ਸਾਬਕਾ ਭਾਰਤੀ ਬੱਲੇਬਾਜ਼ ਸੰਜੇ ਬਾਂਗੜ ਨੂੰ ਲੱਗਦਾ ਹੈ ਕਿ ਦਿੱਲੀ ਕੈਪਿਟਲਸ ਦੀ ਟੀਮ ਵਿਚ ਖਿਡਾਰੀਆਂ ਦਾ ਚੰਗਾ ਮਿਸ਼ਰਨ ਹੈ ਅਤੇ ਇਸ ਲਈ ਉਹਨਾਂ ਨੂੰ ਮੁੰਬਈ ਇੰਡੀਅਨਜ਼ ਦੇ ਖਿਲਾਫ ਆਈਪੀਐਲ -13 ਦੇ ਪਹਿਲੇ ਕੁਆਲੀਫਾਇਰ ਵਿਚ ਥੋੜੀ ਜਿਹੀ ਮਦਦ ਮਿਲੇਗੀ . ਦਿੱਲੀ ਨੇ ਆਪਣੇ ਪਿਛਲੇ ਲੀਗ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੂੰ ਆਸਾਨੀ ਨਾਲ ਛੇ ਵਿਕਟਾਂ ਨਾਲ ਹਰਾ ਦਿੱਤਾ ਸੀ.
ਬਾੰਗੜ ਨੇ ਸਟਾਰ ਸਪੋਰਟਸ ਦੇ ਸ਼ੋਅ 'ਤੇ ਕਿਹਾ, 'ਮੈਂ ਇਕ ਗੱਲ ਕਹਿਣਾ ਚਾਹੁੰਦਾ ਹਾਂ, ਇਕ ਵਾਰ ਜਦੋਂ ਤੁਸੀਂ ਪਲੇਆੱਫ' ਤੱਕ ਪਹੁੰਚ ਜਾਂਦੇ ਹੋ ਤਾਂ ਇਸ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ ਕਿ ਪਿਛਲੇ ਸਮੇਂ ਵਿਚ ਕੀ ਹੋਇਆ ਸੀ. ਇਹ ਉਸ ਦਿਨ 'ਤੇ ਨਿਰਭਰ ਕਰਦਾ ਹੈ ਕਿ ਕਿਹੜੀ ਟੀਮ ਉਸ ਦਿਨ ਚੰਗਾ ਖੇਡਦੀ ਹੈ. ਮੈਂ ਸਹਿਮਤ ਹਾਂ ਕਿ ਬੇਸ਼ਕ ਦਿੱਲੀ ਕੋਲ ਪਲੇਆੱਫ ਮੈਚ ਖੇਡਣ ਦਾ ਜ਼ਿਆਦਾ ਤਜਰਬਾ ਨਹੀਂ ਹੈ, ਪਰ ਇਸ ਸੀਜਨ ਜਿਵੇਂ ਉਹਨਾਂ ਨੇ ਖੇਡਿਆ ਹੈ, ਉਹ ਬਹੁਤ ਵਧੀਆ ਹੈ.'
ਅੱਗੇ ਗੱਲ ਕਰਦੇ ਹੋਏ ਉਹਨਾਂ ਨੇ ਕਿਹਾ, "ਦਿੱਲੀ ਦੀ ਟੀਮ ਸ਼ੁਰੂਆਤ ਵਿੱਚ ਸਫਲ ਰਹੀ ਸੀ, ਬਾਅਦ ਵਿੱਚ ਥੋੜੀ ਜਿਹੀ ਅਸਫਲਤਾ ਮਿਲੀ. ਉਸ ਤੋਂ ਬਾਅਦ ਉਹਨਾਂ ਨੇ ਕੁਆਲੀਫਾਈ ਕਰਨ ਲਈ ਇੱਕ ਵਧੀਆ ਮੈਚ ਖੇਡਿਆ ਅਤੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ."
