IPL 2020: ਕਪਤਾਨ ਡੇਵਿਡ ਵਾਰਨਰ ਨੇ ਗੇਂਦਬਾਜ਼ਾਂ ਨੂੰ ਦਿੱਤਾ ਸਨਰਾਈਜ਼ਰਸ ਹੈਦਰਾਬਾਦ ਦੀ ਵੱਡੀ ਜਿੱਤ ਦਾ ਸਿਹਰਾ

credit goes to our bowlers says sunrisers hyderabad captain david warner (Image Credit: BCCI)

ਆਈਪੀਐਲ ਸੀਜਨ-13 ਦੇ ਇਕ ਅਹਿਮ ਮੁਕਾਬਲੇ ਵਿਚ ਜਿੱਤਣ ਤੋਂ ਬਾਅਦ ਸਨਰਾਈਜ਼ਰਸ ਹੈਦਰਾਬਾਦ ਦੇ ਕਪਤਾਨ ਡੇਵਿਡ ਵਾਰਨਰ ਨੇ ਇਸ ਜਿੱਤ ਦਾ ਸਿਹਰਾ ਆਪਣੇ ਗੇਂਦਬਾਜ਼ਾਂ ਨੂੰ ਦਿੱਤਾ, ਜਿਨ੍ਹਾਂ ਨੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਰਗੀ ਵੱਡੀ ਬੱਲੇਬਾਜ਼ੀ ਨੂੰ ਇਕ ਘੱਟ ਸਕੋਰ ਤੇ ਹੀ ਰੋਕ ਦਿੱਤਾ.

ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਬੰਗਲੌਰ 20 ਓਵਰਾਂ ਵਿਚ ਸੱਤ ਵਿਕਟਾਂ ਗੁਆ ਕੇ ਸਿਰਫ 120 ਦੌੜਾਂ ਹੀ ਬਣਾ ਸਕਿਆ. ਹੈਦਰਾਬਾਦ ਨੇ ਇਹ ਟੀਚਾ 14.1 ਓਵਰਾਂ ਵਿੱਚ ਪੰਜ ਵਿਕਟਾਂ ਗੁਆ ਕੇ ਹਾਸਲ ਕਰ ਲਿਆ. ਇਸ ਜਿੱਤ ਦੇ ਨਾਲ ਹੈਦਰਾਬਾਦ ਅੰਕ ਸੂਚੀ ਵਿੱਚ ਚੌਥੇ ਨੰਬਰ 'ਤੇ ਪਹੁੰਚ ਗਿਆ ਹੈ ਅਤੇ ਹੁਣ ਪਲੇਆਫ ਦੀ ਦੌੜ ਹੋਰ ਮਜ਼ੇਦਾਰ ਹੋ ਗਈ ਹੈ.

ਮੈਚ ਤੋਂ ਬਾਅਦ, ਵਾਰਨਰ ਨੇ ਕਿਹਾ, "ਸਾਨੂੰ ਇਸ ਮੈਚ ਵਿਚ ਜਿੱਤਣ ਦੀ ਜ਼ਰੂਰਤ ਸੀ. ਇਹ ਜਿੱਤ ਇਕ ਚੋਟੀ ਦੀ ਟੀਮ ਦੇ ਖਿਲਾਫ ਹੈ, ਜਿਸਦਾ ਸਿਹਰਾ ਗੇਂਦਬਾਜ਼ਾਂ ਨੂੰ ਜਾਂਦਾ ਹੈ. ਇਹ ਵਿਕਟ ਜਿਸ ਤਰ੍ਹਾਂ ਦੀ ਸੀ, ਇਹ ਕਾਫੀ ਹੌਲੀ ਸੀ. ਗੇਂਦਬਾਜ਼ਾਂ ਨੇ ਸਥਿਤੀ ਨੂੰ ਠੀਕ ਕਰ ਲਿਆ."

ਉਹਨਾਂ ਨੇ ਕਿਹਾ, "ਤੁਸੀਂ ਸਿਰਫ ਯਾਰਕਰਾਂ ਨਾਲ ਗੇਂਦਬਾਜ਼ੀ ਨਹੀਂ ਕਰ ਸਕਦੇ, ਤੁਸੀਂ ਸਿਰਫ ਹੌਲੀ ਗੇਂਦਬਾਜ਼ੀ ਨਹੀਂ ਕਰ ਸਕਦੇ, ਤੁਹਾਨੂੰ ਵਿਕਟਾਂ ਤੇ ਗੇਂਦ ਮਾਰਨੀਆਂ ਪੈਦੀਆਂ ਹਨ. ਮੈਂ ਤ੍ਰੇਲ ਬਾਰੇ ਹੈਰਾਨ ਨਹੀਂ ਸੀ. ਇੱਥੇ ਠੰਡਾ ਹੋਣ 'ਤੇ ਤ੍ਰੇਲ ਹੁੰਦੀ ਹੈ."

ਸਨਰਾਈਜ਼ਰਜ਼ ਹੈਦਰਾਬਾਦ ਆਪਣਾ ਆਖਰੀ ਲੀਗ ਮੈਚ 3 ਨਵੰਬਰ ਨੂੰ ਮੁੰਬਈ ਇੰਡੀਅਨਜ਼ ਖਿਲਾਫ ਖੇਡੇਗੀ. ਸਨਰਾਈਜ਼ਰਸ ਹੈਦਰਾਬਾਦ ਲਈ ਉਹ ਮੈਚ ਕਾਫੀ ਜਰੂਰੀ ਹੋਵੇਗਾ.