ਆਸਟਰੇਲੀਆ ਦੇ ਖੱਬੇ ਹੱਥ ਦੇ ਵਿਸਫੋਟਕ ਬੱਲੇਬਾਜ਼ ਡੇਵਿਡ ਵਾਰਨਰ ਆਈਪੀਐਲ ਦੇ ਇਤਿਹਾਸ ਵਿੱਚ ਸਭ ਤੋਂ ਸਫਲ ਵਿਦੇਸ਼ੀ ਬੱਲੇਬਾਜ਼ ਹਨ। ਵਾਰਨਰ ਨੂੰ ਜਦੋਂ ਮੌਕਾ ਮਿਲਿਆ ਉਹਨਾਂ ਨੇ ਉਸ ਸਮੇਂ ਆਪਣੀ ਟੀਮ ਲਈ ਪ੍ਰਦਰਸ਼ਨ ਕੀਤਾ. ਵਾਰਨਰ ਨੇ ਆਪਣੇ ਆਈਪੀਐਲ ਕਰੀਅਰ ਦੀ ਸ਼ੁਰੂਆਤ 2009 ਵਿੱਚ ਦਿੱਲੀ ਕੈਪਿਟਲਸ (ਦਿੱਲੀ ਡੇਅਰਡੇਵਿਲਜ਼) ਨਾਲ ਕੀਤੀ ਸੀ ਅਤੇ ਉਦੋਂ ਤੋਂ ਉਸਦਾ ਪ੍ਰਦਰਸ਼ਨ ਹਰ ਸਾਲ ਅਸਮਾਨੀ ਚੜ੍ਹਿਆ ਹੈ।
ਡੇਵਿਡ ਵਾਰਨਰ ਆਈਪੀਐਲ ਦੇ ਇਤਿਹਾਸ ਵਿਚ ਇਕਲੌਤੇ ਖਿਡਾਰੀ ਹਨ ਜਿਹਨਾਂ ਨੇ ਲਗਾਤਾਰ ਪੰਜ ਆਈਪੀਐਲ ਸੀਜ਼ਨ ਵਿਚ 500 ਤੋਂ ਵੱਧ ਦੌੜਾਂ ਬਣਾਈਆਂ ਹਨ. 2014 ਵਿੱਚ, ਉਹਨਾਂਨੇ 528 ਦੌੜਾਂ, 2015 ਵਿੱਚ 562 ਦੌੜਾਂ, 2016 ਵਿੱਚ 848 ਦੌੜਾਂ, 2017 ਵਿੱਚ 641 ਦੌੜਾਂ ਅਤੇ 2019 ਦੇ ਆਈਪੀਐਲ ਵਿੱਚ 692 ਦੌੜਾਂ ਬਣਾਈਆਂ ਹਨ।
ਵਾਰਨਰ ਦੇ ਕੋਲ ਆਈਪੀਐਲ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਵਾਰ ਓਰੇਂਜ ਕੈਪ ਜਿੱਤਣ ਦਾ ਰਿਕਾਰਡ ਵੀ ਹੈ। ਉਹ ਆਈਪੀਐਲ 2015 (562 ਦੌੜਾਂ), 2017 (641 ਦੌੜਾਂ) ਅਤੇ 2019 (692 ਦੌੜਾਂ) ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਤੋਂ ਬਾਅਦ ਸਾਰੇ ਤਿੰਨ ਸਾਲਾਂ ਵਿੱਚ ਓਰੇਂਜ ਕੈਪ ਦਾ ਵਿਜੇਤਾ ਬਣੇ ਸੀ।
