i was looking to finish off the games says suryakumar yadav after the knock against rcb (Image Credit: BCCI)
ਮੁੰਬਈ ਇੰਡੀਅਨਜ਼ ਦੇ ਬੱਲੇਬਾਜ਼ ਸੂਰਯਕੁਮਾਰ ਯਾਦਵ ਨੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਖ਼ਿਲਾਫ਼ ਨਾਬਾਦ 79 ਦੌੜਾਂ ਦੀ ਪਾਰੀ ਖੇਡਣ ਤੋਂ ਬਾਅਦ ਕਿਹਾ ਕਿ ਉਹ ਲੰਬੇ ਸਮੇਂ ਤੋਂ ਮੈਚ ਜਿੱਤਾਉਣ ਵਾਲਾ ਖਿਡਾਰੀ ਬਣਨ ਦੀ ਸੋਚ ਰਹੇ ਸੀ ਅਤੇ ਉਹਨਾਂ ਨੇ ਇਸ ‘ਤੇ ਕੰਮ ਵੀ ਕੀਤਾ ਸੀ. ਸ਼ੇਖ ਜ਼ਾਯਦ ਸਟੇਡੀਅਮ 'ਚ ਖੇਡੇ ਗਏ ਮੈਚ ਵਿਚ ਮੁੰਬਈ ਦੇ ਸਾਹਮਣੇ ਬੰਗਲੌਰ ਦੀ 165 ਦੌੜਾਂ ਦੀ ਚੁਣੌਤੀ ਸੀ, ਜਿਸ ਨੂੰ ਮੁੰਬਈ ਨੇ ਸੂਰਯਕੁਮਾਰ ਦੀ ਸ਼ਾਨਦਾਰ ਪਾਰੀ ਦੀ ਬਦੌਲਤ ਪੰਜ ਵਿਕਟਾਂ ਗੁਆ ਕੇ ਜਿੱਤ ਲਿਆ.
ਸੂਰਯਕੁਮਾਰ ਨੂੰ ਉਹਨਾਂ ਦੀ ਸ਼ਾਨਦਾਰ ਪਾਰੀ ਲਈ 'ਮੈਨ ਆਫ ਦਿ ਮੈਚ' ਚੁਣਿਆ ਗਿਆ.
ਮੈਚ ਤੋਂ ਬਾਅਦ, ਸੂਰਯਕੁਮਾਰ ਨੇ ਕਿਹਾ, "ਮੈਂ ਲੰਬੇ ਸਮੇਂ ਤੋਂ ਮੈਚ ਨੂੰ ਖਤਮ ਕਰਨ ਬਾਰੇ ਸੋਚ ਰਿਹਾ ਸੀ. ਮੈਂ ਸੋਚਦਾ ਸੀ ਕਿ ਇਹ ਕਿਵੇਂ ਹੋ ਸਕਦਾ ਹੈ. ਮੈਨੂੰ ਆਪਣੀ ਖੇਡ ਬਾਰੇ ਪਤਾ ਹੋਣਾ ਚਾਹੀਦਾ ਸੀ ਅਤੇ ਮੈਦਾਨ 'ਤੇ ਜਾ ਕੇ ਉਸੇ ਤਰ੍ਹਾਂ ਖੇਡਣਾ ਸੀ. ਅਭਿਆਸ ਅਤੇ ਖੁਦ ਨਾਲ ਸਮਾਂ ਬਿਤਾਉਣ ਨਾਲ ਮੈਨੂੰ ਬਹੁਤ ਮਦਦ ਮਿਲੀ. "
