IPL 2020 : ਨਿਕੋਲਸ ਪੂਰਨ ਦੀ ਫੀਲਡਿੰਗ ਨੇ ਕੀਤਾ ਸਾਰਿਆਂ ਨੂੰ ਹੈਰਾਨ, ਸਚਿਨ ਵੀ ਬੋਲੇ ਮੈਂ ਆਪਣੇ ਜੀਵਨ ਵਿਚ ਇਸ ਤੋਂ ਵਧੀਆ ਫੀਲਡਿੰਗ ਨਹੀਂ ਦੇਖੀ

IPL 2020 : ਨਿਕੋਲਸ ਪੂਰਨ ਦੀ ਫੀਲਡਿੰਗ ਨੇ ਕੀਤਾ ਸਾਰਿਆਂ ਨੂੰ ਹੈਰਾਨ, ਸਚਿਨ ਵੀ ਬੋਲੇ ਮੈਂ ਆਪਣੇ ਜੀਵਨ ਵਿਚ ਇਸ ਤੋਂ ਵਧ (Twitter)

ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਬੇਸ਼ਕ ਰਾਜਸਥਾਨ ਰਾਇਲਜ਼ ਖਿਲਾਫ ਮੈਚ ਹਾਰ ਗਈ, ਪਰ ਇਸ ਮੈਚ ਵਿਚ ਪੰਜਾਬ ਦੇ ਖਿਡਾਰੀਆਂ ਨੇ ਬੱਲੇਬਾਜ਼ੀ ਤੇ ਫੀਲਡਿੰਗ ਦੇ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਜੋ ਕਪਤਾਨ ਕੇ ਐਲ ਰਾਹੁਲ ਨੂੰ ਥੋੜ੍ਹੀ ਖੁਸ਼ੀ ਦੇਵੇਗਾ. ਜੇਕਰ ਪੰਜਾਬ ਦੀ ਫੀਲਡਿੰਗ ਦੀ ਗੱਲ ਕਰੀਏ ਤਾਂ ਇਸ ਮੈਚ ਵਿਚ ਇਕ ਅਜਿਹਾ ਨਜ਼ਾਰਾ ਦੇਖਣ ਨੂੰ ਮਿਲੀਆ, ਜਿਸਨੂੰ ਦੇਖ ਕੇ ਤੁਹਾਨੂੰ ਸੁਪਰਮੈਨ ਦੀ ਯਾਦ ਆਉਣਾ ਲਾਜ਼ਮੀ ਹੈ. 

ਨਿਕੋਲਸ ਪੂਰਨ, ਜਿਹਨਾਂ ਨੇ ਪਹਿਲੇ ਬੱਲੇਬਾਜ਼ੀ ਕਰਦਿਆਂ ਆਪਣੀ ਟੀਮ ਨੂੰ 223 ਦੇ ਸਕੋਰ ’ਤੇ ਪਹੁੰਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ, ਬਾਅਦ ਵਿਚ ਆਪਣੀ ਕਰਿਸ਼ਮਾਈ ਫੀਲਡਿੰਗ ਨਾਲ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ. ਇਥੋਂ ਤੱਕ ਕਿ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੂੰ ਵੀ ਨਿਕੋਲਸ ਦੀ ਪ੍ਰਸ਼ੰਸਾ ਕਰਨੀ ਪਈ. ਮੈਚ ਦੌਰਾਨ ਕੁਮੈਂਟਰੀ ਕਰ ਰਹੇ ਇੰਗਲੈਂਡ ਦੇ ਦਿੱਗਜ ਬੱਲੇਬਾਜ਼ ਕੇਵਿਨ ਪੀਟਰਸਨ ਨੇ ਵੀ ਪੂਰਨ ਦੀ ਫੀਲਡਿੰਗ ਦੀ ਪ੍ਰਸ਼ੰਸਾ ਕੀਤੀ.

ਪੂਰਨ ਦੀ ਸ਼ਾਨਦਾਰ ਫੀਲਡਿੰਗ ਮੈਚ ਦੇ ਦੌਰਾਨ ਉਦੋਂ ਦੇਖਣ ਨੂੰ ਮਿਲੀ ਜਦੋਂ ਰਾਜਸਥਾਨ ਰਾਇਲਜ਼ ਦੇ ਕਪਤਾਨ ਸਟੀਵ ਸਮਿਥ ਅਤੇ ਸੰਜੂ ਸੈਮਸਨ ਬੱਲੇਬਾਜ਼ੀ ਕਰ ਰਹੇ ਸਨ ਅਤੇ ਮੁਰੂਗਨ ਅਸ਼ਵਿਨ ਗੇਂਦਬਾਜ਼ੀ ਕਰ ਰਹੇ ਸੀ. ਇਹ ਪਾਰੀ ਦਾ ਅੱਠਵਾਂ ਓਵਰ ਚਲ ਰਿਹਾ ਸੀ. ਇਸ ਓਵਰ ਦੀ ਚੌਥੀ ਗੇਂਦ ਸੈਮਸਨ ਨੇ ਇੱਕ ਗੇਂਦ ਨੂੰ ਛੱਕੇ ਲਈ ਮਾਰਿਆ, ਪਰ ਬਾਉਂਡਰੀ ਉੱਤੇ ਤੈਨਾਤ ਨਿਕੋਲਸ ਪੂਰਨ ਨੇ ਬਹੁਤ ਤੇਜ਼ ਰਫਤਾਰ ਨਾਲ ਹਵਾ ਵਿੱਚ ਛਾਲ ਮਾਰ ਕੇ ਗੇਂਦ ਨੂੰ ਬਾਉਂਡਰੀ ਦੇ ਪਾਰ ਜਾਣ ਤੋਂ ਬਚਾਇਆ ਤੇ ਹਵਾ ਵਿਚ ਰਹਿੰਦੇ ਹੋਏ ਗੇਂਦ ਨੂੰ ਵਾਪਸ ਮੈਦਾਨ ਦੇ ਅੰਦਰ ਸੁੱਟ ਦਿੱਤਾ. ਇਸ ਤਰ੍ਹਾਂ ਉਹਨਾਂ ਨੇ ਪੰਜਾਬ ਲਈ ਚਾਰ ਮਹੱਤਵਪੂਰਨ ਦੌੜਾਂ ਬਚਾਈਆਂ.

ਕੇਵਿਨ ਪੀਟਰਸਨ ਨੇ ਪੂਰਨ ਦੀ ਇਸ ਹੈਰਤਅੰਗੇਜ ਫੀਲਡਿੰਗ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ, "ਮੈਂ ਟੀ -20 ਮੈਚ ਵਿਚ ਇਸ ਤੋਂ ਵਧੀਆ ਫੀਲਡਿੰਗ ਨਹੀਂ ਵੇਖੀ ਹੈ.”

 

"That's the best I have seen in a T20 game!" - @KP24

Describe this @nicholas_47 save in one emoji! #SaddaPunjab #IPL2020 #KXIP #RRvKXIP pic.twitter.com/YVvp6oIXBP

— Kings XI Punjab (@lionsdenkxip) September 27, 2020

ਸਿਰਫ ਕੇਵਿਨ ਪੀਟਰਸਨ ਨਹੀਂ ਬਲਕਿ ਕ੍ਰਿਕਟ ਦੇ ਭਗਵਾਨ ਮੰਨੇ ਜਾਣ ਵਾਲੇ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਵੀ ਪੂਰਨ ਦੀ ਪ੍ਰਸ਼ੰਸਾ ਕੀਤੇ ਬਿਨਾਂ ਖੁੱਦ ਨੂੰ ਨਹੀਂ ਰੋਕ ਸਕੇ. ਉਹਨਾਂ ਨੇ ਟ੍ਵੀਟ ਕਰਦੇ ਹੋਏ ਲਿਖਿਆ, “ਮੈਂ ਆਪਣੇ ਜੀਵਨ ਵਿਚ ਇਸ ਤੋਂ ਵਧੀਆ ਫੀਲਡਿੰਗ ਨਹੀਂ ਦੇਖਿਆ ਹੈ, ਪੂਰੀ ਤਰ੍ਹਾਂ ਅਵਿਸ਼ਵਾਸ਼ਯੋਗ.”

 

This is the best save I have seen in my life. Simply incredible!! #IPL2020 #RRvKXIP pic.twitter.com/2r7cNZmUaw

— Sachin Tendulkar (@sachin_rt) September 27, 2020

ਇਸ ਤੋਂ ਪਹਿਲਾਂ ਨਿਕੋਲਸ ਪੂਰਨ ਨੇ ਬੱਲੇਬਾਜ਼ੀ ਕਰਦਿਆਂ ਆਪਣਾ ਜੌਹਰ ਦਿਖਾਇਆ. ਚੌਥੇ ਨੰਬਰ 'ਤੇ ਬੱਲੇਬਾਜ਼ੀ ਲਈ ਮੈਦਾਨ' ਤੇ ਪਹੁੰਚੇ ਪੂਰਨ ਨੇ 1 ਚੌਕੇ ਅਤੇ 3 ਛੱਕਿਆਂ ਦੀ ਮਦਦ ਨਾਲ ਸਿਰਫ 8 ਗੇਂਦਾਂ 'ਚ 25 ਦੌੜਾਂ ਬਣਾਈਆਂ, ਜਿਸ ਨਾਲ ਪੰਜਾਬ ਦਾ ਸਕੋਰ ਨਿਰਧਾਰਤ 20 ਓਵਰਾਂ' ਚ 2 ਵਿਕਟਾਂ ਦੇ ਨੁਕਸਾਨ 'ਤੇ 223 ਦੇ ਸਕੋਰ' ਤੇ ਪਹੁੰਚ ਗਿਆ.