'ਆਈਪੀਐਲ ਤੋਂ ਬਾਅਦ ਸਾਨੂੰ ਬਰੇਕ ਚਾਹੀਦਾ ਹੀ ਚਾਹੀਦਾ ਹੈ', ਕੋਚ ਰਵੀ ਸ਼ਾਸਤਰੀ ਨੇ ਆਈਪੀਐਲ 2021 ਤੋਂ ਪਹਿਲਾਂ ਕਹੀ ਵੱਡੀ ਗੱਲ

ਟੀਮ ਇੰਡੀਆ ਇਸ ਸਮੇਂ ਇੰਗਲੈਂਡ ਖਿਲਾਫ ਘਰੇਲੂ ਸੀਰੀਜ਼ ਖੇਡ ਰਹੀ ਹੈ ਅਤੇ ਇਸ ਤੋਂ ਬਾਅਦ ਭਾਰਤੀ ਖਿਡਾਰੀਆਂ ਨੂੰ ਆਈਪੀਐਲ 2021 ਵਿਚ ਹਿੱਸਾ ਲੈਣਾ ਹੈ। ਜੇਕਰ ਅਸੀਂ ਪਿਛਲੇ ਕੁਝ ਮਹੀਨਿਆਂ ਦੀ ਗੱਲ ਕਰੀਏ ਤਾਂ ਭਾਰਤੀ ਖਿਡਾਰੀ ਬਾਇਓ-ਬਬਲ ਵਿਚ ਨਿਰੰਤਰ ਸਮਾਂ ਬਿਤਾ ਰਹੇ ਹਨ। ਪਰ ਹੁਣ ਭਾਰਤੀ ਟੀਮ ਦੇ ਮੁੱਖ ਕੋਚ ਰਵੀ ਸ਼ਾਸਤਰੀ ਦਾ ਮੰਨਣਾ ਹੈ ਕਿ ਆਈਪੀਐਲ ਤੋਂ ਤੁਰੰਤ ਬਾਅਦ ਭਾਰਤੀ ਖਿਡਾਰੀਆਂ ਨੂੰ ਘੱਟੋ ਘੱਟ ਦੋ ਹਫ਼ਤੇ ਦੇ ਵਿਰਾਮ ਦੀ ਜ਼ਰੂਰਤ ਹੈ।

ਮਹੱਤਵਪੂਰਣ ਗੱਲ ਇਹ ਹੈ ਕਿ ਆਈਪੀਐਲ 2020 ਤੋਂ ਬਾਅਦ, ਭਾਰਤੀ ਟੀਮ ਆਸਟਰੇਲੀਆ ਦੇ ਲੰਬੇ ਦੌਰੇ ਲਈ ਗਈ ਸੀ ਅਤੇ ਹੁਣ ਉਸ ਦੌਰੇ ਤੋਂ ਬਾਅਦ ਖਿਡਾਰੀ ਭਾਰਤ ਆਉਣ ਤੋਂ ਇਕ ਹਫਤਾ ਬਾਅਦ ਹੁਣ ਖਿਡਾਰੀਆਂ ਨੂੰ ਫਿਰ ਇੰਗਲੈਂਡ ਦੌਰੇ ਲਈ ਛੇ ਦਿਨਾਂ ਲਈ ਕਵਾਰੰਟੀਨ ਰਹਿਣਾ ਪਿਆ ਅਤੇ ਹੁਣ ਟੀਮ 5 ਫਰਵਰੀ ਤੋਂ ਚੇਨਈ ਵਿਚ ਸ਼ੁਰੂ ਹੋ ਰਿਹਾ ਪਹਿਲਾ ਟੈਸਟ ਮੈਚ ਖੇਡ ਰਹੀ ਹੈ।

ਨਿਰੰਤਰ ਕੁਆਰੰਟੀਨ ਅਤੇ ਬਾਇਓ ਬੱਬਲ ਵਿਚ ਹੋਣਾ ਵੀ ਖਿਡਾਰੀਆਂ ਦੀ ਮਾਨਸਿਕਤਾ ਨੂੰ ਪ੍ਰਭਾਵਤ ਕਰਦਾ ਹੈ। ਇਸ ਲਈ ਰਵੀ ਸ਼ਾਸਤਰੀ ਨੇ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਈਪੀਐਲ ਤੋਂ ਬਾਅਦ ਘੱਟੋ ਘੱਟ ਦੋ ਹਫ਼ਤਿਆਂ ਲਈ ਸਾਰੇ ਖਿਡਾਰੀਆਂ ਨੂੰ ਬਰੇਕ ਦੇਣ।

ਉਹਨਾਂ ਨੇ ਕਿਹਾ, ‘ਮੇਰਾ ਮੰਨਣਾ ਹੈ ਕਿ ਤੁਹਾਨੂੰ ਕਿਸੇ ਸਮੇਂ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਬਰੇਕ ਦੀ ਜ਼ਰੂਰਤ ਹੈ। ਇੰਗਲੈਂਡ ਦੀ ਲੜੀ ਤੋਂ ਬਾਅਦ, ਖਿਡਾਰੀ ਆਈਪੀਐਲ ਵਿਚ ਜਾਣਗੇ। ਆਈਪੀਐਲ ਤੋਂ ਬਾਅਦ ਕੁਝ ਹਫ਼ਤਿਆਂ ਦਾ ਬਰੇਕ ਹੋਣਾ ਹੀ ਚਾਹੀਦਾ ਹੈ। ਕਿਉਂਕਿ ਇਨ੍ਹਾਂ ਬਾਇਓ ਬਬਲ ਵਿਚ ਰਹਿਣਾ ਖਿਡਾਰੀਆਂ ਦੀ ਮਾਨਸਿਕਤਾ ਨੂੰ ਪ੍ਰਭਾਵਤ ਕਰਦਾ ਹੈ। ਕਿਉੰਕਿ ਅੰਤ ਵਿਚ ਅਸੀਂ ਸਾਰੇ ਇਨਸਾਨ ਹਾਂ।'