IPL 2020 : KINGS XI PUNJAB ਦੇ ਬੱਲੇਬਾਜ ਪ੍ਰਭਸਿਮਰਨ ਸਿੰਘ ਦੇ ਮੁਰੀਦ ਹੋਏ ਸਚਿਨ, ਵੀਡਿਉ ਵਿਚ ਕੀਤੀ ਤਾਰੀਫ

ਕਿੰਗਜ਼ ਇਲੈਵਨ ਪੰਜਾਬ ਦੀ ਟੀਮ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ 2020) ਵਿਚ ਖਰਾਬ ਕਿਸਮਤ ਦੇ ਚਲਦੇ ਜਿੱਤੇ ਹੋਏ ਮੈਚ ਵੀ ਹਾਰਦੀ ਜਾ ਰਹੀ ਹੈ ਅਤੇ ਨਤੀਜਾ ਇਹ ਹੈ ਕਿ ਹੁਣ ਟੀਮ ਪੁਆਇੰਟ ਟੇਬਲ ਤੇ ਅੱਠਵੇਂ ਨੰਬਰ ਤੇ ਹੈ. ਕੇ ਐਲ ਰਾਹੁਲ ਦੀ ਕਪਤਾਨੀ ਵਾਲੀ ਕਿੰਗਜ ਇਲੈਵਨ ਨੂੰ ਕੋਲਕਾਤਾ ਨਾਈਟ ਰਾਈਡਰਜ ਦੇ ਖਿਲਾਫ ਵੀ ਹਾਰ ਦਾ ਸਾਹਮਣਾ ਕਰਨਾ ਪਿਆ. ਇਸ ਮੈਚ ਵਿੱਚ ਸੁਨੀਲ ਨਾਰਾਇਣ ਦੇ 18 ਵੇਂ ਓਵਰ ਦੀ ਦੂਜੀ ਗੇਂਦ ਤੇ ਵੱਡੇ ਸ਼ਾਟ ਦੇ ਚੱਕਰ ਵਿਚ ਪੂਰਨ ਬੋਲਡ ਹੋ ਗਏ. ਪੂਰਨ ਨੇ ਸਿਰਫ 16 ਦੌੜਾਂ ਬਣਾਈਆਂ. ਪੂਰਨ ਦੇ ਆਉਟ ਹੋਣ ਤੋਂ ਬਾਅਦ ਪੰਜਾਬ ਨੇ ਵਿਕਟਕੀਪਰ ਪ੍ਰਭਸਿਮਰਨ ਸਿੰਘ ਨੂੰ ਬੱਲੇਬਾਜ਼ੀ ਲਈ ਭੇਜਿਆ.

ਆਈਪੀਐਲ 2020 ਵਿਚ ਆਪਣਾ ਦੂਜਾ ਮੈਚ ਖੇਡਦਿਆਂ ਪ੍ਰਭਸਿਮਰਨ ਸਿੰਘ ਨੇ 7 ਗੇਂਦਾਂ ਵਿਚ ਸਿਰਫ 4 ਦੌੜਾਂ ਬਣਾਈਆਂ ਅਤੇ ਆਉਟ ਹੋ ਗਏ. ਪੰਜਾਬ ਦੀ ਹਾਰ ਤੋਂ ਬਾਅਦ ਪ੍ਰਭਸਿਮਰਨ ਨੂੰ ਸੋਸ਼ਲ ਮੀਡੀਆ 'ਤੇ ਬਹੁਤ ਟ੍ਰੋਲ ਕੀਤਾ ਗਿਆ, ਪਰ ਕ੍ਰਿਕਟ ਦੇ ਭਗਵਾਨ ਕਹੇ ਜਾਣ ਵਾਲੇ ਸਚਿਨ ਤੇਂਦੁਲਕਰ ਇਸ ਖਿਡਾਰੀ ਤੋਂ ਕਾਫ਼ੀ ਪ੍ਰਭਾਵਿਤ ਦਿਖੇ. ਸਚਿਨ ਤੇਂਦੁਲਕਰ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਇੱਕ ਵੀਡੀਓ ਸਾਂਝਾ ਕੀਤਾ, ਜਿਸ ਵਿੱਚ ਉਹ ਪ੍ਰਭਸਿਮਰਨ ਦੀ ਪ੍ਰਸ਼ੰਸਾ ਕਰਦਿਆਂ ਨਜਰ ਆਏ.

ਮਾਸਟਰ-ਬਲਾਸਟਰ ਸਚਿਨ ਤੇਂਦੁਲਕਰ ਦੁਆਰਾ ਪੰਜਾਬ ਦੇ ਨੌਜਵਾਨ ਕ੍ਰਿਕਟਰ ਪ੍ਰਭਸਿਮਰਨ ਸਿੰਘ ਦੀ ਪ੍ਰਸ਼ੰਸਾ ਨੇ ਉਨ੍ਹਾਂ ਦੇ ਮਨੋਬਲ ਨੂੰ ਹੁਲਾਰਾ ਦਿੱਤਾ ਹੈ. ਪਟਿਆਲੇ ਦੇ ਇਸ ਵਿਕਟਕੀਪਰ ਦੇ ਬਾਰੇ ਵਿੱਚ ਸਚਿਨ ਨੇ ਕਿਹਾ ਕਿ ਉਹਨਾਂ ਦਾ ਬੈਟ ਸਵਿੰਗ ਵਧੀਆ ਹੈ ਅਤੇ ਉਹਨਾਂ ਦੀ ਬੈਕ ਲਿਫਟ ਵੀ ਵਧੀਆ ਹੈ, ਜੋ ਇੱਕ ਚੰਗੇ ਬੱਲੇਬਾਜ਼ ਦੀ ਗੁਣਵਤਾ ਹੈ. ਜਦੋਂ ਗੇਂਦ ਉਹਨਾਂ ਦੇ ਬੱਲੇ ਨਾਲ ਲੱਗਦੀ ਹੈ ਤਾਂ ਇਕ ਸੁਰੀਲੀ ਆਵਾਜ਼ ਆਉਂਦੀ ਹੈ. ਮੈਂ ਪ੍ਰਭਸਿਮਰਨ ਦੀ ਥੋੜ੍ਹੀ ਜਿਹੀ ਬੱਲੇਬਾਜ਼ੀ ਵੇਖੀ. ਮੈਨੂੰ ਲੱਗਦਾ ਹੈ ਕਿ ਉਹ ਇਸ ਟੂਰਨਾਮੈਂਟ ਵਿਚ ਇਕ ਖਤਰਨਾਕ ਬੱਲੇਬਾਜ਼ ਸਾਬਤ ਹੋ ਸਕਦਾ ਹੈ."

 

I really liked what I saw of @prabhsimran01 in @lionsdenkxip’s previous game.

Here are my observations about him from that game.#KXIPvKKR #IPL2020 pic.twitter.com/7elqOWXjWz

— Sachin Tendulkar (@sachin_rt) October 10, 2020

ਸਚਿਨ ਦੇ ਇਸ ਟਵੀਟ 'ਤੇ, ਪ੍ਰਭਸਿਮਰਨ ਸਿੰਘ ਨੇ ਜੁਆਬ ਦਿੱਤਾ ਅਤੇ ਕਿਹਾ - "ਸਰ, ਮੇਰੇ ਲਈ ਇਹ ਬਹੁਤ ਮਾਇਨੇ ਰੱਖਦਾ ਹੈ."

Thank you @sachin_rt sir. This means alot for me. Will continue to work hard and perform best. https://t.co/hsW6t2wZqK

— Prabhsimran Singh (@prabhsimran01) October 10, 2020

ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਭਸਿਮਰਨ ਨੂੰ ਅਜੇ ਆਪਣਾ ਪਹਿਲਾ ਫਰਸਟ ਕਲਾਸ ਮੈਚ ਖੇਡਣਾ ਬਾਕੀ ਹੈ, ਪਰ ਇਸ ਤੋਂ ਪਹਿਲਾਂ ਹੀ ਉਨ੍ਹਾਂ ਦੀ ਆਕ੍ਰਾਮਕ ਬੱਲੇਬਾਜੀ ਸ਼ੈਲੀ ਨੂੰ ਦੇਖਦਿਆਂ ਕਿੰਗਜ਼ ਇਲੈਵਨ ਪੰਜਾਬ ਨੇ ਉਹਨਾਂ ਨੂੰ 4.80 ਕਰੋੜ ਵਿੱਚ ਖਰੀਦ ਲਿਆ ਸੀ. ਰਾਇਲ ਚੈਲੇਂਜਰਜ਼ ਬੰਗਲੌਰ, ਮੁੰਬਈ ਇੰਡੀਅਨਜ਼ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਨੇ ਉਨ੍ਹਾਂ ਲਈ ਜ਼ੋਰਦਾਰ ਬੋਲੀ ਲਗਾਈ, ਪਰ ਪੰਜਾਬ ਨੇ ਉਨ੍ਹਾਂ ਨੂੰ ਭਾਰੀ ਰਕਮ ਦੇ ਕੇ ਖਰੀਦਿਆ.