IPL ਵਿਚ ਯੁਵਾ ਖਿਡਾਰੀਆਂ ਨੂੰ ਵਧੀਆ ਪ੍ਰਦਰਸ਼ਨ ਕਰਦਿਆਂ ਵੇਖ ਕੇ ਚੰਗਾ ਲੱਗਿਆ- ਅਨਿਲ ਕੁੰਬਲੇ

IPL ਵਿਚ ਯੁਵਾ ਖਿਡਾਰੀਆਂ ਨੂੰ ਵਧੀਆ ਪ੍ਰਦਰਸ਼ਨ ਕਰਦਿਆਂ ਵੇਖ ਕੇ ਚੰਗਾ ਲੱਗਿਆ- ਅਨਿਲ ਕੁੰਬਲੇ Images (Image - Cricketnmore)

ਆਪਣੇ ਆਈਪੀਐਲ ਦੇ ਪਹਿਲੇ ਮੁਕਾਬਲੇ ਵਿਚ ਬੇਸ਼ਕ ਕਿੰਗਜ਼ ਇਲੈਵਨ ਪੰਜਾਬ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਪਰ ਇਸਦੇ ਬਾਵਜੂਦ ਟੀਮ ਦੇ ਮੁੱਖ ਕੋਚ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਵਿੱਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਯੁਵਾ ਖਿਡਾਰੀਆਂ ਦੀ ਪ੍ਰਸ਼ੰਸਾ ਕਰ ਰਹੇ ਹਨ.

Cricketnmore.com  ਨੂੰ ਦਿੱਤੇ ਇਕ ਖਾਸ  ਇੰਟਰਵਿਉ ਵਿਚ ਗੱਲ ਕਰਦਿਆਂ ਸਾਬਕਾ ਭਾਰਤੀ ਸਪਿਨਰ ਨੇ ਆਈਪੀਐਲ ਦੇ ਦੋ ਨਵੇਂ ਖਿਡਾਰੀਆਂ ਸ਼ੈਲਡਨ ਕੋਟਰੇਲ ਅਤੇ ਰਵੀ ਬਿਸ਼ਨੋਈ ਦੇ ਦਿੱਲੀ ਕੈਪਿਟਲਸ ਵਿਰੁੱਧ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਉਹਨਾਂ ਦੀ ਤਾਰੀਫ਼ ਕੀਤੀ ਹੈ.

ਪੰਜਾਬ ਦੇ ਹੈਡ ਕੋਚ ਨੇ ਕਿਹਾ, ”ਬਿਸ਼ਨੋਈ ਨੇ ਪਹਿਲੇ ਮੈਚ ਦੇ ਦੌਰਾਨ ਇਹ ਕਦੇ ਨਹੀਂ ਦਿਖਾਇਆ ਕਿ ਉਹ 19 ਸਾਲਾਂ ਦਾ ਹੈ.” 

ਅਨਿਲ ਕੁੰਬਲੇ ਨੇ ਦੇਵਦੱਤ ਪੱਡਿਕਲ ਦੀ ਵੀ ਪ੍ਰਸ਼ੰਸਾ ਕੀਤੀ, ਜਿਹਨਾਂ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਲਈ ਡੈਬਯੂ ਕੀਤਾ ਸੀ.

ਕੁੰਬਲੇ ਨੇ ਕਿਹਾ, “ਪੱਡਿਕਲ ਨੇ ਪਿਛਲੇ ਮੈਚ ਵਿੱਚ ਉਨ੍ਹਾਂ (ਆਰਸੀਬੀ) ਲਈ ਸਚਮੁੱਚ ਵਧੀਆ ਬੱਲੇਬਾਜ਼ੀ ਕੀਤੀ, ਆਈਪੀਐਲ ਵਿੱਚ ਯੁਵਾ ਖਿਡਾਰੀਆਂ ਨੂੰ ਵਧੀਆ ਪ੍ਰਦਰਸ਼ਨ ਕਰਦਿਆਂ ਵੇਖ ਕੇ ਚੰਗਾ ਲੱਗਿਆ.”

ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਖਿਲਾਫ ਹੋਣ ਵਾਲੇ ਮੈਚ ਬਾਰੇ ਗੱਲ ਕਰਦਿਆਂ ਕੁੰਬਲੇ ਨੇ ਕਿਹਾ ਕਿ ਉਨ੍ਹਾਂ ਨੇ ਆਖਰੀ ਮੈਚ ਤੋਂ ਬਾਅਦ ਲੋੜੀਂਦੇ ਸੁਧਾਰ ਕੀਤੇ ਹਨ.

ਭਾਰਤ ਦੇ ਸਾਬਕਾ ਕਪਤਾਨ ਨੇ ਕਿਹਾ, ”ਅਸੀਂ ਦਿੱਲੀ ਦੇ ਖਿਲਾਫ ਮੈਚ ਤੋਂ ਬਾਅਦ ਬਹੁਤ ਸਕਾਰਾਤਮਕ ਹਾਂ ਅਤੇ ਅਸੀਂ ਜਾਣਦੇ ਹਾਂ ਕਿ ਸਾਨੂੰ ਕੀ ਕਰਨ ਦੀ ਜ਼ਰੂਰਤ ਹੈ ਅਤੇ ਸਾਨੂੰ ਕਿਹੜੇ ਸੁਧਾਰ ਕਰਨ ਦੀ ਜ਼ਰੂਰਤ ਹੈ."

ਕਿੰਗਜ਼ ਇਲੈਵਨ ਪੰਜਾਬ ਦਾ ਅਗਲੇ ਮੈਚ 24 ਸਤੰਬਰ 2020 ਨੂੰ ਰਾਇਲ ਚੈਲੇਂਜਰਜ਼ ਬੰਗਲੌਰ ਨਾਲ ਹੋਵੇਗਾ. ਮੈਚ ਦੁਬਈ ਦੇ ਅੰਤਰਰਾਸ਼ਟਰੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ.

ਕਿੰਗਜ਼ ਇਲੈਵਨ ਪੰਜਾਬ ਦੇ ਹੈਡ ਕੋਚ ਅਨਿਲ ਕੁੰਬਲੇ ਦਾ ਸਪੈਸ਼ਲ ਇੰਟਰਵਿਉ ਦੇਖਣ ਲਈ ਹੇਠਾਂ ਦਿੱਤੇ ਲਿੰਕ ਤੇ ਕਲਿਕ ਕਰੋ.