'100+ ਮੀਟਰ ਛੱਕੇ 'ਤੇ ਮਿਲਣੀਆਂ ਚਾਹੀਦੀਆਂ ਹਨ 8 ਦੌੜਾਂ', ਯੁਜਵੇਂਦਰ ਚਾਹਲ ਨੇ ਆਕਾਸ਼ ਚੋਪੜਾ ਨੂੰ ਕੀਤਾ ਟ੍ਰੋਲ

IPL 2022 Commentator Aakash Chopra trolled by rr spinner yuzvendra chahal : ਮਸ਼ਹੂਰ ਕਮੈਂਟੇਟਰ ਆਕਾਸ਼ ਚੋਪੜਾ ਨੂੰ ਰਾਜਸਥਾਨ ਰਾਇਲਜ਼ ਦੇ ਲੈੱਗ ਸਪਿਨਰ ਯੁਜਵੇਂਦਰ ਚਾਹਲ ਨੇ ਟ੍ਰੋਲ ਕੀਤਾ ਹੈ।

ਆਈਪੀਐਲ 2022: ਚੇਨਈ ਸੁਪਰ ਕਿੰਗਜ਼ ਅਤੇ ਪੰਜਾਬ ਕਿੰਗਜ਼ ਵਿਚਕਾਰ ਖੇਡੇ ਗਏ 11ਵੇਂ ਮੈਚ ਵਿੱਚ, ਮਯੰਕ ਅਗਰਵਾਲ ਦੀ ਟੀਮ ਨੇ 54 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਅਤੇ ਆਪਣੇ ਖਾਤੇ ਵਿੱਚ ਦੋ ਅੰਕ ਪਾ ਲਏ। ਇਸ ਮੈਚ 'ਚ ਲਿਆਮ ਲਿਵਿੰਗਸਟੋਨ ਨੇ ਪੰਜਾਬ ਲਈ ਆਪਣੀ ਪਹਿਲੀ ਆਈਪੀਐੱਲ ਫਿਫਟੀ ਲਗਾਈ ਅਤੇ 32 ਗੇਂਦਾਂ 'ਚ 60 ਦੌੜਾਂ ਬਣਾਈਆਂ। ਉਸ ਨੇ ਇਸ ਪਾਰੀ ਦੌਰਾਨ ਮੌਜੂਦਾ ਸੀਜ਼ਨ ਦਾ ਸਭ ਤੋਂ ਲੰਬਾ ਛੱਕਾ ਵੀ ਲਗਾਇਆ। ਇਹ ਛੱਕਾ ਰਿਕਾਰਡ 108 ਮੀਟਰ ਦੂਰ ਜਾ ਕੇ ਡਿੱਗਿਆ, ਜਿਸ ਤੋਂ ਬਾਅਦ ਆਕਾਸ਼ ਚੋਪੜਾ ਨੇ ਇਕ ਮੰਗ ਵੀ ਕੀਤੀ।

ਜਿਵੇਂ ਹੀ ਲਿਵਿੰਗਸਟੋਨ ਨੇ ਇਹ ਛੱਕਾ ਲਗਾਇਆ, ਪ੍ਰਸ਼ੰਸਕਾਂ ਨੇ ਸੋਸ਼ਲ ਮੀਡੀਆ 'ਤੇ ਕਈ ਤਰ੍ਹਾਂ ਦੇ ਮੀਮਜ਼ ਸਾਂਝੇ ਕਰਨੇ ਸ਼ੁਰੂ ਕਰ ਦਿੱਤੇ। ਇਸ ਦੌਰਾਨ ਸਾਬਕਾ ਭਾਰਤੀ ਕ੍ਰਿਕਟਰ ਤੋਂ ਕੁਮੈਂਟੇਟਰ ਬਣੇ ਆਕਾਸ਼ ਚੋਪੜਾ ਨੇ ਇੱਕ ਟਵੀਟ ਵਿੱਚ ਸੁਝਾਅ ਦਿੱਤਾ ਕਿ 100 ਮੀਟਰ ਦੀ ਦੂਰੀ ਤੱਕ ਛੱਕੇ ਮਾਰਨ ਵਾਲੇ ਨੂੰ 6 ਦੀ ਬਜਾਏ 8 ਦੌੜਾਂ ਦਿੱਤੀਆਂ ਜਾਣੀਆਂ ਚਾਹੀਦੀਆਂ ਹਨ। ਚੋਪੜਾ ਦੇ ਇਸ ਟਵੀਟ 'ਤੇ ਰਾਜਸਥਾਨ ਰਾਇਲਜ਼ ਦੇ ਸਪਿਨਰ ਯੁਜਵੇਂਦਰ ਚਾਹਲ ਨੇ ਵੀ ਉਨ੍ਹਾਂ ਦਾ ਮਜ਼ਾਕ ਉਡਾਇਆ।

ਚਹਿਲ ਨੇ ਆਕਾਸ਼ ਚੋਪੜਾ ਨੂੰ ਟ੍ਰੋਲ ਕੀਤਾ ਅਤੇ ਉਨ੍ਹਾਂ ਦੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਕਿਹਾ, 'ਭਈਆ, ਤਿੰਨ ਡਾਟ ਗੇਂਦਾਂ ਲਈ ਇਕ ਵਿਕਟ ਵੀ ਦੇਣੀ ਚਾਹੀਦੀ ਹੈ।' ਚਾਹਲ ਦੇ ਇਸ ਟਵੀਟ 'ਤੇ ਪ੍ਰਸ਼ੰਸਕ ਵੀ ਮਜ਼ਾਕੀਆ ਟਿੱਪਣੀਆਂ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਚਾਹਲ ਦੇ ਨਾਲ-ਨਾਲ ਪ੍ਰਸ਼ੰਸਕ ਆਕਾਸ਼ ਚੋਪੜਾ ਨੂੰ ਵੀ ਟ੍ਰੋਲ ਕਰ ਰਹੇ ਹਨ। ਚਾਹਲ ਦੇ ਇਸ ਜਵਾਬ 'ਤੇ ਪ੍ਰਸ਼ੰਸਕਾਂ ਤੋਂ ਇਲਾਵਾ ਸੁਰੇਸ਼ ਰੈਨਾ ਵੀ ਹੱਸਦੇ ਨਜ਼ਰ ਆਏ।

Three dot balls should be 1 wicket bhaiya

— Yuzvendra Chahal (@yuzi_chahal) April 3, 2022

ਇਸ ਦੇ ਨਾਲ ਹੀ ਜੇਕਰ CSK ਅਤੇ ਪੰਜਾਬ ਵਿਚਾਲੇ ਮੈਚ ਦੀ ਗੱਲ ਕਰੀਏ ਤਾਂ 181 ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਚੇਨਈ ਲਈ ਸ਼ਿਵਮ ਦੂਬੇ ਨੇ 57 ਦੌੜਾਂ ਬਣਾਈਆਂ ਪਰ ਉਸ ਦੀ ਇਹ ਪਾਰੀ ਆਪਣੀ ਟੀਮ ਨੂੰ ਹਾਰ ਤੋਂ ਨਹੀਂ ਬਚਾ ਸਕੀ। ਮੌਜੂਦਾ ਸੀਜ਼ਨ ਵਿੱਚ ਸੀਐਸਕੇ ਦੀ ਟੀਮ ਲਗਾਤਾਰ ਤਿੰਨ ਮੈਚ ਹਾਰ ਚੁੱਕੀ ਹੈ ਅਤੇ ਹੁਣ ਤੱਕ ਜਡੇਜਾ ਵੀ ਕਪਤਾਨ ਵਜੋਂ ਫਲਾਪ ਸਾਬਤ ਹੋਇਆ ਹੈ।