ਟੀ-20 ਵਿਸ਼ਵ ਕੱਪ 2021 ਆਪਣੇ ਆਖਰੀ ਪੜਾਅ 'ਤੇ ਹੈ ਅਤੇ ਹੁਣ ਸਿਰਫ ਪਾਕਿਸਤਾਨ, ਇੰਗਲੈਂਡ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਹੀ ਖਿਤਾਬ ਜਿੱਤਣ ਦੀ ਦੌੜ 'ਚ ਬਚੇ ਹਨ। ਇਸ ਵਾਰ ਕਿਹੜੀ ਟੀਮ ਟ੍ਰਾੱਫੀ ਜਿੱਤੇਗੀ, ਇਹ ਕਹਿਣਾ ਮੁਸ਼ਕਲ ਹੋਵੇਗਾ ਪਰ ਇਸ ਵਾਰ ਟੂਰਨਾਮੈਂਟ ਦੀ ਟੀਮ ਚੁਣਨਾ ਕਾਫੀ ਆਸਾਨ ਹੈ।
ਆਪਣੀ ਕੁਮੈਂਟਰੀ ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲੇ ਭਾਰਤੀ ਕ੍ਰਿਕਟਰ ਦਿਨੇਸ਼ ਕਾਰਤਿਕ ਨੇ ਮੌਜੂਦਾ ਟੀ-20 ਵਿਸ਼ਵ ਕੱਪ ਲਈ ਟੂਰਨਾਮੈਂਟ ਦੀ ਟੀਮ ਵੀ ਚੁਣ ਲਈ ਹੈ। ਕਾਰਤਿਕ ਦਾ ਮੰਨਣਾ ਹੈ ਕਿ ਉਸ ਦੇ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸਾਥੀ ਅਤੇ ਇੰਗਲੈਂਡ ਕ੍ਰਿਕਟ ਟੀਮ ਦੇ ਕਪਤਾਨ ਇਓਨ ਮੋਰਗਨ ਟੂਰਨਾਮੈਂਟ ਦੇ ਸਰਵੋਤਮ ਕਪਤਾਨਾਂ ਵਿੱਚੋਂ ਇੱਕ ਰਹੇ ਹਨ। ਪਰ ਉਨ੍ਹਾਂ ਨੇ ਆਪਣੀ ਟੀਮ ਵਿੱਚ ਬਾਬਰ ਆਜ਼ਮ ਨੂੰ ਕਪਤਾਨ ਚੁਣਿਆ ਹੈ। ਇਸ ਦੇ ਨਾਲ ਹੀ ਕਾਰਤਿਕ ਨੇ ਮੋਰਗਨ ਨੂੰ ਬੱਲੇ ਨਾਲ ਖਰਾਬ ਪ੍ਰਦਰਸ਼ਨ ਕਾਰਨ ਨਹੀਂ ਚੁਣਿਆ ਹੈ।
ਕਾਰਤਿਕ ਨੇ ਆਪਣੀ ਟੀਮ 'ਚ ਰਾਸੀ ਵੈਨ ਡੇਰ ਡੁਸੇਨ ਅਤੇ ਸ਼ਾਹੀਨ ਅਫਰੀਦੀ ਵਰਗੇ ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਹੈ। ਵੈਨ ਡੇਰ ਡੁਸਨ ਨੇ ਪੂਰੇ ਟੂਰਨਾਮੈਂਟ ਵਿੱਚ ਖੇਡੇ ਗਏ ਪੰਜ ਮੈਚਾਂ ਵਿੱਚ 59 ਦੀ ਔਸਤ ਨਾਲ 177 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ ਭਾਰਤ ਖਿਲਾਫ ਪਾਕਿਸਤਾਨ ਦੇ ਕਲੀਨੀਕਲ ਪ੍ਰਦਰਸ਼ਨ ਦਾ ਕਾਰਨ ਸ਼ਾਹੀਨ ਸ਼ਾਹ ਅਫਰੀਦੀ ਸੀ।
