Advertisement
Advertisement
Advertisement

46 ਓਵਰਾਂ ਵਿੱਚ ਬਣਾਈਆਂ ਸਿਰਫ 37 ਦੌੜਾਂ, ਹਾਸ਼ਿਮ ਅਮਲਾ ਦੀ ਸੁਸਤ ਬੱਲੇਬਾਜ਼ੀ ਤੋਂ ਬਾਅਦ ਵੀ ਫੈ਼ਨ ਕਰ ਰਹੇ ਹਨ ਸਲਾਮ

ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਦੱਖਣੀ ਅਫਰੀਕਾ ਦੇ ਮਹਾਨ ਬੱਲੇਬਾਜ਼ ਹਾਸ਼ਿਮ ਅਮਲਾ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆ ਗਏ ਹਨ। ਅਮਲਾ ਇਸ ਸਮੇਂ ਇੰਗਲੈਂਡ ਵਿਚ ਕਾਉਂਟੀ ਮੈਚ ਖੇਡ ਰਿਹਾ ਹੈ ਅਤੇ ਇਸ ਦੌਰਾਨ ਉਸਨੇ ਪਹਿਲੀ ਸ਼੍ਰੇਣੀ ਦੇ ਕ੍ਰਿਕਟ ਦੇ

Shubham Yadav
By Shubham Yadav July 08, 2021 • 16:50 PM
Cricket Image for 46 ਓਵਰਾਂ ਵਿੱਚ ਬਣਾਈਆਂ ਸਿਰਫ 37 ਦੌੜਾਂ, ਹਾਸ਼ਿਮ ਅਮਲਾ ਦੀ ਸੁਸਤ ਬੱਲੇਬਾਜ਼ੀ ਤੋਂ ਬਾਅਦ ਵੀ ਫੈ਼ਨ
Cricket Image for 46 ਓਵਰਾਂ ਵਿੱਚ ਬਣਾਈਆਂ ਸਿਰਫ 37 ਦੌੜਾਂ, ਹਾਸ਼ਿਮ ਅਮਲਾ ਦੀ ਸੁਸਤ ਬੱਲੇਬਾਜ਼ੀ ਤੋਂ ਬਾਅਦ ਵੀ ਫੈ਼ਨ (Image Source: Google)
Advertisement

ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਦੱਖਣੀ ਅਫਰੀਕਾ ਦੇ ਮਹਾਨ ਬੱਲੇਬਾਜ਼ ਹਾਸ਼ਿਮ ਅਮਲਾ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆ ਗਏ ਹਨ। ਅਮਲਾ ਇਸ ਸਮੇਂ ਇੰਗਲੈਂਡ ਵਿਚ ਕਾਉਂਟੀ ਮੈਚ ਖੇਡ ਰਿਹਾ ਹੈ ਅਤੇ ਇਸ ਦੌਰਾਨ ਉਸਨੇ ਪਹਿਲੀ ਸ਼੍ਰੇਣੀ ਦੇ ਕ੍ਰਿਕਟ ਦੇ ਇਤਿਹਾਸ ਵਿਚ ਸਭ ਤੋਂ ਹੌਲੀ ਪਾਰੀ ਖੇਡੀ ਹੈ। 

ਅਮਲਾ ਨੇ ਰੋਜ਼ ਬਾਉਲ ਮੈਦਾਨ ਵਿਚ ਸਰੀ ਲਈ ਖੇਡਦੇ ਹੋਏ ਹੈਂਪਸ਼ਾਇਰ ਖ਼ਿਲਾਫ਼ ਧੀਰਜ ਨਾਲ ਬੱਲੇਬਾਜ਼ੀ ਕੀਤੀ ਅਤੇ ਆਪਣੀ ਟੀਮ ਨੂੰ ਕਾਉਂਟੀ ਚੈਂਪੀਅਨਸ਼ਿਪ ਮੈਚ ਡਰਾਅ ਕਰਨ ਵਿਚ ਸਹਾਇਤਾ ਕੀਤੀ। ਅਮਲਾ ਨੇ ਦਿਨ ਭਰ ਧੀਰਜ ਨਾਲ ਬੱਲੇਬਾਜ਼ੀ ਕਰਦਿਆਂ 46.3 ਓਵਰਾਂ ਭਾਵ 278 ਗੇਂਦਾਂ ਵਿੱਚ ਬੱਲੇਬਾਜ਼ੀ ਕੀਤੀ ਅਤੇ 37 ਦੌੜਾਂ ’ਤੇ ਅਜੇਤੂ ਰਿਹਾ। ਉਸ ਦੀ ਹੌਲੀ ਪਾਰੀ ਨੇ ਸਰੀ ਨੂੰ ਮੈਚ ਡ੍ਰਾ ਕਰਨ ਵਿੱਚ ਸਹਾਇਤਾ ਕੀਤੀ ਜੋ ਕਿ ਇਕ ਸਮੇਂ ਹਾਰ ਵੱਲ ਵੱਧਦੀ ਹੋਈ ਦਿਖ ਰਹੀ ਸੀ।

Trending


ਉਸਦੀ 37 ਦੌੜਾਂ ਦੀ ਹੌਲੀ ਪਾਰੀ ਕਾਰਨ ਉਸ ਦੇ ਨਾਮ ‘ਤੇ ਇਕ ਵਿਸ਼ੇਸ਼ ਰਿਕਾਰਡ ਵੀ ਦਰਜ ਹੋ ਗਿਆ। ਅਮਲਾ ਨੇ ਆਪਣੀ ਪਾਰੀ ਵਿਚ 278 ਗੇਂਦਾਂ ਦਾ ਸਾਹਮਣਾ ਕੀਤਾ, ਜੋ ਕਿ ਇਕ ਬੱਲੇਬਾਜ਼ ਦੁਆਰਾ ਪਹਿਲੀ ਸ਼੍ਰੇਣੀ ਕ੍ਰਿਕਟ ਵਿਚ 40 ਤੋਂ ਘੱਟ ਦੇ ਸਕੋਰ ਲਈ ਸਭ ਤੋਂ ਜ਼ਿਆਦਾ ਗੇਂਦਾਂ ਹਨ। ਹਾਲਾਂਕਿ, ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅਮਲਾ ਨੇ ਇੰਨੀ ਹੌਲੀ ਪਾਰੀ ਖੇਡੀ ਹੋਵੇ।

ਦੱਖਣੀ ਅਫਰੀਕਾ ਦੇ ਇਸ ਮਹਾਨ ਬੱਲੇਬਾਜ਼ ਨੇ ਸਾਲ 2015 ਵਿਚ ਭਾਰਤ ਵਿਰੁੱਧ ਅਜਿਹੀ ਹੀ ਹੌਲੀ ਪਾਰੀ ਖੇਡੀ ਸੀ ਅਤੇ ਆਪਣੀ ਟੀਮ ਨੂੰ ਹਾਰ ਦੇ ਮੂੰਹੋਂ ਬਾਹਰ ਕਰ ਦਿੱਤਾ ਸੀ। ਉਸ ਮੈਚ ਵਿੱਚ, ਅਮਲਾ ਅਤੇ ਏਬੀ ਡੀਵਿਲੀਅਰਜ਼ ਭਾਰਤ ਦੇ ਸਾਹਮਣੇ ਕੰਧ ਵਾਂਗ ਖੜੇ ਸਨ। ਉਸ ਸਮੇਂ ਅਮਲਾ ਨੇ 244 ਗੇਂਦਾਂ ਵਿੱਚ 25 ਦੌੜਾਂ ਬਣਾਈਆਂ ਸਨ। ਇਸ ਦੇ ਨਾਲ ਹੀ ਡੀਵਿਲੀਅਰਜ਼ ਨੇ 297 ਗੇਂਦਾਂ ਖੇਡਣ ਤੋਂ ਬਾਅਦ ਸਿਰਫ 43 ਦੌੜਾਂ ਬਣਾਈਆਂ ਸੀ।


Cricket Scorecard

Advertisement
Advertisement