IPL 2020 : ਰਾਜਸਥਾਨ ਦੇ ਖਿਲਾਫ ਮੈਚ ਤੋਂ ਪਹਿਲਾਂ ਪੰਜਾਬ ਦੇ ਕੋਚ ਅਨਿਲ ਕੁੰਬਲੇ ਨੇ ਦੱਸਿਆ, ਇਸ ਸਮੇਂ ਟੀਮ ਵਿਚ ਕਿਸ ਤਰ੍ਹਾੰ ਦਾ ਮਾਹੌਲ ਹੈ

ਕਿੰਗਜ਼ ਇਲੈਵਨ ਪੰਜਾਬ ਦਾ ਅਗਲਾ ਮੁਕਾਬਲਾ ਰਾਜਸਥਾਨ ਰਾਇਲਜ਼ ਦੇ ਖਿਲਾਫ ਅੱਜ (27 ਸਤੰਬਰ) ਨੂੰ ਸ਼ਾਰਜਾਹ ਕ੍ਰਿਕਟ ਸਟੇਡਿਅਮ ਵਿਖੇ ਖੇਡਿਆ ਜਾਏਗਾ. ਦੋਵੇਂ ਹੀ ਟੀਮਾਂ ਆਪਣਾ ਪਿਛਲਾ ਮੁਕਾਬਲਾ ਜਿੱਤ ਕੇ ਇਸ ਮੈਚ ਵਿਚ ਆਹਮਣੇ-ਸਾਹਮਣੇ ਹੋਣਗੀਆਂ. ਦੋਵੇਂ ਟੀਮਾਂ ਨੇ ਪਿਛਲੇ ਮੁਕਾਬਲੇ ਵਿਚ ਵਿਰੋਧੀ ਟੀਮਾਂ ਨੂੰ ਇਕਤਰਫਾ ਅੰਦਾਜ਼ ਵਿਚ ਹਰਾਇਆ ਸੀ. ਪੰਜਾਬ ਦੀ ਟੀਮ ਇਸ ਸੀਜ਼ਨ ਵਿਚ ਹੁਣ ਤੱਕ ਦੋ ਮੁਕਾਬਲੇ ਖੇਡ ਚੁੱਕੀ ਹੈ ਤੇ ਦੂਜੇ ਪਾਸੇ ਰਾਜਸਥਾਨ ਦੀ ਟੀਮ ਦਾ ਇਹ ਇਸ ਸੀਜ਼ਨ ਵਿਚ ਦੂਜਾ ਮੈਚ ਹੋਵੇਗਾ. ਇਸ ਮੈਚ ਤੋਂ ਪਹਿਲਾਂ ਪੰਜਾਬ ਦੇ ਹੈਡ ਕੋਚ ਅਨਿਲ ਕੁੰਬਲੇ ਨੇ ਟੀਮ ਦੀ ਤਿਆਰੀਆਂ ਬਾਰੇ ਦੱਸਦੇ ਹੋਏ ਕਿਹਾ ਕਿ ਸਾਡੀ ਟੀਮ ਇਸ ਮੁਕਾਬਲੇ ਲਈ ਪੂਰੀ ਤਰ੍ਹਾੰ ਤਿਆਰ ਹੈ.

Cricketnmore.com ਨੂੰ ਦਿੱਤੇ ਇਕ ਖਾਸ ਇੰਟਰਵਿਉ ਵਿਚ ਕੁੰਬਲੇ ਨੇ ਕਿਹਾ, “ਇਸ ਸਮੇਂ ਸਾਡੀ ਟੀਮ ਦੀ ਮਾਨਸਿਕਤਾ ਬਿਲਕੁਲ ਉਸ ਤਰ੍ਹਾੰ ਹੀ ਹੈ, ਜੋ ਇਸ ਸੀਜ਼ਨ ਦੀ ਸ਼ੁਰੂਆਤ ਵਿਚ ਸੀ. ਹਾਂ, ਇਹ ਗੱਲ ਹੈ ਕਿ ਅਸੀਂ ਨਿਰਾਸ਼ ਸੀ ਕਿਉਂਕਿ ਅਸੀਂ ਦਿੱਲੀ ਦੇ ਖਿਲਾਫ ਦੋ ਅੰਕ ਹਾਸਲ ਕਰ ਸਕਦੇ ਸੀ, ਪਰ ਉਸ ਤੋਂ ਬਾਅਦ ਵੀ ਟੀਮ ਦਾ ਮੂਡ ਸਹੀ ਸੀ ਤੇ ਹੁਣ ਬੈਂਗਲੌਰ ਦੇ ਖਿਲਾਫ ਜਿੱਤ ਦੇ ਬਾਅਦ ਵੀ ਸਾਡੀ ਟੀਮ ਦੀ ਮਾਨਸਿਕਤਾ ਬਿਲਕੁਲ ਨਹੀ ਬਦਲੀ.”

ਕਿੰਗਜ਼ ਦੇ ਹੈਡ ਕੋਚ ਨੇ ਕਿਹਾ ਕਿ ਉਹ ਸ਼ਾਰਜਾਹ ਦੀ ਪਿਚ ਤੇ ਹਾਲਾਤ ਦੇਖਣਗੇ ਕਿਉੰਕਿ ਉਹਨਾਂ ਨੂੰ ਲੱਗਦਾ ਹੈ ਕਿ ਇਹ ਬਾਕੀ ਪਿਚਾਂ ਤੋਂ ਅਲਗ ਹੋਏਗੀ. 

ਕੁੰਬਲੇ ਨੇ ਕਿਹਾ, “ਅਸੀਂ ਸ਼ਾਰਜਾਹ ਦੇ ਹਾਲਾਤ ਦੇਖਾਂਗੇ ਕਿਉਂਕਿ ਇਹ ਬਾਕੀ ਦੋ ਮੈਦਾਨਾਂ ਤੋਂ ਅਲਗ ਹੈ. ਹਾਲਾਂਕਿ, ਰਾਜਸਥਾਨ ਅਤੇ ਚੇਨਈ ਦੇ ਵਿਚ ਹੋਏ ਮੁਕਾਬਲੇ ਤੋਂ ਬਾਅਦ ਅਸੀਂ ਪਿਚ ਦੇ ਬਾਰੇ ਅੰਦਾਜਾ ਲਗਾ ਸਕਦੇ ਹਾਂ ਪਰ ਜਦੋਂ ਮੈਂ ਇੱਥੇ ਖੇਡਿਆ ਸੀ ਉਦੋਂ ਤੋਂ ਲੈ ਕੇ ਹੁਣ ਤੱਕ ਮੈਨੂੰ ਨਹੀਂ ਲੱਗਦਾ ਕਿ ਪਿਚ ਵਿਚ ਕੁਝ ਬਦਲਾਅ ਆਇਆ ਹੈ. ਮੈਨੂੰ ਲੱਗਦਾ ਹੈ ਕਿ ਇਸ ਪਿਚ ਤੇ ਬੱਲੇਬਾਜ਼ ਮੌਜ਼ ਕਰਣਗੇ ਅਤੇ ਗੇਦਂਬਾਜ਼ੀ ਵਿਚ ਤੁਹਾਡੇ ਕੋਲ ਗਲਤੀ ਕਰਨ ਦਾ ਮੌਕਾ ਬਹੁਤ ਘੱਟ ਹੋਏਗਾ.ਅਸੀਂ ਇਸ ਬਾਰੇ ਗੱਲ ਵੀ ਕੀਤੀ ਹੈ ਪਰ ਸਭ ਤੋਂ ਪਹਿਲਾਂ ਅਸੀਂ ਸ਼ਾਰਜ਼ਾਹ ਦੇ ਹਾਲਾਤ ਦੇਖਾਂਗੇ ਉਸ ਤੋਂ ਬਾਅਦ ਉਸਦੇ ਮੁਤਾਬਿਕ ਪਲਾਨਿੰਗ ਕਰਾਂਗੇ.”

ਸ਼ਾਰਜ਼ਾਹ ਵਿਚ ਬਾਉਂਡਰੀਜ਼ ਛੋਟੀਆਂ ਹਨ ਤੇ ਇਸ ਬਾਰੇ ਵੀ ਕੁੰਬਲੇ ਨੇ ਕਿਹਾ ਕਿ ਉਹਨਾਂ ਦੀ ਟੀਮ ਜਾਣਦੀ ਹੈ ਕਿ ਛੋਟੀ ਬਾਉਂਡਰੀ ਵਾਲੇ ਮੈਦਾਾਨਂ ਵਿਚ ਕਿਵੇਂ ਖੇਡਣਾ ਹੈ.

ਭਾਰਤ ਦੇ ਮਹਾਨ ਸਪਿਨਰ ਨੇ ਕਿਹਾ, “ਮੈਨੂੰ ਲੱਗਦਾ ਹੈ ਕਿ ਸਾਰੇ ਖਿਡਾਰੀ ਇਹ ਜਾਣਦੇ ਹਨ ਕਿ ਇੱਥੇ ਦੀ ਬਾਉਂਡਰੀਜ਼ ਛੋਟੀਆਂ ਹਨ ਕਿਉਂਕਿ ਖਿਡਾਰੀਆਂ ਨੇ ਇੱਥੇ ਪ੍ਰੈਕਟਿਸ ਵੀ ਕੀਤੀ ਹੈ. ਮੈਚ ਦੇ ਵਿਚ ਇਹ ਜ਼ਰੂਰੀ ਹੋਵੇਗਾ ਕਿ ਸਹੀ ਲੈਂਥ ਤੇ ਗੇਂਦਬਾਜ਼ੀ ਕੀਤੀ ਜਾਏ ਤਾਂ ਗੇਂਦਬਾਜ਼ ਨੂੰ ਮਾਰਨਾ ਇਹਨਾਂ ਛੋਟੇ ਮੈਦਾਨਾਂ ਤੇ ਵੀ ਆਸਾਨ ਨਹੀਂ ਹੋਵੇਗਾ. ਹਾਲਾਂਕਿ, ਗ੍ਰਾਉਂਡ ਛੋਟਾ ਹੈ ਪਰ ਜੇ ਗੇਂਦਬਾਜ਼ ਚੰਗੀ ਲਾਈਨ ਤੇ ਲੈਂਥ ਨਾਲ ਗੇਂਦਬਾਜ਼ੀ ਕਰਦਾ ਹੈ ਤਾਂ ਉਹ ਵਿਕਟਾਂ ਲੈ ਸਕਦਾ ਹੈ. ਪਰ ਮੈਂ ਫਿਰ ਉਹੀ ਗੱਲ ਕਹਾਂਗਾ ਕਿ ਅਸੀਂ ਮੈਚ ਤੋਂ ਪਹਿਲਾਂ ਸ਼ਾਰਜ਼ਾਹ ਦੀ ਕੰਡੀਸ਼ੰਸ ਨੂੰ ਦੇਖਾਂਗੇ ਤੇ ਉਸ ਅਨੁਸਾਰ ਹੀ ਖੇਡਾਂਗੇ ਤੇ ਸਾਡੇ ਕੋਲ ਜਿਸ ਤਰ੍ਹਾੰ ਦਾ ਅਨੁਭਵ ਹੈ ਮੈਨੂੰ ਪੂਰੀ ਉਮੀਦ ਹੈ ਕਿ ਅਸੀਂ ਇਹ ਕਰ ਸਕਦੇ ਹਾਂ.”

ਅਨਿਲ ਕੁੰਬਲੇ ਦਾ ਪੂਰਾ ਇੰਟਰਵਿਉ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ਤੇ ਕਲਿਕ ਕਰੋ.