ਆਇਰਲੈਂਡ ਨੂੰ ਹਰਾ ਕੇ ਸੇਮੀਫਾਈਨਲ ਵਿਚ ਪਹੁੰਚਿਆ ਨਿਊਜ਼ੀਲੈੰਡ, ਕੇਨ ਵਿਲਿਅਮਸਨ ਨੇ ਕੀਤੀ ਫਾਰਮ ਵਿਚ ਵਾਪਸੀ
ਕਪਤਾਨ ਕੇਨ ਵਿਲੀਅਮਸਨ (61) ਦੇ ਟੂਰਨਾਮੈਂਟ ਦੇ ਸ਼ੁਰੂਆਤੀ ਅਰਧ ਸੈਂਕੜੇ ਅਤੇ ਲਾਕੀ ਫਰਗੂਸਨ (22 ਦੌੜਾਂ ਦੇ ਕੇ ਤਿੰਨ ਵਿਕਟਾਂ) ਦੀ ਅਗਵਾਈ ਵਾਲੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਨਿਊਜ਼ੀਲੈਂਡ ਨੇ ਸ਼ੁੱਕਰਵਾਰ ਨੂੰ ਆਇਰਲੈਂਡ ਨੂੰ 35 ਦੌੜਾਂ ਨਾਲ ਹਰਾ ਕੇ ਟੀ-20
ਕਪਤਾਨ ਕੇਨ ਵਿਲੀਅਮਸਨ (61) ਦੇ ਟੂਰਨਾਮੈਂਟ ਦੇ ਸ਼ੁਰੂਆਤੀ ਅਰਧ ਸੈਂਕੜੇ ਅਤੇ ਲਾਕੀ ਫਰਗੂਸਨ (22 ਦੌੜਾਂ ਦੇ ਕੇ 3 ਵਿਕਟਾਂ) ਦੀ ਅਗਵਾਈ ਵਾਲੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਮਦਦ ਨਾਲ ਨਿਊਜ਼ੀਲੈਂਡ ਨੇ ਸ਼ੁੱਕਰਵਾਰ ਨੂੰ ਆਇਰਲੈਂਡ ਨੂੰ 35 ਦੌੜਾਂ ਨਾਲ ਹਰਾ ਕੇ ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰ ਲਿਆ। ਨਿਊਜ਼ੀਲੈਂਡ ਇਸ ਜਿੱਤ ਅਤੇ ਸੱਤ ਅੰਕਾਂ ਨਾਲ ਆਪਣੇ ਗਰੁੱਪ ਵਿੱਚ ਸਿਖਰ ’ਤੇ ਬਰਕਰਾਰ ਹੈ। ਨਿਊਜ਼ੀਲੈਂਡ ਸੈਮੀਫਾਈਨਲ 'ਚ ਪਹੁੰਚਣ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਐਡੀਲੇਡ ਓਵਲ 'ਚ ਸੁਪਰ 12 ਦੇ ਗਰੁੱਪ 1 ਦੇ ਮੈਚ 'ਚ ਆਇਰਲੈਂਡ ਖਿਲਾਫ ਛੇ ਵਿਕਟਾਂ ਦੇ ਨੁਕਸਾਨ 'ਤੇ 185 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਆਇਰਲੈਂਡ ਦੀ ਟੀਮ ਨੌਂ ਵਿਕਟਾਂ ’ਤੇ 150 ਦੌੜਾਂ ਹੀ ਬਣਾ ਸਕੀ। ਵਿਲੀਅਮਸਨ ਨੂੰ ਉਸ ਦੇ ਅਰਧ ਸੈਂਕੜੇ ਲਈ ਪਲੇਅਰ ਆਫ ਦਿ ਮੈਚ ਦਾ ਪੁਰਸਕਾਰ ਮਿਲਿਆ।
ਕੇਨ ਵਿਲੀਅਮਸਨ ਨੇ ਟੂਰਨਾਮੈਂਟ ਦਾ ਪਹਿਲਾ ਅਰਧ ਸੈਂਕੜਾ ਲਗਾਇਆ। ਵਿਲੀਅਮਸਨ ਨੇ 35 ਗੇਂਦਾਂ 'ਤੇ 61 ਦੌੜਾਂ 'ਚ ਪੰਜ ਚੌਕੇ ਅਤੇ ਤਿੰਨ ਛੱਕੇ ਲਗਾਏ। ਵਿਲਿਅਮਸਨ ਤੋਂ ਅਲਾਵਾ ਫਿਨ ਐਲਨ ਨੇ 32 ਅਤੇ ਡੇਵੋਨ ਕੋਨਵੇ ਨੇ 28 ਦੌੜਾਂ ਦਾ ਯੋਗਦਾਨ ਪਾਇਆ। ਡੇਰਿਲ ਮਿਸ਼ੇਲ ਨੇ ਵੀ 21 ਗੇਂਦਾਂ 'ਤੇ ਨਾਬਾਦ 31 ਦੌੜਾਂ ਬਣਾਈਆਂ। ਦੂਜੇ ਪਾਸੇ ਆਇਰਲੈਂਡ ਦੇ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਜੋਸ਼ੁਆ ਲਿਟਲ ਨੇ ਇੱਥੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਗੇਂਦਬਾਜ਼ ਨੇ ਆਪਣੀ ਪਾਰੀ ਦੇ ਚੌਥੇ ਅਤੇ 19ਵੇਂ ਓਵਰ ਵਿੱਚ ਟੂਰਨਾਮੈਂਟ ਦੀ ਦੂਜੀ ਹੈਟ੍ਰਿਕ ਲਈ। ਉਸ ਨੇ 19ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਵਿਲੀਅਮਸਨ (61), ਤੀਜੀ ਗੇਂਦ 'ਤੇ ਜਿੰਮੀ ਨੀਸ਼ਮ (0) ਅਤੇ ਚੌਥੀ ਗੇਂਦ 'ਤੇ ਮਿਸ਼ੇਲ ਸੈਂਟਨਰ (0) ਦੀਆਂ ਵਿਕਟਾਂ ਲਈਆਂ। ਉਸ ਦੀ ਹੈਟ੍ਰਿਕ ਦੇ ਬਾਵਜੂਦ, ਨਿਊਜ਼ੀਲੈਂਡ ਨੇ ਇੱਕ ਮਜ਼ਬੂਤ ਸਕੋਰ ਬਣਾਇਆ ਜਿਸ ਨੇ ਅੰਤ ਵਿੱਚ ਆਇਰਲੈਂਡ ਨੂੰ ਪਛਾੜ ਦਿੱਤਾ।
Trending
ਆਇਰਲੈਂਡ ਦੀ ਪਾਰੀ ਵਿੱਚ ਸਲਾਮੀ ਬੱਲੇਬਾਜ਼ ਪਾਲ ਸਟਰਲਿੰਗ ਨੇ 37 ਅਤੇ ਕਪਤਾਨ ਐਂਡੀ ਬਲਬਰਨੀ ਨੇ 25 ਗੇਂਦਾਂ ਵਿੱਚ ਤਿੰਨ ਛੱਕਿਆਂ ਦੀ ਮਦਦ ਨਾਲ 30 ਦੌੜਾਂ ਬਣਾਈਆਂ। ਜਾਰਜ ਡੌਕਰੇਲ ਨੇ 15 ਗੇਂਦਾਂ ਵਿੱਚ 23 ਦੌੜਾਂ ਦਾ ਯੋਗਦਾਨ ਪਾਇਆ। ਨਿਊਜ਼ੀਲੈਂਡ ਲਈ ਫਰਗੂਸਨ ਦੇ ਤਿੰਨ ਵਿਕਟਾਂ ਤੋਂ ਇਲਾਵਾ ਟਿਮ ਸਾਊਥੀ, ਮਿਸ਼ੇਲ ਸੈਂਟਨਰ ਅਤੇ ਈਸ਼ ਸੋਢੀ ਨੇ ਦੋ-ਦੋ ਵਿਕਟਾਂ ਲਈਆਂ।
ਪਲੇਅਰ ਆਫ ਦਿ ਮੈਚ ਚੁਣੇ ਗਏ ਵਿਲੀਅਮਸਨ ਨੇ ਮੈਚ ਤੋਂ ਬਾਅਦ ਕਿਹਾ, "ਸ਼ੁਰੂਆਤ ਵਿੱਚ ਪਿੱਚ ਹੌਲੀ ਸੀ ਪਰ ਅਸੀਂ ਚੰਗੀ ਸ਼ੁਰੂਆਤ ਕੀਤੀ। ਮੇਰੀ ਸਿਰਫ ਕੋਸ਼ਿਸ਼ ਬੱਲੇਬਾਜ਼ੀ ਕਰਦੇ ਹੋਏ ਸਾਂਝੇਦਾਰੀ ਬਣਾਉਣ ਦੀ ਸੀ। ਸਪਿਨਰਾਂ ਨੇ ਗੇਂਦਬਾਜ਼ੀ ਵਿੱਚ ਵੀ ਵਧੀਆ ਪ੍ਰਦਰਸ਼ਨ ਕੀਤਾ। ਕੁੱਲ ਮਿਲਾ ਕੇ ਇਹ ਇੱਕ ਟੀਮ ਦੀ ਜਿੱਤ ਹੈ।"
