ਆਈਪੀਐਲ ਦਾ 15ਵਾਂ ਸੀਜ਼ਨ 26 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ ਪਰ ਮੁੰਬਈ ਇੰਡੀਅਨਜ਼ ਆਪਣਾ ਪਹਿਲਾ ਮੈਚ 27 ਮਾਰਚ ਨੂੰ ਖੇਡੇਗੀ ਜਿੱਥੇ ਉਸ ਦਾ ਸਾਹਮਣਾ ਰਿਸ਼ਭ ਪੰਤ ਦੀ ਕਪਤਾਨੀ ਵਾਲੀ ਦਿੱਲੀ ਕੈਪੀਟਲਜ਼ ਨਾਲ ਹੋਵੇਗਾ। ਆਗਾਮੀ ਸੀਜ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ, ਮੁੰਬਈ ਲਈ ਚੰਗੀ ਖ਼ਬਰ ਇਹ ਹੈ ਕਿ ਕਪਤਾਨ ਰੋਹਿਤ ਸ਼ਰਮਾ ਵਧੀਆ ਫਾਰਮ ਵਿੱਚ ਨਜ਼ਰ ਆ ਰਿਹਾ ਹੈ ਜੋ ਵਿਰੋਧੀਆਂ ਲਈ ਚੇਤਾਵਨੀ ਹੈ।
ਮੁੰਬਈ ਇੰਡੀਅਨਜ਼ ਨੇ 23 ਮਾਰਚ ਨੂੰ ਆਪਣੇ ਅਧਿਕਾਰਤ ਟਵਿੱਟਰ ਅਕਾਊਂਟ ਤੋਂ ਇੱਕ ਵੀਡੀਓ ਸਾਂਝੀ ਕੀਤੀ, ਜਿਸ ਵਿੱਚ ਹਿਟਮੈਨ ਅਭਿਆਸ ਸੈਸ਼ਨ ਦੌਰਾਨ ਚੌਕੇ ਅਤੇ ਛੱਕੇ ਮਾਰਦਾ ਦਿਖਾਈ ਦੇ ਰਿਹਾ ਹੈ। ਇਸ ਵੀਡੀਓ 'ਚ ਹਿਟਮੈਨ ਦੇ ਬੱਲੇ ਤੋਂ ਇਕ ਤੋਂ ਵਧ ਕੇ ਇਕ ਸ਼ਾਟ ਦੇਖੇ ਜਾ ਸਕਦੇ ਹਨ। ਰੋਹਿਤ ਦੇ ਇਸ ਵੀਡੀਓ ਨੂੰ ਫੈਨਜ਼ ਸੋਸ਼ਲ ਮੀਡੀਆ 'ਤੇ ਕਾਫੀ ਪਸੰਦ ਕਰ ਰਹੇ ਹਨ।
ਇਸ ਦੇ ਨਾਲ ਹੀ ਜੇਕਰ ਇਸ ਵਾਰ ਮੁੰਬਈ ਦੇ ਪਲੇਇੰਗ ਕੰਬੀਨੇਸ਼ਨ ਦੀ ਗੱਲ ਕਰੀਏ ਤਾਂ ਟੀਮ ਦੇ ਕਈ ਪੁਰਾਣੇ ਖਿਡਾਰੀ ਦੂਜੀਆਂ ਟੀਮਾਂ ਵਿੱਚ ਚਲੇ ਗਏ ਹਨ ਅਤੇ ਇਸ ਵਾਰ ਰੋਹਿਤ ਨੂੰ ਇੱਕ ਤਰ੍ਹਾਂ ਨਾਲ ਨਵੀਂ ਟੀਮ ਦੇ ਨਾਲ ਜਾਣਾ ਪਵੇਗਾ। ਸੂਰਿਆਕੁਮਾਰ ਯਾਦਵ ਦਿੱਲੀ ਦੇ ਖਿਲਾਫ ਪਹਿਲੇ ਮੈਚ 'ਚ ਸ਼ਾਇਦ ਨਹੀਂ ਖੇਡ ਸਕਣਗੇ, ਇਸ ਲਈ ਉਨ੍ਹਾਂ ਦੀ ਜਗ੍ਹਾ ਕੌਣ ਲਵੇਗਾ ਇਹ ਵੀ ਵੱਡਾ ਸਵਾਲ ਹੋਵੇਗਾ।
End the day with a Hitman Special
— Mumbai Indians (@mipaltan) March 23, 2022
Goodnight, Paltan! #OneFamily #DilKholKe #MumbaiIndians @ImRo45 MI TV pic.twitter.com/cPaYWgWvJ6
