸਾਰ ਗੇਲ ਪੂਰੀ ਤਰ੍ਹਾਂ ਠੀਕ ਹੋ ਗਏ ਹਨ ਅਤੇ ਬੈਂਗਲੌਰ ਖਿਲਾਫ ਅਗਲੇ ਮੈਚ ਦੀ ਤਿਆਰੀ ਕਰ ਰਹੇ ਹਨ.

ਗੇਲ ਦੇ ਆਉਣ ਨਾਲ ਟੀਮ ਨੂੰ ਨਵੀਂ  ਊਰਜਾ ਮਿਲੇਗੀ. ਇਸ ਸੀਜ਼ਨ ਵਿਚ ਹੁਣ ਤੱਕ ਪੰਜਾਬ ਦੀ ਟੀਮ ਨੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਬਹੁਤ ਕਰੀਬੀ ਮੁਕਾਬਲੇ ਗੁਆਏ ਹਨ. ਹੁਣ ਗੇਲ ਦੇ ਪਲੇਇੰਗ ਇਲੈਵਨ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਸਲਾਮੀ ਬੱਲੇਬਾਜ਼ ਕੇ ਐਲ ਰਾਹੁਲ ਅਤੇ ਮਯੰਕ ਅਗਰਵਾਲ ਤੋਂ ਕੁਝ ਦਬਾਅ ਜਰੂਰ ਘੱਟ ਹੋਵੇਗਾ. ਇਹ ਤੈਅ ਹੈ ਕਿ ਜੇ ਗੇਲ ਅਗਲੇ ਮੈਚ ਵਿਚ ਪੰਜਾਬ ਲਈ ਟੀਮ ਵਿਚ ਸ਼ਾਮਲ ਹੁੰਦੇ ਹਨ ਤਾਂ ਟੂਰਨਾਮੈਂਟ ਵਿਚ ਫਲਾਪ ਰਹੇ ਆਸਟਰੇਲੀਆ ਦੇ ਆਲਰਾਉਂਡਰ ਗਲੇਨ ਮੈਕਸਵੈਲ ਦਾ ਬਾਹਰ ਹੋਣਾ ਤੈਅ ਹੈ.

ਹੈਦਰਾਬਾਦ ਖਿਲਾਫ ਪਿਛਲੇ ਮੈਚ ਤੋਂ ਪਹਿਲਾਂ, ਪੰਜਾਬ ਦੇ ਮੁੱਖ ਕੋਚ ਅਨਿਲ ਕੁੰਬਲੇ ਨੇ ਕਿਹਾ ਸੀ ਕਿ ਗੇਲ ਪਲੇਇੰਗ ਇਲੈਵਨ ਵਿੱਚ ਸ਼ਾਮਲ ਹੋਣਾ ਨਿਸ਼ਚਤ ਸੀ ਪਰ ਆਖਰੀ ਸਮੇਂ ਉਹ ਬਿਮਾਰ ਹੋ ਗਏ ਅਤੇ ਉਹਨਾਂ ਨੂੰ ਮੈਦਾਨ ਤੋਂ ਬਾਹਰ ਬੈਠਣਾ ਪਿਆ.