ਕਾਂਬਲੀ ਨੂੰ ਮਿਲਿਆ 1 ਲੱਖ ਦੀ ਨੌਕਰੀ ਦਾ ਆਫਰ, BCCI ਤੋਂ ਮਿਲਦੀ ਹੈ ਹਰ ਮਹੀਨੇ 30 ਹਜ਼ਾਰ ਦੀ ਪੇਂਸ਼ਨ
ਵਿਨੋਦ ਕਾਂਬਲੀ ਦੀ ਤਰਸਯੋਗ ਹਾਲਤ ਨੂੰ ਦੇਖਦੇ ਹੋਏ ਮਹਾਰਾਸ਼ਟਰ ਦੇ ਇਕ ਕਾਰੋਬਾਰੀ ਨੇ ਉਸ ਨੂੰ ਇਕ ਲੱਖ ਮਹੀਨੇ ਦੀ ਤਨਖਾਹ ਨਾਲ ਨੌਕਰੀ ਦੀ ਪੇਸ਼ਕਸ਼ ਕੀਤੀ ਹੈ।
ਕਿਸੇ ਸਮੇਂ ਭਾਰਤੀ ਕ੍ਰਿਕਟ ਟੀਮ ਲਈ ਖੇਡ ਚੁੱਕੇ ਵਿਨੋਦ ਕਾਂਬਲੀ ਇਸ ਸਮੇਂ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਮੁਸ਼ਕਲ ਦੌਰ 'ਚੋਂ ਗੁਜ਼ਰ ਰਹੇ ਹਨ। ਹਾਲ ਹੀ 'ਚ ਇਕ ਇੰਟਰਵਿਊ 'ਚ ਉਨ੍ਹਾਂ ਨੇ ਆਪਣੀ ਖਰਾਬ ਵਿੱਤੀ ਹਾਲਤ ਬਾਰੇ ਦੱਸਿਆ। ਕਾਂਬਲੀ ਨੇ ਆਪਣਾ ਦਰਦ ਜ਼ਾਹਰ ਕਰਦੇ ਹੋਏ ਕਿਹਾ ਕਿ ਉਸ ਨੂੰ ਕੰਮ ਦੀ ਜ਼ਰੂਰਤ ਹੈ ਅਤੇ ਉਸ ਕੋਲ ਗੁਜ਼ਾਰਾ ਚਲਾਉਣ ਲਈ ਬੀਸੀਸੀਆਈ ਤੋਂ ਸਿਰਫ ਪੈਨਸ਼ਨ ਹੈ।
ਕਾਂਬਲੀ ਦਾ ਦਰਦ ਸੋਸ਼ਲ ਮੀਡੀਆ ਰਾਹੀਂ ਇੱਕ ਕਾਰੋਬਾਰੀ ਤੱਕ ਪਹੁੰਚਿਆ ਹੈ ਅਤੇ ਸੰਦੀਪ ਥੋਰਾਟ ਨਾਮ ਦੇ ਇੱਕ ਕਾਰੋਬਾਰੀ ਨੇ ਸਾਬਕਾ ਭਾਰਤੀ ਕ੍ਰਿਕਟਰ ਲਈ ਮਦਦ ਦਾ ਹੱਥ ਵਧਾਇਆ ਹੈ। ਕਾਂਬਲੀ ਨੂੰ ਬੀਸੀਸੀਆਈ ਤੋਂ 30 ਹਜ਼ਾਰ ਰੁਪਏ ਮਹੀਨਾ ਪੈਨਸ਼ਨ ਮਿਲਦੀ ਹੈ ਪਰ ਇਸ ਕਾਰੋਬਾਰੀ ਨੇ ਕਾਂਬਲੀ ਨੂੰ ਇੱਕ ਲੱਖ ਰੁਪਏ ਪ੍ਰਤੀ ਮਹੀਨਾ ਤਨਖਾਹ ਦੇਣ ਦਾ ਆੱਫਰ ਦਿੱਤਾ ਹੈ।
Trending
ਕਾਂਬਲੀ ਨੂੰ ਜਿਸ ਕੰਪਨੀ 'ਚ ਨੌਕਰੀ ਦੀ ਪੇਸ਼ਕਸ਼ ਮਿਲੀ ਹੈ, ਉਹ ਸਹਿਯਾਦਰੀ ਇੰਡਸਟਰੀਅਲ ਗਰੁੱਪ ਦੀ ਫਾਈਨਾਂਸ ਕੰਪਨੀ ਹੈ। ਇਸ ਕਾਰੋਬਾਰੀ ਨੇ ਕਾਂਬਲੀ ਨੂੰ ਨੌਕਰੀ ਦੀ ਪੇਸ਼ਕਸ਼ ਕਰਦੇ ਹੋਏ ਕਿਹਾ, 'ਮਹਾਰਾਸ਼ਟਰ 'ਚ ਇਕ ਤੋਂ ਵਧ ਕੇ ਇਕ ਚੰਗੇ ਲੋਕ ਹਨ ਪਰ ਉਨ੍ਹਾਂ ਨੂੰ ਅਜਿਹੀ ਸਥਿਤੀ ਦਾ ਸਾਹਮਣਾ ਕਿਉਂ ਕਰਨਾ ਪੈਂਦਾ ਹੈ? ਵਿਨੋਦ ਕਾਂਬਲੀ ਨੇ ਭਾਰਤੀ ਕ੍ਰਿਕਟ ਨੂੰ ਉੱਚ ਪੱਧਰ 'ਤੇ ਪਹੁੰਚਾਇਆ ਹੈ। ਅੱਜ ਉਹ ਅਜਿਹੀ ਸਥਿਤੀ ਦਾ ਸਾਹਮਣਾ ਕਰ ਰਹੇ ਹਨ ਕਿ ਉਹ ਆਪਣੇ ਪਰਿਵਾਰ ਦਾ ਖਰਚਾ ਚੁੱਕਣ ਦੇ ਸਮਰੱਥ ਨਹੀਂ ਹਨ। ਇਹ ਸਾਡੇ ਸਾਰਿਆਂ ਦੀ ਅਸਫਲਤਾ ਹੈ।'
ਇਹ ਆਫਰ ਮਿਲਣ ਤੋਂ ਬਾਅਦ ਪ੍ਰਸ਼ੰਸਕ ਕਾਂਬਲੀ ਦੇ ਜਵਾਬ ਦਾ ਇੰਤਜ਼ਾਰ ਕਰ ਰਹੇ ਹਨ। ਅਜਿਹੇ 'ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕਾਂਬਲੀ ਇਸ ਆਫਰ ਨੂੰ ਸਵੀਕਾਰ ਕਰਦੇ ਹਨ ਜਾਂ ਨਹੀਂ। ਹਾਲਾਂਕਿ, ਇਸ ਸਮੇਂ ਕਾਂਬਲੀ ਨੂੰ ਕਈ ਨਿਊਜ਼ ਚੈਨਲਾਂ ਤੋਂ ਮਾਹਰ ਪੇਸ਼ਕਸ਼ਾਂ ਵੀ ਮਿਲ ਰਹੀਆਂ ਹਨ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਜੇਕਰ ਤੁਸੀਂ ਭਾਰਤ ਵਿੱਚ ਦੇਸ਼ ਲਈ ਕੁਝ ਕੀਤਾ ਹੈ, ਤਾਂ ਉਹ ਕਦੇ ਨਹੀਂ ਭੁੱਲਿਆ ਜਾ ਸਕਦਾ ਹੈ।
Cricket Scorecard
Zimbabwe tour of Bangladesh
