ICC Test Ranking ਵਿਚ ਵਿਰਾਟ ਕੋਹਲੀ ਨੂੰ ਪਿੱਛੇ ਛੱਡ ਜੋ ਰੂਟ ਬਣੇ ਨੰਬਰ ਤਿੰਨ, ਚਾਰ ਸਾਲ ਬਾਅਦ ਹੋਇਆ ਕੁਝ ਅਜਿਹਾ

ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਚੇਨਈ ਵਿਚ ਖੇਡੇ ਗਏ ਪਹਿਲੇ ਟੈਸਟ ਮੈਚ ਦੀ ਸਮਾਪਤੀ ਤੋਂ ਬਾਅਦ ਬੁੱਧਵਾਰ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈਸੀਸੀ) ਨੇ ਬੱਲੇਬਾਜ਼ੀ ਰੈਂਕਿੰਗ ਜਾਰੀ ਕੀਤੀ। ਜਿਸ ਵਿਚ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੂੰ ਨੁਕਸਾਨ ਝੱਲਣਾ ਪਿਆ ਹੈ।

ਕੋਹਲੀ ਰੈਂਕਿੰਗ ਵਿਚ ਇਕ ਸਥਾਨ ਦੇ ਘਾਟੇ ਨਾਲ ਪੰਜਵੇਂ ਨੰਬਰ 'ਤੇ ਪਹੁੰਚ ਗਿਆ ਹੈ। ਕੋਹਲੀ ਨੇ ਪਹਿਲੇ ਟੈਸਟ ਦੀ ਪਹਿਲੀ ਪਾਰੀ ਵਿੱਚ 11 ਅਤੇ 72 ਦੌੜਾਂ ਬਣਾਈਆਂ ਸਨ। ਦੂਜੇ ਪਾਸੇ, ਇੰਗਲੈਂਡ ਦੀ ਜਿੱਤ ਦਾ ਹੀਰੋ ਰਿਹਾ ਕਪਤਾਨ ਜੋ ਰੂਟ ਰੈਂਕਿੰਗ ਵਿਚ ਮਾਰਨਸ ਲਾਬੂਸ਼ੇਨ ਨੂੰ ਪਿੱਛੇ ਛੱਡ ਕੇ ਤੀਜੇ ਨੰਬਰ ‘ਤੇ ਪਹੁੰਚ ਗਿਆ ਹੈ। ਇਸ ਲੜੀ ਤੋਂ ਪਹਿਲਾਂ, ਰੂਟ ਪੰਜਵੇਂ ਸਥਾਨ 'ਤੇ ਸੀ। ਭਾਰਤ ਨੇ ਪਹਿਲੀ ਪਾਰੀ ਵਿਚ ਸ਼ਾਨਦਾਰ ਦੋਹਰੇ ਸੈਂਕੜੇ ਦੀ ਮਦਦ ਨਾਲ 218 ਦੌੜਾਂ ਬਣਾਈਆਂ ਸਨ ਅਤੇ ਦੂਜੀ ਪਾਰੀ ਵਿਚ 40 ਦੌੜਾਂ ਬਣਾਈਆਂ ਸਨ।

ਨਵੰਬਰ 2017 ਤੋਂ ਬਾਅਦ ਰੂਟ ਨੇ ਪਹਿਲੀ ਵਾਰ ਕੋਹਲੀ ਨੂੰ ਪਛਾੜਿਆ ਹੈ। ਇੰਗਲਿਸ਼ ਕਪਤਾਨ ਵਧੀਆ ਫੌਰਮ ਵਿਚ ਹੈ ਅਤੇ ਇਸ ਸਾਲ ਖੇਡੇ ਗਏ 3 ਟੈਸਟ ਮੈਚਾਂ ਵਿਚ 684 ਦੌੜਾਂ ਬਣਾਈਆਂ ਹਨ, ਜਿਸ ਵਿਚ ਦੋ ਦੋਹਰੇ ਸੈਂਕੜੇ ਵੀ ਸ਼ਾਮਲ ਹਨ।

Joe Root enters top three
Babar Azam, Ben Stokes move up one spot
Virat Kohli slips to No.5

A lot of changes in the latest @MRFWorldwide ICC Test Player Rankings for batting

Full rankings: https://t.co/OMjjVwOboH pic.twitter.com/TRwJwuRx88

— ICC (@ICC) February 10, 2021

ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਭਾਰਤੀ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਨੂੰ ਪਿੱਛੇ ਛੱਡ ਕੇ ਛੇਵੇਂ ਨੰਬਰ 'ਤੇ ਪਹੁੰਚ ਗਏ ਹਨ। ਪਹਿਲੀ ਪਾਰੀ ਵਿਚ ਸ਼ਾਨਦਾਰ ਅਰਧ-ਸੈਂਕੜਾ ਲਗਾਉਣ ਵਾਲੇ ਬੇਨ ਸਟੋਕਸ ਨੇ ਵੀ ਇਕ ਸਥਾਨ ਦਾ ਫਾਇਦਾ ਹਾਸਲ ਕੀਤਾ।