ENG vs AUS: ਕ੍ਰਿਸ ਜੌਰਡਨ ਇਤਿਹਾਸ ਰਚਣ ਦੇ ਨੇੜੇ, ਬਣ ਸਕਦੇ ਨੇ ਟੀ -20 ਵਿਚ ਇੰਗਲੈਂਡ ਲਈ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼

ਇੰਗਲੈਂਡ ਅਤੇ ਆਸਟਰੇਲੀਆ ਵਿਚਾਲੇ ਟੀ -20 ਅੰਤਰਰਾਸ਼ਟਰੀ ਲੜੀ ਦਾ ਤੀਜਾ ਅਤੇ ਆਖਰੀ ਮੈਚ ਮੰਗਲਵਾਰ (8 ਸਤੰਬਰ) ਨੂੰ ਖੇਡਿਆ ਜਾਵੇਗਾ। ਮੇਜ਼ਬਾਨ ਇੰਗਲੈਂਡ ਨੇ ਪਹਿਲਾਂ ਹੀ ਦੋ ਮੈਚ ਜਿੱਤ ਕੇ ਲੜੀ 'ਤੇ ਕਬਜ਼ਾ ਕਰ ਲਿਆ ਹੈ। ਇਸ ਮੈਚ ਵਿਚ ਜਿੱਤ ਹਾਸਿਲ ਕਰਕੇ ਉਹ ਸੀਰੀਜ਼ ਕਲੀਨ ਸਵੀਪ ਕਰਨ ਲਈ ਮੈਦਾਨ ’ਤੇ ਉਤਰਣਗੇ।

ਇਸ ਮੈਚ ਵਿੱਚ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਕ੍ਰਿਸ ਜੌਰਡਨ ਕੋਲ ਇਤਿਹਾਸ ਰਚਣ ਦਾ ਮੌਕਾ ਹੋਵੇਗਾ। ਜੇ ਜੌਰਡਨ ਇਸ ਮੈਚ ਵਿਚ 3 ਵਿਕਟਾਂ ਲੈਂਦੇ ਹਨ, ਤਾਂ ਉਹ ਟੀ -20 ਅੰਤਰਰਾਸ਼ਟਰੀ ਕ੍ਰਿ੍ਕਟ ਵਿਚ ਇੰਗਲੈਂਡ ਲਈ ਸਭ ਤੋਂ ਜ਼ਿਆਦਾ ਵਿਕਟ ਲੈਣ ਵਾਲੇ ਗੇਂਦਬਾਜ਼ ਬਣ ਜਾਣਗੇ. ਜੌਰਡਨ ਨੇ ਹੁਣ ਤੱਕ ਖੇਡੇ ਗਏ 51 ਮੈਚਾਂ ਦੀਆਂ 50 ਪਾਰੀਆਂ ਵਿਚ 63 ਵਿਕਟਾਂ ਹਾਸਲ ਕੀਤੀਆਂ ਹਨ। ਜਿਸ ਵਿਚ 6 ਦੌੜਾਂ ਦੇ ਕੇ 4 ਵਿਕਟਾਂ,  ਉਨ੍ਹਾਂ ਦਾ ਬੈਸਟ ਪ੍ਰਦਰਸ਼ਨ ਰਿਹਾ ਹੈ.

ਇੰਗਲੈਂਡ ਲਈ, ਇਸ ਫਾਰਮੈਟ ਵਿਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਦਾ ਰਿਕਾਰਡ ਤੇਜ਼ ਗੇਂਦਬਾਜ਼ ਸਟੂਅਰਟ ਬ੍ਰੌਡ ਦੇ ਨਾਮ ਦਰਜ ਹੈ. ਬ੍ਰੌਡ ਨੇ 56 ਮੈਚਾਂ ਦੀਆਂ 55 ਪਾਰੀਆਂ ਵਿਚ 65 ਵਿਕਟਾਂ ਹਾਸਲ ਕੀਤੀਆਂ ਹਨ। ਬ੍ਰੌਡ ਨੇ ਇੰਗਲੈਂਡ ਲਈ ਆਪਣਾ ਆਖਰੀ ਟੀ -20 ਮੈਚ 2014 ਵਿਚ ਖੇਡਿਆ ਸੀ.

ਜੌਰਡਨ ਨੇ ਪਿਛਲੇ ਦੋ ਟੀ -20 ਮੈਚਾਂ ਵਿਚ ਸਿਰਫ ਦੋ ਵਿਕਟਾਂ ਲਈਆਂ ਹਨ. ਹਾਲਾਂਕਿ, ਉਹ ਇੰਗਲੈਂਡ ਲਈ ਬਾਕੀ ਤੇਜ਼ ਗੇਂਦਬਾਜ਼ਾਂ ਨਾਲੋਂ ਬਹੁਤ ਕਿਫਾਇਤੀ ਰਹੇ ਹਨ.