IPL 2020: ਅੱਜ ਕੋਹਲੀ ਆਰਮੀ ਦੀ ਵਾਰਨਰ ਦੇ ਸਨਰਾਈਜ਼ਰਸ ਨਾਲ ਟੱਕਰ, ਜਾਣੋ ਸੰਭਾਵਿਤ ਪਲੇਇੰਗ ਇਲੈਵਨ ਅਤੇ ਲਾਈਵ ਸਟ੍ਰੀਮਿੰਗ ਡਿਟੇਲਸ

IPL 2020: ਅੱਜ ਕੋਹਲੀ ਆਰਮੀ ਦੀ ਵਾਰਨਰ ਦੇ ਸਨਰਾਈਜ਼ਰਸ ਨਾਲ ਟੱਕਰ, ਜਾਣੋ ਸੰਭਾਵਿਤ ਪਲੇਇੰਗ ਇਲੈਵਨ ਅਤੇ ਲਾਈਵ ਸਟ੍ਰੀਮਿੰ (Image Credit: Google)

ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੀਜ਼ਨ ਵਿੱਚ ਸੋਮਵਾਰ ਨੂੰ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਦਾ ਸਾਹਮਣਾ ਸਨਰਾਈਜ਼ਰਸ ਹੈਦਰਾਬਾਦ ਨਾਲ ਹੋਵੇਗਾ। ਸਨਰਾਈਜ਼ਰਜ਼ ਨੇ 2016 ਵਿੱਚ ਆਈਪੀਐਲ ਦਾ ਖਿਤਾਬ ਜਿੱਤਿਆ ਹੈ, ਪਰ ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੇ ਰਾਇਲ ਚੈਲੇਂਜਰਜ਼ ਹੁਣ ਤੱਕ ਟਰਾਫੀ ਤੋਂ ਦੂਰ ਰਹੇ ਹਨ।

ਇਸ ਐਡੀਸ਼ਨ ਲਈ, ਡੇਵਿਡ ਵਾਰਨਰ ਦੀ ਕਪਤਾਨੀ ਵਾਲੇ ਸਨਰਾਈਜ਼ਰਜ਼ ਨੇ ਟੀਮ ਵਿਚ ਕੁਝ ਬਦਲਾਅ ਕੀਤੇ ਹਨ. ਓਰੇਂਜ ਆਰਮੀ ਨੇ ਸ਼ਕੀਬ ਅਲ ਹਸਨ ਨੂੰ ਇਸ ਵਾਰ ਰਿਲੀਜ਼ ਕਰ ਦਿੱਤਾ ਕਿਉਂਕਿ ਬੰਗਲਾਦੇਸ਼ ਦੇ ਆਲਰਾਉਂਡਰ ਨੂੰ ਆਈਸੀਸੀ ਨੇ ਦੋ ਸਾਲਾਂ ਲਈ ਬੈਨ ਕੀਤਾ ਹੋਇਆ ਹੈ।

ਕਪਤਾਨ ਵਾਰਨਰ ਅਤੇ ਜੌਨੀ ਬੇਅਰਸਟੋ ਦੀ ਸਲਾਮੀ ਜੋੜੀ ਬੇਹੱਦ ਖਤਰਨਾਕ ਜੋੜ੍ਹੀਆਂ ਵਿਚ ਗਿਣੀ ਜਾਂਦੀ ਹੈ ਅਤੇ ਜੇਕਰ ਇਹ ਦੋਵੇਂ ਕ੍ਰੀਜ਼ ਤੇ ਟਿੱਕ ਜਾਣ ਤਾਂ ਉਹ ਕਿਸੇ ਵੀ ਟੀਮ ਲਈ ਵੱਡਾ ਖ਼ਤਰਾ ਹੋ ਸਕਦੇ ਹਨ।

ਸਨਰਾਈਜ਼ਰਜ਼ ਲਈ ਆਈਪੀਐਲ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦੇ ਮਾਮਲੇ ਵਿਚ ਵਾਰਨਰ ਸਭ ਤੋਂ ਅੱਗੇ ਹਨ। ਉਹਨਾਂ ਨੇ ਟੀਮ ਲਈ 71 ਮੈਚਾਂ ਵਿਚ 55.44 ਦੀ ਔਸਤ ਨਾਲ 3271 ਦੌੜਾਂ ਬਣਾਈਆਂ ਹਨ। ਪਿਛਲੇ ਸੀਜ਼ਨ ਵਿਚ ਸਨਰਾਈਜ਼ਰਜ਼ ਨਾਲ ਜੁੜੇ ਬੇਅਰਸਟੋ ਨੇ 10 ਮੈਚਾਂ ਵਿਚ 55.62 ਦੀ ਔਸਤ ਨਾਲ 445 ਦੌੜਾਂ ਬਣਾਈਆਂ ਸਨ.

ਭੁਵਨੇਸ਼ਵਰ ਕੁਮਾਰ ਤੇਜ਼ ਗੇਂਦਬਾਜ਼ੀ ਦੀ ਕਮਾਨ ਸੰਭਾਲਦੇ ਹੋਏ ਨਜ਼ਰ ਆਉਣਗੇ। ਭੁਵਨੇਸ਼ਵਰ ਨੇ ਦਸੰਬਰ 2019 ਤੋਂ ਬਾਅਦ ਕੋਈ ਪੇਸ਼ੇਵਰ ਮੈਚ ਨਹੀਂ ਖੇਡਿਆ ਹੈੈ. 30 ਸਾਲਾਂ ਭੁਵਨੇਸ਼ਵਰ ਟੀਮ ਲਈ ਸਭ ਤੋਂ ਜ਼ਿਆਦਾ ਵਿਕਟ ਲੈਣ ਵਾਲੇ ਗੇਂਦਬਾਜ਼ ਹਨ। ਉਹਨਾਂ ਨੇ 86 ਮੈਚਾਂ ਵਿੱਚ 109 ਵਿਕਟਾਂ ਹਾਸਲ ਕੀਤੀਆਂ ਹਨ। ਇਸ ਸੀਜ਼ਨ ਵਿਚ ਉਹਨਾਂ ਨੂੰ ਖਲੀਲ ਅਹਿਮਦ, ਸੰਦੀਪ ਸ਼ਰਮਾ, ਬੇਸਿਲ ਥੰਪੀ ਅਤੇ ਸਿਧਾਰਥ ਕੌਲ ਦਾ ਸਾਥ ਮਿਲੇਗਾ.

ਜੇ ਸਨਰਾਈਜ਼ਰਸ ਸਾਲ 2016 ਦੀ ਤਰ੍ਹਾੰ ਇਸ ਸੀਜ਼ਨ ਵਿਚ ਵੀ ਟ੍ਰਾਫੀ ਜਿੱਤਣਾ ਚਾਹੁੰਦੇ ਹਨ, ਤਾਂ ਬਹੁਤ ਕੁਝ ਉਨ੍ਹਾਂ ਦੇ ਸਪਿਨਰਾਂ 'ਤੇ ਨਿਰਭਰ ਕਰੇਗਾ ਕਿ ਉਹ ਯੂਏਈ ਦੇ ਹੌਲੀ ਅਤੇ ਨੀਵੀਂ ਪਿੱਚਾਂ' ਤੇ ਕਿਵੇਂ ਪ੍ਰਦਰਸ਼ਨ ਕਰਦੇ ਹਨ.

ਸਪਿਨ ਆਕ੍ਰਮਣ ਦੀ ਅਗਵਾਈ ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ ਕਰਨਗੇ ਅਤੇ ਉਹਨਾਂ ਦਾ ਸਾਥ ਉਹਨਾਂ ਦੇ ਦੇਸ਼ ਦੇ ਮੁਹੰਮਦ ਨਬੀ ਕਰਨਗੇ। ਨਬੀ ਨੇ ਕੈਰੀਬੀਅਨ ਪ੍ਰੀਮੀਅਰ ਲੀਗ (ਸੀਪੀਐਲ) ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਜੋ ਕਿ ਇਸ ਮਹੀਨੇ ਖਤਮ ਹੋਈ ਸੀ. ਨਬੀ ਨੇ ਲੀਗ ਵਿਚ 12 ਮੈਚਾਂ ਵਿਚ 5.19 ਦੀ ਇਕਾੱਨਮੀ ਦਰ ਨਾਲ 12 ਵਿਕਟਾਂ ਲਈਆਂ ਸੀ।

ਇਸ ਅਫਗਾਨ ਸਪਿਨ ਦੀ ਜੋੜੀ ਤੋਂ ਇਲਾਵਾ ਸਨਰਾਈਜ਼ਰਸ ਨੇ ਖੱਬੇ ਹੱਥ ਸ਼ਾਹਬਾਜ਼ ਨਦੀਮ ਨੂੰ ਵੀ ਟੀਮ ਚ ਸ਼ਾਮਿਲ ਕੀਤਾ ਹੈ। ਝਾਰਖੰਡ ਦਾ ਇਹ ਗੇਂਦਬਾਜ਼ ਆਪਣੀ ਲਾਈਨ ਐਂਡ ਲੈਂਥ ਲਈ ਜਾਣਿਆ ਜਾਂਦਾ ਹੈ.

ਵਾਰਨਰ ਦੀ ਟੀਮ ਕੋਲ ਸਪਿਨ ਆਲਰਾਉਂਡਰ ਲਈ ਵਿਕਲਪ ਵੀ ਹਨ। ਇੱਥੇ ਉਹ ਫੈਬੀਅਨ ਐਲਨ, ਸੰਜੇ ਯਾਦਵ, ਅਬਦੁੱਲ ਸਮਦ, ਅਭਿਸ਼ੇਕ ਸ਼ਰਮਾ ਵਿਚੋਂ ਕਿਸੇ ਦੀ ਵੀ ਚੋਣ ਕਰ ਸਕਦੇ ਹਨ.

ਦੂਜੇ ਪਾਸੇ ਰਾਇਲ ਚੈਲੇਂਜਰਜ਼ ਲੀਗ ਦੀਆਂ ਉਹਨਾਂ ਤਿੰਨ ਟੀਮਾਂ ਵਿਚ ਸ਼ਾਮਲ ਹੈ ਜੋ ਅਜੇ ਤਕ ਇਕ ਵੀ ਖ਼ਿਤਾਬ ਨਹੀਂ ਜਿੱਤ ਸਕੀਆਂ ਹਨ.

ਕੋਹਲੀ ਦੀ ਕਪਤਾਨੀ ਵਾਲੀ ਰਾਇਲ ਚੈਲੇਂਜਰਜ਼ ਦੀ ਸਭ ਤੋਂ ਵੱਡੀ ਤਾਕਤ ਉਹਨਾਂ ਦੀ ਬੱਲੇਬਾਜ਼ੀ ਹੈ ਅਤੇ ਉਹਨਾਂ ਦੇ ਕਪਤਾਨ ਇਸ ਸਮੇਂ ਦੇ ਸਰਵਸ਼੍ਰੇਸ਼ਠ ਬੱਲੇਬਾਜ਼ ਮੰਨੇ ਜਾਂਦੇ ਹਨ. ਅਜਿਹੀ ਸਥਿਤੀ ਵਿੱਚ, ਪ੍ਰਸ਼ੰਸਕਾਂ ਅਤੇ ਟੀਮ ਪ੍ਰਬੰਧਨ ਨੂੰ ਉਮੀਦ ਹੋਵੇਗੀ ਕਿ ਸੱਜੇ ਹੱਥ ਦਾ ਇਹ ਬੱਲੇਬਾਜ਼ 2016 ਦੇ ਫਾਰਮ ਨੂੰ ਦੋਹਰਾਵੇ, ਜਿੱਥੇ ਉਹਨਾਂ ਨੇ ਚਾਰ ਸੈਂਕੜੇ ਲਗਾਏ ਸੀ.

ਕੋਹਲੀ ਤੋਂ ਇਲਾਵਾ ਰਾਇਲ ਚੈਲੇਂਜਰਜ਼ ਕੋਲ ਏਬੀ ਡੀਵਿਲੀਅਰਜ਼ ਜੋ ਕਿ ਟੀ -20 ਦੇ ਸਭ ਤੋਂ ਖਤਰਨਾਕ ਬੱਲੇਬਾਜ਼ ਮੰਨੇ ਜਾਂਦੇ ਹਨ। ਰਾਇਲ ਚੈਲੇਂਜਰਜ਼ ਦੀ ਬੱਲੇਬਾਜ਼ੀ ਕੋਹਲੀ ਅਤੇ ਏਬੀ ਦੇ ਦੁਆਲੇ ਘੁੰਮਦੀ ਹੈ. ਜੇ ਦੋਵੇਂ ਕ੍ਰੀਜ਼ ਤੇ ਟਿੱਕ ਜਾਣ ਤਾਂ ਟੀਮ ਦਾ ਸਕੋਰ ਚਲਦਾ ਰਹਿੰਦਾ ਹੈ. ਐਰੋਨ ਫਿੰਚ ਦੇ ਆਉਣ ਨਾਲ ਟੀਮ ਦੀ ਬੱਲੇਬਾਜ਼ੀ ਹੋਰ ਮਜ਼ਬੂਤ ਹੋਈ ਹੈ​​.

ਯੁਵਾ ਦੇਵਦੱਤ ਪਲੀਕੱਲ, ਫਿੰਚ ਨਾਲ ਓਪਨਿੰਗ ਕਰ ਸਕਦੇ ਹਨ. ਰਾਇਲ ਚੈਲੇਂਜਰਸ ਕੋਲ ਓਪਨਿੰਗ ਲਈ ਜੋਸ਼ੁਆ ਫਿਲਿਪ ਦਾ ਵਿਕਲਪ ਵੀ ਹੈ.

ਆਲਰਾਉਂਡਰ ਕ੍ਰਿਸ ਮੌਰਿਸ ਦੀ ਆਮਦ ਟੀਮ ਲਈ ਲਾਭਕਾਰੀ ਸੌਦਾ ਸਾਬਤ ਹੋ ਸਕਦੀ ਹੈ। ਉਹ ਫੀਨਿਸ਼ਰ ਦੀ ਭੂਮਿਕਾ ਵਿਚ ਵੀ ਦਿਖ ਸਕਦੇ ਹਨ ਜੋ ਟੀਮ ਰਾਇਲ ਚੈਲੇਂਜਰਜ਼ ਲੱਭ ਰਹੀ ਸੀ.

ਮੌਰਿਸ ਤੋਂ ਇਲਾਵਾ, ਫ੍ਰੈਂਚਾਇਜ਼ੀ ਨੇ ਡੈਥ ਦੇ ਓਵਰਾਂ ਦੀ ਸਮੱਸਿਆ ਦੇ ਹੱਲ ਲਈ ਈਸੁਰੁ ਉਦਾਨਾ ਨੂੰ ਟੀਮ ਵਿਚ ਸ਼ਾਮਿਲ ਕੀਤਾ ਹੈ. ਇਸ ਵਾਰ ਆਰਸੀਬੀ ਦੋਵਾਂ ਤੋਂ ਉਮੀਦ ਕਰੇਗੀ ਕਿ ਉਹ ਡੈਥ ਓਵਰਾਂ ਵਿੱਚ ਟੀਮ ਲਈ ਪ੍ਰਭਾਵਸ਼ਾਲੀ ਗੇਂਦਬਾਜ਼ੀ ਕਰਣਗੇ।

ਮਿਡਲ ਆਰਡਰ ਵਿੱਚ, ਰਾਇਲ ਚੈਲੇਂਜਰਜ਼ ਵਿੱਚ ਮੋਇਨ ਅਲੀ, ਸ਼ਿਵਮ ਦੂਬੇ ਅਤੇ ਮੌਰਿਸ ਹਨ, ਅਤੇ ਇਹਨਾਂ ਸਾਰਿਆਂ ਵਿੱਚ ਵਿਰੋਧੀ ਗੇਂਦਬਾਜ਼ੀ ਦੇ ਖਿਲਾਫ ਤੇਜ਼ ਦੌੜਾਂ ਬਣਾਉਣ ਦੀ ਯੋਗਤਾ ਹੈ.

ਦੱਖਣੀ ਅਫਰੀਕਾ ਦੇ ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਡੇਲ ਸਟੇਨ ਤੇਜ਼ ਗੇਂਦਬਾਜ਼ੀ ਹਮਲੇ ਦੀ ਅਗਵਾਈ ਕਰਣਗੇ. ਨਵਦੀਪ ਸੈਣੀ, ਉਦਾਨਾ, ਮੁਹੰਮਦ ਸਿਰਾਜ ਅਤੇ ਉਮੇਸ਼ ਯਾਦਵ ਦੀ ਮੌਜੂਦਗੀ ਕਾਰਨ ਟੀਮ ਦਾ ਗੇਂਦਬਾਜ਼ੀ ਹਮਲਾ ਬੇਹੱਦ ਖ਼ਤਰਨਾਕ ਲੱਗਦਾ ਹੈ।

ਸਪਿਨ ਵਿੱਚ, ਰਾਇਲ ਚੈਲੇਂਜਰਜ਼ ਕੋਲ ਯੁਜਵੇਂਦਰ ਚਾਹਲ, ਪਵਨ ਨੇਗੀ, ਐਡਮ ਜੈਂਪਾ ਅਤੇ ਵਾਸ਼ਿੰਗਟਨ ਸੁੰਦਰ ਦੇ ਵਿਕਲਪ ਹਨ. ਕਪਤਾਨ ਪਲੇਇੰਗ 11 ਵਿੱਚ ਕਿਸ ਨੂੰ ਚੁਣਦੇ ਹਨ, ਇਹ ਵੇਖਣਾ ਹੋਵੇਗਾ. ਯੂਏਈ ਦੀਆਂ ਪਿੱਚਾਂ ਨੂੰ ਵੇਖਦੇ ਹੋਏ,ਇਨ੍ਹਾਂ ਸਾਰਿਆਂ ਨੂੰ ਅੱਗੇ ਆਕੇ ਆਪਣਾ ਬੈਸਟ ਪ੍ਰਦਰਸ਼ਨ ਕਰਨਾ ਪਏਗਾ.

ਜਦੋਂ ਦੋਵਾਂ ਟੀਮਾਂ ਦੀ ਤੁਲਨਾ ਕੀਤੀ ਜਾਂਦੀ ਹੈ, ਤਾਂ ਸਨਰਾਈਜ਼ਰਸ ਦਾ ਪਲੜ੍ਹਾ ਥੋੜ੍ਹਾ ਭਾਰੀ ਨਜ਼ਰ ਆਉਂਦਾ ਹੈ, ਪਰ ਜਗ੍ਹਾ ਅਤੇ ਸਥਿਤੀ ਵਿੱਚ ਤਬਦੀਲੀਆਂ ਨਾਲ, ਦੁਬਈ ਵਿੱਚ ਇਹ ਮੈਚ ਕਿਸੇ ਦੇ ਹੱਕ ਵਿੱਚ ਜਾ ਸਕਦਾ ਹੈ.

ਟੀਮਾਂ (ਸੰਭਾਵਿਤ ਪਲੇਇੰਗ ਇਲੈਵਨ) -

ਸਨਰਾਈਜ਼ਰਸ ਹੈਦਰਾਬਾਦ - ਡੇਵਿਡ ਵਾਰਨਰ (ਕਪਤਾਨ), ਜੌਨੀ ਬੇਅਰਸਟੋ (ਵਿਕਟਕੀਪਰ), ਮਨੀਸ਼ ਪਾਂਡੇ, ਵਿਰਾਟ ਸਿੰਘ, ਵਿਜੇ ਸ਼ੰਕਰ, ਅਬਦੁੱਲ ਸਮਦ, ਮੁਹੰਮਦ ਨਬੀ, ਰਾਸ਼ਿਦ ਖਾਨ, ਭੁਵਨੇਸ਼ਵਰ ਕੁਮਾਰ, ਖਲੀਲ ਅਹਿਮਦ, ਸਿਧਾਰਥ ਕੌਲ / ਸੰਦੀਪ ਸ਼ਰਮਾ

ਰਾਇਲ ਚੈਲੇਂਜਰਜ਼ ਬੰਗਲੌਰ- ਐਰੋਨ ਫਿੰਚ, ਦੇਵਦੱਤ ਪਦਿਕਲ / ਪਾਰਥਿਵ ਪਟੇਲ, ਵਿਰਾਟ ਕੋਹਲੀ (ਕਪਤਾਨ), ਏਬੀ ਡੀਵਿਲੀਅਰਜ਼, ਗੁਰਕੀਰਤ ਸਿੰਘ, ਸ਼ਿਵਮ ਦੂਬੇ, ਵਾਸ਼ਿੰਗਟਨ ਸੁੰਦਰ, ਕ੍ਰਿਸ ਮੌਰਿਸ, ਡੇਲ ਸਟੇਨ, ਨਵਦੀਪ ਸੈਣੀ, ਯੁਜਵੇਂਦਰ ਚਾਹਲ

ਟੈਲੀਕਾਸਟ ਦੀ ਜਾਣਕਾਰੀ: ਤੁਸੀਂ ਸਟਾਰ ਸਪੋਰਟਸ ਚੈਨਲ 'ਤੇ ਇਸ ਮੈਚ ਦਾ ਸਿੱਧਾ ਪ੍ਰਸਾਰਣ ਵੇਖ ਸਕਦੇ ਹੋ ਅਤੇ ਇਸਦੇ ਨਾਲ ਹੀ ਹਾੱਟ ਸਟਾਰ ਐਪ 'ਤੇ ਲਾਈਵ ਸਟ੍ਰੀਮਿੰਗ ਦੇਖਣ ਨੂੰ ਮਿਲੇਗੀ.