X close
X close

IPL 2020: ਦਿੱਲੀ ਕੈਪਿਟਲਸ ਨੇ ਰਾਜਸਥਾਨ ਰਾਇਲਜ਼ ਨੂੰ 13 ਦੌੜਾਂ ਨਾਲ ਹਰਾਇਆ, ਪੁਆਇੰਟ ਟੇਬਲ ਤੇ ਫਿਰ ਚੋਟੀ 'ਤੇ ਪਹੁੰਚੀ ਟੀਮ

By Shubham Sharma
Oct 15, 2020 • 10:31 AM

ਦਿੱਲੀ ਕੈਪਿਟਲਸ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੰਸਕਰਣ ਦੇ ਦੂਜੇ ਅੱਧ ਵਿਚ ਜਿੱਤ ਦੇ ਨਾਲ ਸ਼ੁਰੂਆਤ ਕੀਤੀ ਹੈ. ਆਪਣੇ ਪਿਛਲੇ ਮੈਚ ਵਿਚ ਮੁੰਬਈ ਇੰਡੀਅਨਜ਼ ਤੋਂ ਹਾਰਣ ਵਾਲੀ ਦਿੱਲੀ ਨੇ ਬੁੱਧਵਾਰ ਨੂੰ ਰਾਜਸਥਾਨ ਰਾਇਲਜ਼ ਨੂੰ 13 ਦੌੜਾਂ ਨਾਲ ਹਰਾ ਦਿੱਤਾ. ਅੱਠ ਮੈਚਾਂ ਵਿਚ 12 ਅੰਕਾਂ ਨਾਲ ਇਹ ਦਿੱਲੀ ਦੀ ਛੇਵੀਂ ਜਿੱਤ ਹੈ. ਇਸ ਦੇ ਨਾਲ ਹੀ, ਦਿੱਲੀ ਪੁਆਇੰਟ ਟੇਬਲ ਵਿੱਚ ਪਹਿਲੇ ਨੰਬਰ 'ਤੇ ਪਹੁੰਚ ਗਿਆ ਹੈ.

ਦੁਬਈ ਅੰਤਰਰਾਸ਼ਟਰੀ ਸਟੇਡੀਅਮ ਵਿਚ ਖੇਡੇ ਗਏ ਮੈਚ ਵਿਚ ਦਿੱਲੀ ਨੇ ਸ਼ਿਖਰ ਧਵਨ ਅਤੇ ਕਪਤਾਨ ਸ਼੍ਰੇਅਰ ਅਈਅਰ ਦੇ ਅਰਧ ਸੈਂਕੜੇ ਦੀ ਬਦੌਲਤ 20 ਓਵਰਾਂ ਵਿਚ ਸੱਤ ਵਿਕਟਾਂ ਦੇ ਨੁਕਸਾਨ ਵਿਚ 161 ਦੌੜਾਂ ਬਣਾਈਆਂ. ਰਾਜਸਥਾਨ ਪੂਰੇ ਓਵਰ ਖੇਡਣ ਤੋਂ ਬਾਅਦ 148 ਦੌੜਾਂ ਹੀ ਬਣਾ ਸਕੀ. 

Also Read: ਇਹ ਮੇਰੇ ਕਰਿਅਰ ਵਿਚ ਪਹਿਲੀ ਵਾਰ ਹੋਇਆ ਕਿ ਮੈਂ ਸੱਤ ਮੈਚਾਂ ਵਿਚ ਚਾਰ ਵਾਰ ਆਉਟ ਨਹੀਂ ਹੋਇਆ- ਗਲੈਨ ਮੈਕਸਵੈਲ

ਸਟੀਵ ਸਮਿਥ ਨੇ ਟਾੱਸ ਦੌਰਾਨ ਕਿਹਾ ਸੀ ਕਿ ਇਸ ਮੈਚ ਵਿਚ ਬੇਨ ਸਟੋਕਸ ਹੀ ਓਪਨਿੰਗ ਕਰਣਗੇ. 162 ਦੇ ਟੀਚੇ ਦਾ ਪਿੱਛਾ ਕਰਦਿਆਂ, ਉਹ ਜੋਸ ਬਟਲਰ ਨਾਲ ਪਾਰੀ ਦੀ ਸ਼ੁਰੂਆਤ ਕਰਨ ਆਏ. ਦੋਵਾਂ ਨੇ ਪਹਿਲੇ ਵਿਕਟ ਲਈ 37 ਦੌੜਾਂ ਜੋੜੀਆਂ. ਐਨਰਿਕ ਨੋਰਕੀਆ ਨੇ ਬਟਲਰ (22) ਨੂੰ ਆਉਟ ਕਰਕੇ ਦਿੱਲੀ ਦਾ ਪਹਿਲਾ ਵਿਕਟ ਲਿਆ. ਫਿਰ ਰਵੀਚੰਦਰਨ ਅਸ਼ਵਿਨ ਨੇ ਆਪਣੀ ਹੀ ਗੇਂਦ 'ਤੇ ਸਮਿਥ (1) ਨੂੰ ਕੈਚ' ਆਉਟ ਕਰ ਦਿੱਤਾ ਅਤੇ ਸਕੋਰ 40/2 ਕਰ ਦਿੱਤਾ.

ਸਟੋਕਸ ਦੂਜੇ ਸਿਰੇ 'ਤੇ ਖੜੇ ਹੋਏ ਸੀ. ਜਦ ਤੱਕ ਉਹ ਵਿਕਟ ਤੇ ਸੀ. ਉਹ ਦਿੱਲੀ ਲਈ ਸਿਰਦਰਦੀ ਬਣੇ ਹੋਏ ਸੀ. ਸਟੋਕਸ ਦਾ ਹਰ ਇਕ ਗੇਂਦ ਤੋਂ ਬਾਅਦ ਖੜ੍ਹਾ ਹੋਣਾ ਸਿਰਫ ਦਿੱਲੀ ਨੂੰ ਨੁਕਸਾਨ ਪਹੁੰਚਾ ਰਿਹਾ ਸੀ. ਆਪਣਾ ਪਹਿਲਾ ਆਈਪੀਐਲ ਮੈਚ ਖੇਡਦੇ ਹੋਏ ਤੇਜ਼ ਗੇਂਦਬਾਜ਼ ਤੁਸ਼ਾਰ ਦੇਸ਼ਪਾਂਡੇ ਨੇ ਸਟੋਕਸ ਨੂੰ ਆਉਟ ਕਰਕੇ ਦਿੱਲੀ ਨੂੰ ਵੱਡੀ ਰਾਹਤ ਦਿੱਤੀ.

ਸੰਜੂ ਸੈਮਸਨ (25) ਅਕਸ਼ਰ ਪਟੇਲ ਦੀ ਸਪਿਨ 'ਤੇ ਕੈਚ ਆਉਟ ਹੋ ਗਏ. ਹੁਣ ਰੋਬਿਨ ਉਥੱਪਾ ਅਤੇ ਰਿਆਨ ਪਰਾਗ ਕ੍ਰੀਜ਼ 'ਤੇ ਸਨ. ਪਰਾਗ ਨੇ ਰਾਹੁਲ ਤੇਵਤੀਆ ਦੇ ਨਾਲ ਪਿਛਲੇ ਮੈਚ ਵਿਚ ਟੀਮ ਨੂੰ ਜਿੱਤ ਦਿਵਾਈ ਸੀ, ਪਰ ਉਹ ਇਸ ਮੈਚ ਵਿਚ ਉਥੱਪਾ ਨਾਲ ਗਲਤਫਹਿਮੀ ਵਿਚ ਰਨ ਆਉਟ ਹੋ ਗਏ. 

ਤੇਵਤੀਆ ਨੂੰ ਵੀ ਪਹਿਲੀ ਗੇਂਦ 'ਤੇ ਨੋਰਕੀਆ ਨੇ ਜੀਵਨ ਦਿੱਤਾ. 18 ਵੇਂ ਓਵਰ ਦੀ ਤੀਜੀ ਗੇਂਦ 'ਤੇ, ਨੋਰਕੀਆ ਨੇ ਉਥੱਪਾ (32) ਨੂੰ ਆਉਟ ਕਰਕੇਰਾਜਸਥਾਨ ਨੂੰ ਵੱਡਾ ਝਟਕਾ ਦਿੱਤਾ. ਪਰ ਤੇਵਤੀਆ ਅਜੇ ਵੀ ਵਿਕਟ ਤੇ ਸੀ ਅਤੇ ਜੋਫਰਾ ਆਰਚਰ ਉਹਨਾਂ ਨਾਲ ਸੀ ਜੋ ਵੱਡੇ ਸ਼ਾਟ ਮਾਰ ਸਕਦਾ ਸੀ. ਰਾਜਸਥਾਨ ਨੂੰ ਦੋ ਓਵਰਾਂ ਵਿਚ 25 ਦੌੜਾਂ ਦੀ ਜ਼ਰੂਰਤ ਸੀ ਅਤੇ ਇਹ ਦੋਵੇਂ ਬੱਲੇਬਾਜ਼ਾਂ ਇਹ ਦੌੜਾਂ ਬਣਾਉਂਣ ਦੀ ਸਮਰਥਤਾ ਰੱਖਦੇ ਸੀ. ਫਿਰ ਆਰਚਰ ਨੂੰ 19 ਵੇਂ ਓਵਰ ਦੀ ਚੌਥੀ ਗੇਂਦ 'ਤੇ ਕਗੀਸੋ ਰਬਾਡਾ ਨੇ ਆਉਟ ਕੀਤਾ. ਉਹ ਸਿਰਫ ਇਕ ਦੌੜਾਂ ਬਣਾ ਸਕੇ.

ਰਾਜਸਥਾਨ ਨੂੰ ਆਖਰੀ ਓਵਰ ਵਿਚ 22 ਦੌੜਾਂ ਬਣਾਉਣ ਦੀ ਲੋੜ ਸੀ, ਪਰ ਤੇਵਤੀਆ ਅਸਫਲ ਰਹੇ. ਉਹ 14 ਦੌੜਾਂ ਬਣਾ ਕੇ ਨਾਬਾਦ ਪਰਤੇ . ਉਹਨਾਂ ਦੇ ਨਾਲ ਸ਼੍ਰੇਅਸ ਗੋਪਾਲ ਛੇ ਦੌੜਾਂ ਬਣਾ ਕੇ ਅਜੇਤੂ ਰਹੇ.

ਇਸ ਤੋਂ ਪਹਿਲਾਂ ਦਿੱਲੀ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ.

ਪ੍ਰਿਥਵੀ ਸ਼ਾੱ (0) ਪਹਿਲੀ ਗੇਂਦ 'ਤੇ ਆਉਟ ਹੋਏ ਅਤੇ ਫਿਰ ਅਜਿੰਕਯ ਰਹਾਣੇ (2) ਛੇਤੀ ਆਉਟ ਹੋ ਗਏ, ਇਸ ਤੋਂ ਬਾਅਦ ਸ਼ਿਖਰ ਧਵਨ (57 ਦੌੜਾਂ, 33 ਗੇਂਦਾਂ, 6 ਚੌਕੇ, 2 ਛੱਕੇ) ਅਤੇ ਸ਼੍ਰੇਅਸ ਅਈਅਰ (53 ਦੌੜਾਂ 43 ਗੇਂਦਾਂ, 3 ਚੌਕੇ , 2 ਛੱਕੇ) ਨੇ ਟੀਮ ਨੂੰ ਸੰਭਾਲਿਆ ਅਤੇ ਵੱਡੇ ਸਕੋਰ ਦੀ ਨੀਂਹ ਰੱਖੀ. ਦੋਵਾਂ ਨੇ ਤੀਜੀ ਵਿਕਟ ਲਈ 85 ਦੌੜਾਂ ਦੀ ਸਾਂਝੇਦਾਰੀ ਕੀਤੀ.

ਪਰ ਜਿਵੇਂ ਹੀ ਇਹ ਦੋਵੇਂ ਆਉਟ ਹੋ ਗਏ, ਦਿੱਲੀ ਤੋਂ ਵਿਸ਼ਾਲ ਸਕੋਰ ਦੀਆਂ ਉਮੀਦਾਂ ਮੱਧਮ ਪੈਣੀਆਂ ਸ਼ੁਰੂ ਹੋ ਗਈਆਂ. ਪੰਜਾਹ ਦਾ ਅੰਕੜਾ ਪਾਰ ਕਰਨ ਤੋਂ ਬਾਅਦ ਧਵਨ ਨੂੰ ਗੋਪਾਲ ਨੇ ਪਵੇਲਿਅਨ ਦੀ ਰਾਹ ਦਿਖਾਈ.
ਇਸ ਤੋਂ ਬਾਅਦ ਤਿਆਗੀ ਨੇ ਵੀ ਅੱਧ-ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਅਈਅਰ ਨੂੰ ਜ਼ਿਆਦਾ ਦੇਰ ਵਿਕਟ ਤੇ ਨਹੀਂ ਰੁੱਕਣ ਦਿੱਤਾ.

ਹੁਣ ਦਿੱਲੀ ਨੂੰ ਉਮੀਦ ਮਾਰਕਸ ਸਟੋਨੀਸ (18) ਤੋਂ ਸੀ, ਜੋ ਪਿਛਲੇ ਮੈਚਾਂ ਦੇ ਅੰਤ ਦੇ ਓਵਰਾਂ ਵਿੱਚ ਤੇਜ਼ੀ ਨਾਲ ਦੌੜਾਂ ਬਣਾਉਂਦੇ ਆ ਰਹੇ ਸੀ, ਪਰ ਇਸ ਮੈਚ ਵਿੱਚ, ਆਰਚਰ ਨੇ ਉਹਨਾਂ ਨੂੰ ਜਿਆਦਾ ਦੌੜਾਂ ਨਹੀਂ ਬਣਾਉਣ ਦਿੱਤੀਆਂ. ਤੇਵਤੀਆ ਨੇ ਆਰਚਰ ਦੀ ਗੇਂਦ 'ਤੇ ਉਹਨਾਂ ਦਾ ਕੈਚ ਫੜਿਆ. 

ਐਲੈਕਸ ਕੈਰੀ ਵੀ ਅਸਫਲ ਰਹੇ. ਉਹ ਸਿਰਫ 14 ਦੌੜਾਂ ਹੀ ਬਣਾ ਸਕੇ. ਦਿੱਲੀ ਨੇ ਆਖ਼ਰੀ ਪੰਜ ਓਵਰਾਂ ਵਿੱਚ ਚਾਰ ਵਿਕਟਾਂ ਗੁਆ ਦਿੱਤੀਆਂ ਪਰ ਦੌੜਾਂ ਸਿਰਫ 32 ਦੌੜਾਂ ਬਣੀਆਂ ਅਤੇ ਇਸ ਲਈ ਉਹ ਵੱਡਾ ਸਕੋਰ ਖੜਾ ਨਹੀਂ ਕਰ ਸਕੇ. ਹਾਲਾਂਕਿ ਉਹਨਾਂ ਦੇ ਗੇਂਦਬਾਜ਼ ਵੀ ਟੀਚੇ ਦਾ ਬਚਾਅ ਕਰਨ ਵਿੱਚ ਸਫਲ ਰਹੇ.