ਕੀ ਭਾਰਤੀ ਗੇਂਦਬਾਜ਼ ਸਟੀਵ ਸਮਿਥ ਨੂੰ ਛੋਟੀਆਂ ਗੇਂਦਾਂ ਨਾਲ ਪਰੇਸ਼ਾਨ ਕਰ ਸਕਦੇ ਹਨ? ਆਸਟਰੇਲੀਆ ਦੇ ਸਹਾਇਕ ਕੋਚ ਨੇ ਦਿੱਤੀ ਆਪਣੀ ਰਾਏ

india tour of australia 2020-21 can indian bowlers trouble steve smith with short ball bouncer (Steve Smith)

ਆਸਟਰੇਲੀਆਈ ਕ੍ਰਿਕਟ ਟੀਮ ਦੇ ਸਹਾਇਕ ਕੋਚ ਐਂਡਰਿਉ ਮੈਕਡੋਨਲਡ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਜੇ ਭਾਰਤੀ ਗੇਂਦਬਾਜ਼ ਸਟੀਵ ਸਮਿਥ ਨੂੰ ਆਉਣ ਵਾਲੀ ਸੀਰੀਜ਼ ਵਿਚ ਛੋਟੀਆਂ ਗੇਂਦਾਂ 'ਤੇ ਫਸਾਉਣ ਦੀ ਤਿਆਰੀ ਕਰ ਰਹੇ ਹਨ ਤਾਂ ਉਨ੍ਹਾਂ ਨੂੰ ਆਪਣੀ ਰਣਨੀਤੀ ਬਦਲਣੀ ਚਾਹੀਦੀ ਹੈ ਕਿਉਂਕਿ ਸਮਿਥ ਨੂੰ ਸੀਨੇ ਤੱਕ ਆਉਣ ਵਾਲੀਆਂ ਗੇਂਦਾਂ ਤੋਂ ਡਰ ਨਹੀਂ ਲੱਗਦਾ।

ਮੈਕਡੋਨਲਡ ਨੇ ਮੀਡੀਆ ਨਾਲ ਵਰਚੁਅਲ ਗੱਲਬਾਤ ਦੌਰਾਨ ਕਿਹਾ, "ਮੈਨੂੰ ਨਹੀਂ ਲੱਗਦਾ ਕਿ ਇਹ ਕਮਜ਼ੋਰੀ ਹੈ। ਤੁਹਾਨੂੰ ਕੀ ਲੱਗਦਾ ਹੈ? ਭਾਰਤੀ ਗੇਂਦਬਾਜ਼ ਸਮਿੱਥ ਨੂੰ ਛੋਟੀਆਂ ਗੇਂਦਾਂ 'ਤੇ ਫਸਾਉਣ ਲਈ ਤਿਆਰ ਹਨ ਪਰ ਉਹ ਇਸ ਯੋਜਨਾ ਨੂੰ ਅਸਫਲ ਕਰ ਸਕਦਾ ਹੈ। ਕਿਉਂਕਿ ਸਮਿਥ ਅਜਿਹੀਆਂ ਗੇਂਦਾਂ ਨਾਲ ਘਬਰਾਉਂਦਾ ਨਹੀਂ ਹੈ। ਭਾਰਤੀ ਗੇਂਦਬਾਜ਼ਾਂ ਨੇ ਇਸ ਤੋਂ ਪਹਿਲਾਂ ਅਜਿਹਾ ਕੀਤਾ ਹੈ ਅਤੇ ਸਮਿਥ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਮੈਂ ਸੁਝਾਵਾਂਗਾ ਕਿ ਇਹ ਯੋਜਨਾ ਨਿਸ਼ਚਤ ਰੂਪ ਤੋਂ ਕੰਮ ਨਹੀਂ ਕਰੇਗੀ।”

ਪਿਛਲੇ ਸਾਲ ਐਸ਼ੇਜ਼ ਲੜੀ ਵਿਚ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਨੇ ਆਪਣੀਆਂ ਛੋਟੀਆਂ ਗੇਂਦਾਂ 'ਤੇ ਸਮਿਥ ਨੂੰ ਕਈ ਵਾਰ ਆਉਟ ਕੀਤਾ ਸੀ ਪਰ ਇਸ ਦੇ ਬਾਵਜੂਦ ਉਹ ਕਈ ਵੱਡੀਆਂ ਪਾਰੀਆਂ ਖੇਡਣ ਵਿਚ ਸਫਲ ਰਿਹਾ ਸੀ।

ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ 27 ਨਵੰਬਰ ਤੋਂ ਸੀਮਤ ਓਵਰਾਂ ਦੀ ਲੜੀ ਖੇਡੀ ਜਾਣੀ ਹੈ ਅਤੇ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਦਸੰਬਰ-ਜਨਵਰੀ ਵਿਚ ਖੇਡੀ ਜਾਏਗੀ। ਸਮਿਥ ਤਿੰਨੋਂ ਫਾਰਮੈਟਾਂ ਵਿਚ ਆਸਟਰੇਲੀਆਈ ਟੀਮ ਦਾ ਹਿੱਸਾ ਹਨ।