MI vs KXIP: ਦੋ ਸੁਪਰ ਓਵਰ ਵੇਖਣ ਤੋਂ ਬਾਅਦ ਜਿੰਮੀ ਨੀਸ਼ਮ ਨੇ ਦਿੱਤੀ ਪ੍ਰਤੀਕ੍ਰਿਆ, ਕਿਹਾ- 'ਮੈਂ ਅੰਦਰੋਂ ਮਰ ਗਿਆ ਹਾਂ'

ਇੰਡੀਅਨ ਪ੍ਰੀਮੀਅਰ ਲੀਗ ਸੀਜ਼ਨ 13 ਦੇ 36 ਵੇਂ ਮੈਚ ਨੇ ਰੋਮਾਂਚ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ. ਕਿੰਗਜ਼ ਇਲੈਵਨ ਪੰਜਾਬ ਨੇ ਦੂਸਰੇ ਸੁਪਰ ਓਵਰ ਵਿੱਚ ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਜਿੱਤ ਦਰਜ ਕਰਕੇ ਅੰਕ ਸੂਚੀ ਵਿੱਚ 2 ਅੰਕ ਜੋੜ ਲਏ. ਇਸ ਮੈਚ ਦੌਰਾਨ ਅਜਿਹੇ ਬਹੁਤ ਸਾਰੇ ਪਲ ਸਨ ਜਿਨ੍ਹਾਂ ਨੇ ਦਰਸ਼ਕਾਂ ਦੇ ਨਾਲ ਨਾਲ ਖਿਡਾਰੀਆਂ ਦੇ ਵੀ ਸਾਹ ਰੋਕ ਦਿੱਤੇ. ਇਸ ਦੌਰਾਨ ਕਿੰਗਜ਼ ਇਲੈਵਨ ਪੰਜਾਬ ਦੇ ਖਿਡਾਰੀ ਜਿੰਮੀ ਨੀਸ਼ਮ ਨੇ ਇੱਕ ਪ੍ਰਸ਼ੰਸਕ ਦੇ ਟਵੀਟ ਦਾ ਜਵਾਬ ਦਿੰਦਿਆਂ ਇਸ ਮੈਚ ਬਾਰੇ ਆਪਣੀ ਪ੍ਰਤੀਕ੍ਰਿਆ ਦਿੱਤੀ.

ਮੈਚ ਤੋਂ ਬਾਅਦ ਫੈਨ ਨੇ ਜਿੰਮੀ ਨੀਸ਼ਮ ਨੂੰ ਪੁੱਛਿਆ, ‘ਮੈਂ ਹੈਰਾਨ ਹਾਂ ਕਿ ਅਜਿਹੇ ਮੈਚ ਦੌਰਾਨ ਜਿੰਮੀ ਨੀਸ਼ਮ ਆਪਣੀਆਂ ਭਾਵਨਾਵਾਂ ਨੂੰ ਕਿਵੇਂ ਸ਼ਾਂਤ ਰੱਖਦੇ ਹਨ. ਕਿਰਪਾ ਕਰਕੇ ਕੁਝ ਸੁਝਾਅ ਦੇ ਕੇ ਸਾਡੀ ਮਦਦ ਕਰੋ. ' 

ਫੈਨ ਦੇ ਟਵੀਟ 'ਤੇ ਪ੍ਰਤੀਕ੍ਰਿਆ ਦਿੰਦੇ ਹੋਏ ਨੀਸ਼ਮ ਨੇ ਲਿਖਿਆ, "ਮੈਂ ਅੰਦਰੋਂ ਮਰ ਗਿਆ ਹਾਂ".

ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 14 ਜੁਲਾਈ 2019 ਨੂੰ ਨਿਉਜ਼ੀਲੈਂਡ ਦੇ ਆਲਰਾਉਂਡਰ ਜਿੰਮੀ ਨੀਸ਼ਮ ਲਾਰਡਸ ਕ੍ਰਿਕਟ ਗਰਾਉਂਡ ਵਿਖੇ ਹੋਏ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਇੰਗਲੈਂਡ ਖਿਲਾਫ ਇੱਕ ਸੁਪਰ ਓਵਰ ਵਿੱਚ ਸ਼ਾਮਲ ਸੀ. ਉਹਨਾਂ ਨੇ ਸੁਪਰ ਓਵਰ ਵਿਚ ਜੋਫਰਾ ਆਰਚਰ ਦੀ ਗੇਂਦ ਤੇ ਇਕ ਛੱਕਾ ਵੀ ਲਗਾਇਆ ਸੀ ਪਰ ਉਹਨਾਂ ਦੀ ਕੋਸ਼ਿਸ਼ ਬੇਕਾਰ ਚਲੀ ਗਈ ਅਤੇ ਨਿਉਜ਼ੀਲੈਂਡ ਮੈਚ ਹਾਰ ਗਿਆ.

ਨੀਸ਼ਮ ਸਤੰਬਰ ਵਿਚ ਸੀਪੀਐਲ ਦੌਰਾਨ ਇਕ ਵਾਰ ਫਿਰ ਸੁਪਰ ਓਵਰ ਦਾ ਹਿੱਸਾ ਸੀ. ਇਸ ਮੈਚ ਵਿਚ ਵੀ ਉਹਨਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਇਸ ਤੋਂ ਇਲਾਵਾ ਨੀਸ਼ਮ ਨੇ ਬ੍ਰਿਟਸ ਵਿਰੁੱਧ ਖੇਡੇ ਗਏ ਮੈਚ ਦੌਰਾਨ ਸੁਪਰ ਓਵਰ ਖੇਡਿਆ ਸੀ. ਦੱਸ ਦੇਈਏ ਕਿ ਆਈਪੀਐਲ ਦੇ 13ਵੇਂ ਸੀਜ਼ਨ ਵਿੱਚ ਜਿੰਮੀ ਨੀਸ਼ਮ ਨੇ ਹੁਣ ਤੱਕ 3 ਮੈਚਾਂ ਵਿੱਚ ਹਿੱਸਾ ਲਿਆ ਹੈ. ਇਨ੍ਹਾਂ ਤਿੰਨਾਂ ਮੈਚਾਂ ਵਿਚ ਉਹ ਕੁਝ ਖਾਸ ਨਹੀਂ ਕਰ ਸਕੇ ਅਤੇ ਸਿਰਫ 7 ਦੌੜਾਂ ਬਣਾਈਆਂ ਹਨ. ਗੇਂਦਬਾਜ਼ੀ 'ਚ ਵੀ ਨੀਸ਼ਮ ਨੀਰਸ ਦਿਖਾਈ ਦਿੱਤੇ ਅਤੇ 10.50 ਦੀ ਇਕੌਨਮੀ ਦੇ ਨਾਲ ਦੌੜਾਂ ਦਿੰਦੇ ਹੋਏ ਸਿਰਫ ਇਕ ਵਿਕਟ ਲਈ.

 

I am dead inside https://t.co/5Yc4OkDStY

— Jimmy Neesham (@JimmyNeesh) October 18, 2020

ਮੁੰਬਈ ਇੰਡੀਅਨਜ਼ ਖ਼ਿਲਾਫ਼ ਮਿਲੀ ਜਿੱਤ ਤੋਂ ਬਾਅਦ ਪੰਜਾਬ ਦੀ ਟੀਮ 9 ਮੈਚਾਂ ਵਿੱਚ 3 ਜਿੱਤਾਂ ਨਾਲ ਛੇਵੇਂ ਸਥਾਨ ’ਤੇ ਆ ਗਈ ਹੈ. ਕਿੰਗਜ਼ ਇਲੈਵਨ ਪੰਜਾਬ ਨੇ ਆਪਣੇ ਪਿਛਲੇ ਦੋ ਮੈਚਾਂ ਵਿੱਚ ਰੋਮਾਂਚਕ ਜਿੱਤ ਦਰਜ ਕੀਤੀ ਹੈ। ਪੰਜਾਬ ਟੀਮ ਨੂੰ ਆਪਣਾ ਅਗਲਾ ਮੈਚ 20 ਅਕਤੂਬਰ ਨੂੰ ਦਿੱਲੀ ਕੈਪਿਟਲਸ ਦੇ ਖਿਲਾਫ ਖੇਡਣਾ ਹੈ.