IND vs SL ਦੂਜਾ ਵਨਡੇ: ਟੀਮ ਇੰਡੀਆ ਨੇ ਕੋਲੰਬੋ ਦੇ ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਭਾਰਤ ਅਤੇ ਸ਼੍ਰੀਲੰਕਾ ਦਰਮਿਆਨ ਦੂਜਾ ਵਨਡੇ ਮੈਚ 3 ਵਿਕਟਾਂ ਨਾਲ ਜਿੱਤ ਕੇ ਸੀਰੀਜ਼ ਵੀ ਆਪਣੇ ਨਾਮ ਕਰ ਲਈ ਹੈ। ਇਸ ਮੈਚ ਵਿੱਚ ਟੀਮ ਇੰਡੀਆ ਦੇ ਖਿਡਾਰੀ ਦੀਪਕ ਚਾਹਰ ਨੇ ਆਪਣੀ ਸ਼ਾਨਦਾਰ ਬੱਲੇਬਾਜ਼ੀ ਨਾਲ ਸਭ ਨੂੰ ਪ੍ਰਭਾਵਤ ਕੀਤਾ। ਦੀਪਕ ਚਾਹਰ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ ਨਾਬਾਦ 69 ਦੌੜਾਂ ਬਣਾਈਆਂ ਅਤੇ ਟੀਮ ਨੂੰ ਜਿੱਤ ਦਿਵਾ ਦਿੱਤੀ।
ਇਸ ਜਿੱਤ ਤੋਂ ਬਾਅਦ ਟੀਮ ਇੰਡੀਆ ਦੇ ਖਿਡਾਰੀਆਂ ਦੇ ਨਾਲ-ਨਾਲ ਕੋਚ ਰਾਹੁਲ ਦ੍ਰਵਿੜ ਦੀ ਵੀ ਕਾਫੀ ਤਾਰੀਫ ਕੀਤੀ ਜਾ ਰਹੀ ਹੈ। ਇਸ ਮੈਚ ਦੇ ਦੌਰਾਨ ਦੀਪਕ ਚਾਹਰ ਤੇਜ਼ੀ ਨਾਲ ਬੱਲੇਬਾਜ਼ੀ ਕਰ ਰਿਹਾ ਸੀ। ਅਜਿਹੀ ਸਥਿਤੀ ਵਿੱਚ ਰਾਹੁਲ ਦ੍ਰਾਵਿੜ ਡਗਆਉਟ ਵਿੱਚ ਆ ਗਏ ਅਤੇ ਦੀਪਕ ਦੇ ਛੋਟੇ ਭਰਾ ਰਾਹੁਲ ਚਾਹਰ ਨੂੰ ਇੱਕ ਗੁਪਤ ਸੰਦੇਸ਼ ਦਿੱਤਾ।
ਮੈਚ ਤੋਂ ਬਾਅਦ ਇਸ ਗੁਪਤ ਸੰਦੇਸ਼ ਦਾ ਜ਼ਿਕਰ ਕਰਦਿਆਂ ਦੀਪਕ ਚਾਹਰ ਨੇ ਕਿਹਾ, 'ਰਾਹੁਲ ਦ੍ਰਾਵਿੜ ਸਰ ਨੇ ਮੈਨੂੰ ਹਰ ਇਕ ਗੇਂਦ ਖੇਡਣ ਲਈ ਕਿਹਾ। ਰਾਹੁਲ ਸਰ ਨੂੰ ਮੇਰੇ ਉੱਤੇ ਪੂਰਾ ਵਿਸ਼ਵਾਸ ਸੀ। ਉਨ੍ਹਾਂ ਨੇ ਹਮੇਸ਼ਾ ਮੇਰੇ ਤੇ ਵਿਸ਼ਵਾਸ ਕੀਤਾ ਹੈ। ਇਹ ਮੇਰੇ ਲਈ ਗੇਮ ਚੇਂਜਰ ਸੀ।' ਟੀਮ ਇੰਡੀਆ ਦੀ ਜਿੱਤ ਤੋਂ ਬਾਅਦ ਸੋਸ਼ਲ ਮੀਡਿਆ ਤੇ ਫੈਂਸ ਰਾਹੁਲ ਦ੍ਰਵਿੜ ਦੀ ਤਾਰੀਫ ਕਰ ਰਹੇ ਹਨ। ਕਈ ਫੈਂਸ ਦਾ ਕਹਿਣਾ ਹੈ ਕਿ ਰਾਹੁਲ ਨੂੰ ਟੀਮ ਇੰਡੀਆ ਦਾ ਪਰਮਾਨੇਂਟ ਕੋਚ ਬਣਾ ਦੇਣਾ ਚਾਹੀਦਾ ਹੈ। ਆਉ ਦੇਖਦੇ ਹਾਂ ਕਿ ਯੂਜ਼ਰਸ ਕਿਵੇਂ ਟੀਮ ਇੰਡੀਆ ਅਤੇ ਰਾਹੁਲ ਦ੍ਰਵਿੜ ਦੀ ਤਾਰੀਫ ਕਰ ਰਹੇ ਹਨ।
