ਟੀਮ ਇੰਡੀਆ 4 ਸਤੰਬਰ (ਐਤਵਾਰ) ਨੂੰ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ 'ਚ ਇਕ ਵਾਰ ਫਿਰ ਤੋਂ ਪਾਕਿਸਤਾਨ ਨਾਲ ਭਿੜੇਗੀ। ਇਸ ਸੁਪਰ ਫੋਰ ਮੈਚ ਤੋਂ ਪਹਿਲਾਂ ਹੀ ਪਾਕਿਸਤਾਨ ਵਲੋਂ ਇਕ ਤੋਂ ਬਾਅਦ ਇਕ ਵਿਵਾਦਿਤ ਬਿਆਨ ਸਾਹਮਣੇ ਆ ਰਹੇ ਹਨ। ਇਸ ਵਾਰ ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਸਿਕੰਦਰ ਬਖਤ ਨੇ ਭਾਰਤ ਅਤੇ ਪਾਕਿਸਤਾਨ ਮੈਚ ਤੋਂ ਪਹਿਲਾਂ ਵਿਵਾਦਿਤ ਬਿਆਨ ਦਿੱਤਾ ਹੈ।
ਬਖਤ ਨੇ ਇਕ ਚੈਨਲ 'ਤੇ ਪੈਨਲ ਡਿਸਕਸ਼ਨ 'ਚ ਬੋਲਦਿਆਂ ਇਹ ਵਿਵਾਦਤ ਸਵਾਲ ਪੁੱਛਿਆ। ਇਸ ਦੌਰਾਨ ਭਾਰਤ ਤੋਂ ਇਸ ਪੈਨਲ ਚਰਚਾ ਵਿੱਚ ਸਾਬਕਾ ਭਾਰਤੀ ਕਪਤਾਨ ਕਪਿਲ ਦੇਵ, ਮੁਹੰਮਦ ਅਜ਼ਹਰੂਦੀਨ ਅਤੇ ਅਤੁਲ ਵਾਸਨ ਵੀ ਸ਼ਾਮਲ ਸਨ, ਬਖਤ ਨੇ ਸਾਬਕਾ ਭਾਰਤੀ ਖਿਡਾਰੀਆਂ ਨੂੰ ਪੁੱਛਿਆ ਕਿ ਕੀ ਮੇਨ ਇਨ ਬਲੂ ਸ਼ਾਰਜਾਹ ਅਤੇ ਅਬੂ ਧਾਬੀ ਵਿੱਚ ਖੇਡਣ ਤੋਂ ਡਰਦੇ ਹਨ।
ਜੀਓ ਸੁਪਰ 'ਤੇ ਬੋਲਦੇ ਹੋਏ, ਬਖਤ ਨੇ ਕਿਹਾ, "ਮੈਂ ਸਿਰਫ ਇਹ ਜਾਣਨਾ ਚਾਹੁੰਦਾ ਸੀ ਕਿ ਭਾਰਤ ਸ਼ਾਰਜਾਹ ਜਾਂ ਅਬੂ ਧਾਬੀ ਵਿੱਚ ਕਿਉਂ ਨਹੀਂ ਖੇਡਣਾ ਚਾਹੁੰਦਾ? ਉਹ ਸਿਰਫ ਦੁਬਈ 'ਚ ਹੀ ਖੇਡਦਾ ਹੈ। ਕੀ ਤੁਸੀਂ ਸ਼ਾਰਜਾਹ ਵਿੱਚ ਖੇਡਣ ਤੋਂ ਡਰਦੇ ਹੋ? ਸ਼ਡਿਊਲ 'ਚ ਸ਼ਾਰਜਾਹ 'ਚ ਭਾਰਤ ਦਾ ਪਾਕਿਸਤਾਨ ਨਾਲ ਮੈਚ ਸੀ। ਤੁਸੀਂ ਲੋਕ ਇਸਨੂੰ ਦੁਬਈ ਵਿੱਚ ਬਦਲ ਦਿੱਤਾ ਹੈ। ਕੀ ਤੁਸੀਂ ਸ਼ਾਰਜਾਹ ਜਾਣ ਤੋਂ ਡਰਦੇ ਹੋ? ਇਹ ਉਹ ਸਵਾਲ ਹੈ ਜੋ ਸਾਡੇ ਲੋਕਾਂ ਨੇ ਸਾਨੂੰ ਪੁੱਛਿਆ ਹੈ, ਇਸ ਲਈ ਮੈਂ ਸੋਚਿਆ ਕਿ ਮੈਂ ਤੁਹਾਨੂੰ ਵੀ ਇਹੀ ਪੁੱਛਾਂਗਾ।"
