IPL 2020: ਚੇਨਈ ਸੁਪਰ ਕਿੰਗਜ਼ ਦੀ ਹਾਰ ਤੋਂ ਬਾਅਦ ਕਪਤਾਨ ਧੋਨੀ ਨੇ ਕਿਹਾ, ਨੋ-ਬਾੱਲ ਸੁੱਟਣਾ ਪਿਆ ਭਾਰੀ

IPL 2020: ਚੇਨਈ ਸੁਪਰ ਕਿੰਗਜ਼ ਦੀ ਹਾਰ ਤੋਂ ਬਾਅਦ ਕਪਤਾਨ ਧੋਨੀ ਨੇ ਕਿਹਾ, ਨੋ-ਬਾੱਲ ਸੁੱਟਣਾ ਪਿਆ ਭਾਰੀ Images (IANS)

ਆਈਪੀਐਲ -13 ਦੇ ਆਪਣੇ ਦੂਸਰੇ ਮੈਚ ਵਿਚ ਹਾਰ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ (ਐਮਐਸ ਧੋਨੀ) ਨੇ ਮੰਗਲਵਾਰ ਨੂੰ ਕਿਹਾ ਕਿ ਟੀਮ ਨੂੰ ਨੋ-ਬਾੱਲਾਂ ਸੁੱਟਣ ਦਾ ਨੁਕਸਾਨ ਝੱਲਣਾ ਪਿਆ। ਮੈਚ ਵਿਚ ਰਾਜਸਥਾਨ ਰਾਇਲਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ ਵਿੱਚ ਸੱਤ ਵਿਕਟਾਂ ਦੇ ਨੁਕਸਾਨ ‘ਤੇ 216 ਦੌੜਾਂ ਬਣਾਈਆਂ। ਚੇਨਈ ਆਪਣੇ ਕੋਟੇ ਦੇ ਪੂਰੇ ਓਵਰ ਖੇਡਣ ਤੋਂ ਬਾਅਦ ਵੀ ਸਿਰਫ 200 ਦੌੜਾਂ ਹੀ ਬਣਾ ਸਕੀ.

ਚੇਨਈ ਨੇ ਪੂਰੇ ਮੈਚ ਵਿਚ ਤਿੰਨ ਨੋ ਬਾੱਲਾਂ ਸੁੱਟੀਆਂ, ਜਿਨ੍ਹਾਂ ਵਿਚੋਂ ਦੋ ਲੂੰਗੀ ਐਂਗੀਡੀ ਨੇ ਆਖਰੀ ਓਵਰ ਵਿਚ ਸੁੱਟੀਆਂ ਤੇ ਉਹ ਦੋ ਗੇਂਦਾਂ ਤੇ ਦੋ ਛੱਕੇ ਵੀ ਲੱਗੇ.

ਧੋਨੀ ਨੇ ਮੈਚ ਤੋਂ ਬਾਅਦ ਕਿਹਾ, "ਉਨ੍ਹਾਂ ਦੇ ਸਪਿੰਨਰਾਂ ਨੇ ਕੁਝ ਅਲਗ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀ, ਪਰ ਸਾਡੇ ਸਪਿੰਨਰਾਂ ਨੇ ਸ਼ੁਰੂਆਤੀ ਓਵਰਾਂ ਵਿਚ ਅਜਿਹਾ ਨਹੀਂ ਕੀਤਾ। ਕਿਸੇ ਨੂੰ ਕੁਝ ਨਾ ਕਹਿੰਦੇ ਹੋਏ ਮੇਰਾ ਕਹਿਣਾ ਹੈ ਕਿ ਅਸੀਂ ਕਾਬੂ ਕਰ ਸਕਦੇ ਸੀ. ਅਸੀਂ ਨੋ ਬਾੱਲਾਂ ਤੇ ਕੰਟਰੋਲ ਕਰ ਸਕਦੇ ਸੀ. ਜੇਕਰ ਅਸੀਂ ਕੋਈ ਨੋ ਬਾੱਲ ਨਾ ਸੁੱਟਦੇ ਤਾਂ ਅਸੀਂ 200 ਦੌੜਾਂ ਦਾ ਪਿੱਛਾ ਕਰ ਰਹੇ ਹੁੰਦੇ ਅਤੇ ਇਹ ਚੰਗਾ ਮੈਚ ਹੁੰਦਾ.”

217 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਚੇਨਈ ਲਈ ਸਿਰਫ ਫਾਫ ਡੂ ਪਲੇਸਿਸ ਹੀ ਥੋੜ੍ਹਾ ਸੰਘਰਸ਼ ਕਰ ਸਕੇ. ਫਾਫ ਨੇ ਸੱਤ ਛੱਕਿਆਂ ਅਤੇ ਇਕ ਚੌਕੇ ਦੀ ਮਦਦ ਨਾਲ 37 ਗੇਂਦਾਂ ਵਿਚ 72 ਦੌੜਾਂ ਬਣਾਈਆਂ।

ਧੋਨੀ ਨੇ ਫਾਫ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ, "ਫਾਫ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਥਿਤੀ ਨਾਲ ਤਾਲਮੇਲ ਬਿਠਾਣਾ. ਜਦੋਂ ਸਪਿੰਨਰ ਛੋਟੀਆਂ ਗੇਂਦਾਂ ਕਰ ਰਹੇ ਸਨ ਤਾਂ ਇਹ ਜ਼ਰੂਰੀ ਸੀ ਕਿ ਮਿਡ ਔਨ ਦੇ ਉੱਪਰੋਂ ਮਾਰਿਆ ਜਾਵੇ ਨਾ ਕਿ ਸਕਵੇਅਰ ਲੈਗ ਦੇ ਉੱਪਰੋਂ ਕਿਉਂਕਿ ਗੇਂਦ ਨੀਵੀਂ ਰਹਿ ਰਹੀ ਸੀ. ਮੇਰੇ ਖਿਆਲ ਫਾਫ ਨੇ ਇਸ ਤਰ੍ਹਾੰ ਹੀ ਕੀਤਾ ਸੀ."

ਧੋਨੀ ਨੇ ਕਿਹਾ ਕਿ ਰਾਜਸਥਾਨ ਦੇ ਗੇਂਦਬਾਜ਼ਾਂ ਨੂੰ ਵੀ ਕ੍ਰੈਡਿਟ ਦੇਣਾ ਚਾਹੀਦਾ ਹੈ। ਉਹਨਾਂ ਨੇ ਕਿਹਾ, "ਤੁਹਾਨੂੰ ਉਨ੍ਹਾਂ ਦੇ ਗੇਂਦਬਾਜ਼ਾਂ ਨੂੰ ਜਿੱਤ ਦਾ ਸਿਹਰਾ ਦੇਣਾ ਪਏਗਾ। ਬਹੁਤ ਜ਼ਿਆਦਾ Dew ਸੀ। ਉਹ ਜਾਣਦੇ ਸੀ ਕਿ ਗੇਂਦ ਕਿਸ ਲੈਂਥ 'ਤੇ ਕਰਨੀ ਹੈ.”