IPL 2020: ਕਿੰਗਜ਼ ਇਲੈਵਨ ਪੰਜਾਬ ਦੀ ਧਮਾਕੇਦਾਰ ਜਿੱਤ, ਕੇ ਐਲ ਰਾਹੁਲ ਤੋਂ ਵੀ ਹਾਰ ਗਈ ਰਾਇਲ ਚੈਲੇਂਜਰਜ਼ ਬੰਗਲੌਰ
ਕਿੰਗਜ਼ ਇਲੈਵਨ ਪੰਜਾਬ ਨੇ ਆਈਪੀਐਲ ਦੇ 13 ਵੇਂ ਸੰਸਕਰਣ ਵਿੱਚ ਵੀਰਵਾਰ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਨੂੰ ਹਰਾ ਕੇ ਇਸ ਸੀਜ਼ਨ ਵਿਚ ਆਪਣੀ ਪਹਿਲੀ ਜਿੱਤ ਹਾਸਿਲ ਕਰ ਲਈ ਹੈ. ਰਾਇਲ ਚੈਲੇਂਜ਼ਰਜ਼ ਦੇ ਖ਼ਿਲਾਫ਼ ਕਪਤਾਨ ਕੇਐਲ ਰਾਹੁਲ (ਨਾਬਾਦ 132) ਦੀ ਸ਼ਾਨਦਾਰ ਸੇਂਚੁਰੀ
ਕਿੰਗਜ਼ ਇਲੈਵਨ ਪੰਜਾਬ ਨੇ ਆਈਪੀਐਲ ਦੇ 13 ਵੇਂ ਸੰਸਕਰਣ ਵਿੱਚ ਵੀਰਵਾਰ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਨੂੰ ਹਰਾ ਕੇ ਇਸ ਸੀਜ਼ਨ ਵਿਚ ਆਪਣੀ ਪਹਿਲੀ ਜਿੱਤ ਹਾਸਿਲ ਕਰ ਲਈ ਹੈ. ਰਾਇਲ ਚੈਲੇਂਜ਼ਰਜ਼ ਦੇ ਖ਼ਿਲਾਫ਼ ਕਪਤਾਨ ਕੇਐਲ ਰਾਹੁਲ (ਨਾਬਾਦ 132) ਦੀ ਸ਼ਾਨਦਾਰ ਸੇਂਚੁਰੀ ਕਾਰਨ ਪੰਜਾਬ ਦੀ ਟੀਮ ਆਪਣੇ 20 ਓਵਰਾਂ ਵਿਚ 206 ਦੌੜਾਂ ਬਣਾਉਣ ਵਿਚ ਕਾਮਯਾਬ ਰਹੀ. ਪੰਜਾਬ ਦੇ ਗੇਂਦਬਾਜ਼ਾਂ ਨੇ ਬੰਗਲੌਰ ਦੇ ਮਜ਼ਬੂਤ ਬੱਲੇਬਾਜ਼ੀ ਕ੍ਰਮ ਖਿਲਾਫ ਇਸ ਟੀਚੇ ਦਾ ਸਫਲਤਾਪੂਰਵਕ ਬਚਾਅ ਕੀਤਾ ਅਤੇ ਮੈਚ 97 ਦੌੜਾਂ ਨਾਲ ਜਿੱਤ ਲਿਆ.
ਬੰਗਲੌਰ ਦੀ ਟੀਮ 207 ਦੌੜਾਂ ਦੇ ਟੀਚੇ ਦੇ ਅੱਗੇ 17 ਓਵਰਾਂ ਵਿਚ 109 ਦੌੜਾਂ 'ਤੇ ਢੇਰ ਹੋ ਗਈ. ਵਿਰਾਟ ਦੀ ਟੀਮ ਰਾਹੁਲ ਦੇ ਨਿੱਜੀ ਸਕੋਰ ਦੇ ਨੇੜ੍ਹੇ ਵੀ ਨਹੀਂ ਪਹੁੰਚ ਸਕੀ.
Trending
ਆਪਣੇ ਪਹਿਲੇ ਮੈਚ ਵਿਚ ਸ਼ਾਨਦਾਰ ਅਰਧ-ਸੈਂਕੜਾ ਲਗਾਉਣ ਵਾਲੇ ਦੇਵਦੱਤ ਪੱਡਿਕਲ ਇਸ ਮੈਚ ਵਿਚ ਸਿਰਫ ਇਕ ਦੌੜ ਹੀ ਬਣਾ ਸਕੇ. ਉਹ ਪਹਿਲੇ ਹੀ ਓਵਰ ਵਿੱਚ ਆਉਟ ਹੋ ਗਏ. ਜੋਸ਼ ਫਿਲਿਪ ਨੂੰ ਟੀਮ ਨੇ ਉਪਰਲੇ ਕ੍ਰਮ ਵਿੱਚ ਭੇਜਿਆ ਪਰ ਉਹ ਵੀ ਅਸਫਲ ਰਹੇ. ਉਹ ਖਾਤਾ ਵੀ ਨਹੀਂ ਖੋਲ੍ਹ ਸਕੇ.
ਕਪਤਾਨ ਕੋਹਲੀ ਨੇ ਰਾਹੁਲ ਦੇ ਦੋ ਕੈਚ ਛੱਡੇ ਤੇ ਰਾਹੁਲ ਨੇ ਇਹਨਾਂ ਦੋ ਮੌਕਿਆਂ ਦਾ ਭਰਪੂਰ ਫਾਇਦਾ ਚੁੱਕਿਆ ਤੇ ਤੂਫ਼ਾਨੀ ਸੇਂਚੁਰੀ ਲਗਾ ਕੇ ਆਰਸੀਬੀ ਨੂੰ ਮੈਚ ਤੋਂ ਬਾਹਰ ਕਰ ਦਿੱਤਾ. ਜਦੋਂ ਬੰਗਲੌਰ ਦੀ ਪਾਰੀ ਸ਼ੁਰੂਆਤ ਹੋਈ ਤਾਂ ਟੀਮ ਸ਼ੁਰੂ ਵਿਚ ਹੀ ਤਿੰਨ ਵਿਕਟਾਂ। ਗੁਆ ਕੇ ਮੈਚ ਤੋਂ ਲਗਭਗ ਬਾਹਰ ਹੋ ਗਈ, ਪਰ ਟੀਮ ਨੂੰ ਅਜੇ ਵੀ ਏ ਬੀ ਡੀਵਿਲੀਅਰਜ਼ ਅਤੇ ਐਰੋਨ ਫਿੰਚ ਨਾਲ ਉਮੀਦਾਂ ਸਨ. ਦੋਵੇਂ ਵਧੀਆ ਵੀ ਖੇਡ ਰਹੇ ਸਨ ਪਰ ਇਕ ਵਾਰ ਫਿਰ ਇਹ ਦੋਵੇਂ ਬੱਲੇਬਾਜ਼ ਸਪਿਨ ਦੇ ਜਾਲ ਵਿਚ ਫਸ ਗਏ।
ਰਵੀ ਬਿਸ਼ਨੋਈ ਨੇ ਫਿੰਚ (20 ਦੌੜਾਂ, 21 ਗੇਂਦਾਂ) ਅਤੇ ਮੁਰੂਗਨ ਅਸ਼ਵਿਨ ਨੇ ਡੀਵਿਲੀਅਰਜ਼ (28 ਦੌੜਾਂ, 18 ਗੇਂਦਾਂ) ਨੂੰ ਆਉਟ ਕਰਕੇ ਪੰਜਾਬ ਦੀ ਜਿੱਤ ਪੱਕੀ ਕਰ ਦਿੱਤੀ. ਬੰਗਲੌਰ ਦਾ ਸਕੋਰ ਪੰਜ ਵਿਕਟਾਂ 'ਤੇ 57 ਸੀ ਅਤੇ ਬੰਗਲੌਰ ਨੂੰ ਇੱਥੋਂ ਜਿੱਤਣ ਲਈ ਕਿਸੇ ਕਰਿਸ਼ਮੇ ਦੀ ਜ਼ਰੂਰਤ ਸੀ.
KL Rahul Beat RCB By 23 Runs @lionsdenkxip#KLRAHUL #IPL2020 #KXIPVRCB #RCBVKXIP #KingsXiPunjab #KXIP pic.twitter.com/ZJzXm01x0q
— CRICKETNMORE (@cricketnmore) September 24, 2020
ਸ਼ਿਵਮ ਦੂਬੇ (12), ਉਮੇਸ਼ ਯਾਦਵ (0), ਵਾਸ਼ਿੰਗਟਨ ਸੁੰਦਰ (30), ਨਵਦੀਪ ਸੈਣੀ (6) ਅਤੇ ਯੁਜਵੇਂਦਰ ਚਾਹਲ (1) ਛੇਤੀ ਹੀ ਪਵੇਲੀਅਨ ਪਰਤ ਗਏ ਅਤੇ ਟੀਮ ਪੂਰੇ ਓਵਰ ਵੀ ਨਹੀਂ ਖੇਡ ਸਕੀ.
ਪੰਜਾਬ ਲਈ ਬਿਸ਼ਨੋਈ ਅਤੇ ਮੁਰੂਗਨ ਅਸ਼ਵਿਨ ਨੇ ਤਿੰਨ - ਤਿੰਨ ਵਿਕਟਾਂ ਲਈਆਂ.
ਇਸ ਤੋਂ ਪਹਿਲਾਂ ਰਾਹੁਲ ਨੇ ਬੰਗਲੌਰ ਦੇ ਗੇਂਦਬਾਜ਼ਾਂ ਨੂੰ ਕਾਫ਼ੀ ਪਰੇਸ਼ਾਨ ਕੀਤਾ. ਉਹ ਸ਼ੁਰੂਆਤ ਤੋਂ ਲੈ ਕੇ ਅੰਤ ਤੱਕ ਖੜੇ ਰਹੇ. ਕੋਹਲੀ ਨੇ ਰਾਹੁਲ ਦੇ ਦੋ ਕੈਚ ਗਵਾਏ, ਜਿਸ ਦਾ ਨਤੀਜਾ ਟੀਮ ਨੂੰ ਭੁਗਤਣਾ ਪਿਆ ਕਿਉਂਕਿ 19 ਵੇਂ ਓਵਰ ਵਿੱਚ ਰਾਹੁਲ ਨੇ ਡੇਲ ਸਟੇਨ ਨੂੰ ਤਿੰਨ ਛੱਕੇ ਅਤੇ ਦੋ ਚੌਕੇ ਲਗਾਏ.
ਰਾਹੁਲ ਅਤੇ ਮਯੰਕ ਨੇ ਬੰਗਲੌਰ ਨੂੰ ਵਧੀਆ ਸ਼ੁਰੂਆਤ ਦਿੱਤੀ. ਪਾਵਰਪਲੇ ਵਿਚ ਟੀਮ ਨੇ ਬਿਨਾਂ ਕਿਸੇ ਵਿਕਟ ਦੇ 50 ਦੌੜਾਂ ਬਣਾਈਆਂ.
ਕੋਹਲੀ ਨੇ ਸਾਂਝੇਦਾਰੀ ਤੋੜਨ ਲਈ ਗੇਂਦ ਆਪਣੇ ਸਭ ਤੋਂ ਭਰੋਸੇਮੰਦ ਗੇਂਦਬਾਜ਼ ਲੈੱਗ ਸਪਿਨਰ ਯੁਜਵੇਂਦਰ ਚਾਹਲ ਨੂੰ ਸੌਂਪ ਦਿੱਤੀ. ਕੋਹਲੀ ਦੀ ਇਹ ਚਾਲ ਸਫਲ ਰਹੀ ਅਤੇ ਚਾਹਲ ਦੀ ਗੂਗਲੀ ਮਯੰਕ (26 ਦੌੜਾਂ, 20 ਗੇਂਦਾਂ) ਨਹੀਂ ਪੜ੍ਹ ਪਾਏ ਅਤੇ ਬੋਲਡ ਹੋ ਗਏ. ਪੰਜਾਬ ਦੀ ਪਹਿਲੀ ਵਿਕਟ 57 ਦੌੜਾਂ 'ਤੇ ਡਿੱਗ ਗਈ.
ਰਣਨੀਤਕ ਸਮਾਂ ਖਤਮ ਹੋਣ ਤੱਕ ਪੰਜਾਬ ਨੇ 9 ਓਵਰਾਂ ਵਿਚ ਇਕ ਵਿਕਟ ਗਵਾ ਕੇ 70 ਦੌੜਾਂ ਬਣਾ ਲਈਆਂ ਸਨ.
ਰਾਹੁਲ ਅਤੇ ਨਿਕੋਲਸ ਪੂਰਨ ਦੋਵੇਂ ਬੰਗਲੌਰ ਦੇ ਗੇਂਦਬਾਜ਼ਾਂ ਨੂੰ ਆਰਾਮ ਨਾਲ ਖੇਡ ਰਹੇ ਸਨ. ਇਸ ਦੌਰਾਨ, ਰਾਹੁਲ ਨੇ 12 ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ 50 ਦੌੜਾਂ ਪੂਰੀਆਂ ਕੀਤੀਆਂ.
ਬੰਗਲੌਰ ਦੇ ਗੇਂਦਬਾਜ਼ਾਂ ਨੂੰ ਵਿਕਟ ਨਹੀਂ ਮਿਲ ਰਹੇ ਸਨ. ਕੋਹਲੀ ਨੇ ਗੇਂਦਬਾਜ਼ੀ ਵਿਚ ਬਦਲਾਅ ਕੀਤਾ ਅਤੇ ਸ਼ਿਵਮ ਦੂਬੇ ਤੋਂ ਗੇਂਦਬਾਜ਼ੀ ਕਰਵਾਉਣ ਦਾ ਫੈਸਲਾ ਕੀਤਾ. ਦੂਬੇ ਨੇ ਬੰਗਲੌਰ ਨੂੰ ਨਿਕੋਲਸ ਪੂਰਨ (17) ਅਤੇ ਫਿਰ ਗਲੇਨ ਮੈਕਸਵੈਲ (5) ਨੂੰ ਪਵੇਲੀਅਨ ਭੇਜ ਕੇ ਕਪਤਾਨ ਕੋਹਲੀ ਦੇ ਇਸ ਫੈਸਲੇ ਨੂੰ ਸਹੀ ਸਾਬਿਤ ਕੀਤਾ. ਪਰ ਰਾਹੁਲ ਨੇ ਆਪਣੀ ਪਾਰੀ ਨੂੰ ਉਸੇ ਸਪੀਡ ਵਿਚ ਅੱਗੇ ਵਧਾਇਆ ਤੇ ਪੰਜਾਬ ਨੂੰ 200 ਦੇ ਪਾਰ ਪਹੁੰਚਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ.
ਬੰਗਲੌਰ ਲਈ ਦੂਬੇ ਨੇ ਦੋ ਵਿਕਟਾਂ ਲਈਆਂ। ਚਾਹਲ ਨੇ ਚਾਰ ਓਵਰਾਂ ਵਿਚ 25 ਦੌੜਾਂ ਦੇ ਕੇ ਇਕ ਵਿਕਟ ਹਾਸਲ ਕੀਤੀ।
