ਸਿਡਨੀ ਟੈਸਟ: ਚੇਤੇਸ਼ਵਰ ਪੁਜਾਰਾ ਨੇ 6000 ਟੈਸਟ ਦੌੜਾਂ ਕੀਤੀਆਂ ਪੂਰੀਆਂ, ਮੁਹੰਮਦ ਅਜ਼ਹਰੂਦੀਨ ਨੂੰ ਪਿੱਛੇ ਛੱਡਕੇ ਲਗਾਈ ਰਿਕਾਰਡਾਂ ਦੀ ਝੜ੍ਹੀ
ਭਾਰਤ ਦੇ ਚੋਟੀ ਦੇ ਕ੍ਰਮ ਦੇ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਨੇ ਟੈਸਟ ਮੈਚਾਂ ਵਿਚ 6000 ਦੌੜਾਂ ਪੂਰੀਆਂ ਕਰ ਲਈਆਂ ਹਨ। ਉਹ ਅਜਿਹਾ ਕਰਨ ਵਾਲੇ ਭਾਰਤ ਦੇ 11 ਵੇਂ ਬੱਲੇਬਾਜ਼ ਬਣ ਗਏ ਹਨ। ਪੁਜਾਰਾ ਨੇ ਸਿਡਨੀ ਕ੍ਰਿਕਟ ਗਰਾਉਂਡ ਵਿੱਚ ਤੀਜੇ ਟੈਸਟ ਦੇ
ਭਾਰਤ ਦੇ ਚੋਟੀ ਦੇ ਕ੍ਰਮ ਦੇ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਨੇ ਟੈਸਟ ਮੈਚਾਂ ਵਿਚ 6000 ਦੌੜਾਂ ਪੂਰੀਆਂ ਕਰ ਲਈਆਂ ਹਨ। ਉਹ ਅਜਿਹਾ ਕਰਨ ਵਾਲੇ ਭਾਰਤ ਦੇ 11 ਵੇਂ ਬੱਲੇਬਾਜ਼ ਬਣ ਗਏ ਹਨ। ਪੁਜਾਰਾ ਨੇ ਸਿਡਨੀ ਕ੍ਰਿਕਟ ਗਰਾਉਂਡ ਵਿੱਚ ਤੀਜੇ ਟੈਸਟ ਦੇ ਪੰਜਵੇਂ ਦਿਨ ਨਾਥਨ ਲਿਓਨ ਦੀ ਗੇਂਦ ਤੇ ਇੱਕ ਦੌੜ ਪੂਰੀ ਕਰਕੇ ਇਹ ਮੁਕਾਮ ਹਾਸਲ ਕੀਤਾ। ਇਸ ਦੌਰਾਨ, ਉਹਨਾਂ ਨੇ ਇਸ ਮੈਚ ਵਿੱਚ ਆਪਣਾ ਦੂਜਾ ਅਰਧ ਸੈਂਕੜਾ ਵੀ ਪੂਰਾ ਕੀਤਾ। ਪੁਜਾਰਾ ਨੇ 205 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 12 ਚੌਕਿਆਂ ਦੀ ਮਦਦ ਨਾਲ 70 ਦੌੜਾਂ ਬਣਾਈਆਂ।
ਤੋੜਿਆ ਅਜ਼ਹਰੂਦੀਨ ਦਾ ਰਿਕਾਰਡ
Trending
ਪੁਜਾਰਾ ਆਪਣੇ ਕਰੀਅਰ ਦਾ 80 ਵਾਂ ਟੈਸਟ ਖੇਡ ਰਹੇ ਹਨ। ਉਹਨਾਂ ਨੇ 134 ਵੀਂ ਪਾਰੀ ਵਿੱਚ 6000 ਦੌੜਾਂ ਪੂਰੀਆਂ ਕੀਤੀਆਂ ਹਨ। ਆਪਣੇ ਕਰੀਅਰ 'ਚ ਪੁਜਾਰਾ ਨੇ 48 ਦੀ ਔਸਤ ਨਾਲ 18 ਸੈਂਕੜੇ ਅਤੇ 27 ਅਰਧ-ਸੈਂਕੜੇ ਲਗਾਏ ਹਨ। ਉਹਨਾਂ ਦਾ ਨਿੱਜੀ ਉੱਚ ਸਕੋਰ 206 ਦੌੜਾਂ 'ਹੈ।
ਪੁਜਾਰਾ ਭਾਰਤ ਲਈ ਸਭ ਤੋਂ ਤੇਜ਼ 6000 ਟੈਸਟ ਦੌੜਾਂ ਬਣਾਉਣ ਦੇ ਮਾਮਲੇ ਵਿਚ ਛੇਵੇਂ ਨੰਬਰ 'ਤੇ ਪਹੁੰਚ ਗਏ ਹਨ। ਇਸ ਮਾਮਲੇ ਵਿੱਚ ਉਹਨਾਂ ਨੇ ਸਾਬਕਾ ਕਪਤਾਨ ਮੁਹੰਮਦ ਅਜ਼ਹਰੂਦੀਨ ਦਾ ਰਿਕਾਰਡ ਤੋੜ ਦਿੱਤਾ। ਅਜ਼ਹਰੂਦੀਨ ਨੇ 143 ਪਾਰੀਆਂ ਵਿਚ ਇਹ ਮੁਕਾਮ ਹਾਸਲ ਕੀਤਾ।
ਭਾਰਤ ਦੇ ਮਾਹਰ ਟੈਸਟ ਬੱਲੇਬਾਜ਼ ਪੁਜਾਰਾ, ਜਿਹਨਾਂ ਨੇ 10 ਸਾਲ ਪਹਿਲਾਂ ਆਸਟਰੇਲੀਆ ਖਿਲਾਫ ਬੰਗਲੁਰੂ ਵਿੱਚ ਸ਼ੁਰੂਆਤ ਕੀਤੀ ਸੀ, ਨੇ ਆਪਣੇ ਕਰੀਅਰ ਦੀ 18 ਵੀਂ ਪਾਰੀ ਵਿੱਚ 1000 ਦੌੜਾਂ ਪੂਰੀਆਂ ਕੀਤੀਆਂ। ਇਸੇ ਤਰ੍ਹਾਂ 2000 ਦੌੜਾਂ 46 ਪਾਰੀਆਂ, 3000 ਦੌੜਾਂ 67 ਪਾਰੀਆਂ, 4000 ਦੌੜਾਂ 84 ਪਾਰੀਆਂ, 5000 ਦੌੜਾਂ 108 ਅਤੇ 134 ਪਾਰੀਆਂ ਵਿਚ 6000 ਦੌੜਾਂ ਪੂਰੀਆਂ ਹੋਈਆਂ।
