ਸ਼੍ਰੀਲੰਕਾ ਨੇ ਏਸ਼ੀਆ ਕੱਪ ਦੇ ਸੁਪਰ-4 ਮੈਚ 'ਚ ਭਾਰਤ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਭਾਰਤੀ ਪ੍ਰਸ਼ੰਸਕਾਂ ਦਾ ਦਿਲ ਤੋੜ ਦਿੱਤਾ ਹੈ। ਇਸ ਮੈਚ 'ਚ ਭਾਰਤੀ ਟੀਮ ਨੇ ਸ਼੍ਰੀਲੰਕਾ ਦੇ ਸਾਹਮਣੇ ਜਿੱਤ ਲਈ 174 ਦੌੜਾਂ ਦਾ ਟੀਚਾ ਰੱਖਿਆ ਸੀ, ਜਿਸ ਨੂੰ ਦਾਸੂਨ ਸ਼ਨਾਕਾ ਦੀ ਟੀਮ ਨੇ 1 ਗੇਂਦ ਬਾਕੀ ਰਹਿੰਦਿਆਂ ਹਾਸਲ ਕਰ ਲਿਆ ਅਤੇ ਸੁਪਰ-4 'ਚ ਭਾਰਤ ਨੂੰ ਲਗਾਤਾਰ ਦੂਜੀ ਹਾਰ ਦਿੱਤੀ।
ਇਸ ਮੈਚ 'ਚ ਇਕ ਵਾਰ ਫਿਰ ਮੈਚ ਆਖਰੀ ਦੋ ਓਵਰਾਂ 'ਚ ਫਸ ਗਿਆ ਅਤੇ ਸਾਰੀ ਜ਼ਿੰਮੇਵਾਰੀ ਤਜਰਬੇਕਾਰ ਭੁਵਨੇਸ਼ਵਰ ਕੁਮਾਰ ਅਤੇ ਨੌਜਵਾਨ ਅਰਸ਼ਦੀਪ ਸਿੰਘ 'ਤੇ ਸੀ ਪਰ ਭੁਵੀ ਨੇ ਇਕ ਵਾਰ ਫਿਰ ਟੀਮ ਇੰਡੀਆ ਦੀ ਲੁੱਟਿਆ ਨੂੰ ਡੋਬਣ 'ਚ ਕੋਈ ਕਸਰ ਨਹੀਂ ਛੱਡੀ ਅਤੇ ਉਹੀ ਗਲਤੀ ਕਰ ਦਿੱਤੀ, ਜੋ ਉਸਨੇ ਪਾਕਿਸਤਾਨ ਦੇ ਖਿਲਾਫ ਮੈਚ ਵਿਚ ਕੀਤੀ ਸੀ। ਪਾਕਿਸਤਾਨ ਦੇ ਖਿਲਾਫ ਮੈਚ 'ਚ ਵੀ ਭੁਵੀ ਨੇ 19ਵਾਂ ਓਵਰ ਕੀਤਾ ਜਿਸ 'ਚ ਉਸ ਨੇ 19 ਦੌੜਾਂ ਦੇ ਕੇ ਮੈਚ ਖਤਮ ਕਰ ਦਿੱਤਾ ਸੀ।
ਇਸ ਤੋਂ ਬਾਅਦ ਅਰਸ਼ਦੀਪ ਕੋਲ ਆਖਰੀ ਓਵਰ 'ਚ ਪਾਕਿਸਤਾਨ ਨੂੰ ਰੋਕਣ ਲਈ ਸਿਰਫ 7 ਦੌੜਾਂ ਹੀ ਸਨ ਅਤੇ ਉਨ੍ਹਾਂ ਨੇ ਮੈਚ ਦੀ ਲਗਭਗ ਆਖਰੀ ਗੇਂਦ ਤੱਕ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਪਰ ਹੁਣ ਸ਼੍ਰੀਲੰਕਾ ਖਿਲਾਫ ਵੀ ਅਜਿਹੀ ਹੀ ਕਹਾਣੀ ਦੇਖਣ ਨੂੰ ਮਿਲੀ ਹੈ। ਸ਼੍ਰੀਲੰਕਾ ਨੂੰ ਆਖਰੀ ਦੋ ਓਵਰਾਂ ਵਿੱਚ ਜਿੱਤ ਲਈ 21 ਦੌੜਾਂ ਦੀ ਲੋੜ ਸੀ, ਇਸ ਲਈ ਭੁਵੀ ਤੋਂ ਇੱਕ ਚੰਗੇ ਓਵਰ ਦੀ ਲੋੜ ਸੀ।
