15 ਸਤੰਬਰ ਤੋਂ ਸ਼ੁਰੂ ਹੋਵੇਗੀ ਝਾਰਖੰਡ ਪ੍ਰੀਮੀਅਰ ਲੀਗ , 6 ਟੀਮਾਂ ਲੈਣਗੀਆਂ ਹਿੱਸਾ, ਲਗਭਗ 100 ਖਿਡਾਰੀ ਹੋਣਗੇ ਸ਼ਾਮਲ

15 ਸਤੰਬਰ ਤੋਂ ਸ਼ੁਰੂ ਹੋਵੇਗੀ ਝਾਰਖੰਡ ਪ੍ਰੀਮੀਅਰ ਲੀਗ , 6 ਟੀਮਾਂ ਲੈਣਗੀਆਂ ਹਿੱਸਾ, ਲਗਭਗ 100 ਖਿਡਾਰੀ ਹੋਣਗੇ ਸ਼ਾਮਲ I (Google Search)

ਝਾਰਖੰਡ ਸਟੇਟ ਕ੍ਰਿਕਟ ਐਸੋਸੀਏਸ਼ਨ (ਜੇਐਸਸੀਏ) ਝਾਰਖੰਡ ਪ੍ਰੀਮੀਅਰ ਲੀਗ 15 ਸਤੰਬਰ ਤੋਂ ਸ਼ੁਰੂ ਕਰਨ ਜਾ ਰਿਹਾ ਹੈ, ਜਿਸ ਵਿੱਚ ਛੇ ਟੀਮਾਂ ਹਿੱਸਾ ਲੈਣਗੀਆਂ। ਈਐਸਪੀਐਨਕ੍ਰੀਨਫੋ ਦੀ ਰਿਪੋਰਟ ਦੇ ਅਨੁਸਾਰ ਜੇਐਸਸੀਏ ਨਾਲ ਜੁੜੇ ਕਈ ਕ੍ਰਿਕਟਰਾਂ ਨੂੰ ਉਨ੍ਹਾਂ ਦੀ ਲੀਗ ਲਈ ਚੋਣ ਬਾਰੇ ਦੱਸਿਆ ਗਿਆ ਅਤੇ ਉਨ੍ਹਾਂ ਨੂੰ ਲੀਗ ਵਿਚ ਖੇਡਣ ਲਈ ਆਪਣਾ ਨਾਮ ਦਰਜ ਕਰਾਉਣ ਲਈ ਫਾਰਮ ਵੀ ਭੇਜੇ ਗਏ। ਇਨ੍ਹਾਂ ਕ੍ਰਿਕਟਰਾਂ ਨੂੰ ਰਾਂਚੀ ਦੇ ਜੇਐਸਸੀਏ ਇੰਟਰਨੈਸ਼ਨਲ ਸਟੇਡੀਅਮ ਵਿਖੇ ਰਿਪੋਰਟ ਕਰਨ ਲਈ ਕਿਹਾ ਗਿਆ ਹੈ ਤਾਂ ਜੋ ਉਹ ਆਪਣਾ ਕੋਵਿਡ -19 ਟੈਸਟ ਕਰਵਾ ਸਕਣ।

ਮੰਨਿਆ ਜਾ ਰਿਹਾ ਹੈ ਕਿ ਝਾਰਖੰਡ ਪ੍ਰੀਮੀਅਰ ਲੀਗ ਦੇ ਸਾਰੇ ਮੈਚ ਰਾਂਚੀ ਦੇ ਜੇਐਸਸੀਏ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡੇ ਜਾਣਗੇ।

ਰਿਪੋਰਟ ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੈ ਕਿ ਲੀਗ ਨੂੰ ਬੀਸੀਸੀਆਈ ਨੇ ਮਾਨਤਾ ਦਿੱਤੀ ਹੈ ਜਾਂ ਨਹੀਂ। ਪਰ ਜੇਐਸਸੀਏ ਦੁਆਰਾ ਖਿਡਾਰੀਆਂ ਨੂੰ ਭੇਜੇ ਪੱਤਰ ਵਿੱਚ ਕਿਹਾ ਗਿਆ ਹੈ ਕਿ ਇਹ ਬੀਸੀਸੀਆਈ ਨਾਲ ਸਬੰਧਤ ਹੈ।

ਜੇਐਸਸੀਏ ਨੇ ਇਸ ਲੀਗ ਲਈ ਦੋ ਮੁੱਖ ਸਪਾਂਸਰਾਂ ਨਾਲ ਵੀ ਸਮਝੌਤਾ ਕੀਤਾ ਹੈ.

ਇਸ ਦੌਰਾਨ, ਦਿ ਟੈਲੀਗ੍ਰਾਫ ਨੇ ਜੇਐਸਸੀਏ ਦੇ ਸਕੱਤਰ ਸੰਜੇ ਸਹਾਏ ਦੇ ਹਵਾਲੇ ਤੋਂ ਕਿਹਾ, “ਲੀਗ ਵਿੱਚ ਕੁੱਲ ਛੇ ਟੀਮਾਂ ਖੇਡਣਗੀਆਂ ਜੋ ਰਾਜ ਦੇ ਛੇ ਵੱਖ-ਵੱਖ ਜ਼ੋਨਾਂ ਦੀ ਨੁਮਾਇੰਦਗੀ ਕਰਨਗੀਆਂ। ਇਨ੍ਹਾਂ ਛੇ ਟੀਮਾਂ ਵਿੱਚ ਰਾਂਚੀ ਰੇਡਰ, ਦੁਮਕਾ ਡੇਅਰਡੇਵਿਲਜ਼, ਧਨਬਾਦ ਡਾਇਨਾਮੋਸ, ਸਿੰਘਭੂਮ ਸਟਰਾਈਕਰਜ਼, ਜਮਸ਼ੇਦਪੁਰ ਜਗਲਰਜ਼ ਅਤੇ ਬੋਕਾਰੋ ਬਲਾਸਟਰਜ਼ ਦੀਆਂ ਟੀਮਾਂ ਸ਼ਾਮਿਲ ਹਨ। ”

ਉਨ੍ਹਾਂ ਕਿਹਾ, “ਇਹ ਟੀਮਾਂ ਵਿਚ ਉਹੀ ਖਿਡਾਰੀ ਸ਼ਾਮਲ ਹੋਣਗੇ ਜੋ ਝਾਰਖੰਡ ਰਾਜ ਦੀ ਯੂਨੀਅਨ ਨਾਲ ਰਜਿਸਟਰਡ ਹਨ। ਇੱਥੇ ਕੋਈ ਫਰੈਂਚਾਇਜ਼ੀ ਜਾਂ ਟੀਮ ਦਾ ਮਾਲਕ ਨਹੀਂ ਹੋਵੇਗਾ। ਲੀਗ ਵਿੱਚ 100 ਦੇ ਕਰੀਬ ਖਿਡਾਰੀ ਹਿੱਸਾ ਲੈਣਗੇ।”