ਕਿੰਗਜ਼ ਇਲੈਵਨ ਪੰਜਾਬ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਸਤੀਸ਼ ਮੈਨਨ ਨੇ ਸੋਮਵਾਰ ਨੂੰ ਕਿਹਾ ਕਿ ਇਸ ਬਾਰੇ ਕੋਈ ਸਪੱਸ਼ਟਤਾ ਨਹੀਂ ਹੈ ਕਿ ਕੀ ਆਈਪੀਐਲ ਦੇ ਆਗਾਮੀ ਸੀਜ਼ਨ ਲਈ ਗ੍ਰੇਟ ਬ੍ਰਿਟੇਨ ਤੋਂ ਇਕ ਬਾਇਓ ਸਿਕਿਓਰ ਬੱਬਲ ਤੋਂ ਦੂਜੇ ਬੱਬਲ ਵਿਚ ਖਿਡਾਰੀਆਂ ਨੂੰ ਲਿਆਉਣਾ ਸੰਭਵ ਹੋਵੇਗਾ ਜਾਂ ਨਹੀਂ।
ਇੰਗਲੈਂਡ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਇਸ ਸਮੇਂ ਇੰਗਲੈਂਡ ਵਿਚ ਵਨਡੇ ਸੀਰੀਜ਼ ਖੇਡ ਰਹੀਆਂ ਹਨ। ਅਜਿਹੀਆਂ ਖਬਰਾਂ ਆਈਆਂ ਸਨ ਕਿ ਇਨ੍ਹਾਂ ਦੋਵਾਂ ਟੀਮਾਂ ਦੇ ਖਿਡਾਰੀਆਂ ਨੂੰ ਯੂਏਈ ਦੇ ਨਿਯਮਾਂ ਅਨੁਸਾਰ ਕਵਾਰੰਟੀਨ ਰਹਿਣਾ ਪਏਗਾ ਪਰ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸੀਈਓ ਵੈਂਕੀ ਮੈਸੂਰ ਨੇ ਇਸ ਗੱਲ ਤੋਂ ਉਲਟ ਬਿਆਨ ਦਿੱਤਾ। ਉਹਨਾਂ ਨੇ ਕਿਹਾ ਸੀ ਕਿ ਉਹਨਾਂ ਦੀ ਟੀਮ ਵਿਚ ਸ਼ਾਮਲ ਇਨ੍ਹਾਂ ਦੇਸ਼ਾਂ ਦੇ ਖਿਡਾਰੀ ਟੀਮ ਦੇ ਪਹਿਲੇ ਮੈਚ ਲਈ ਉਪਲੱਬਧ ਹੋਣਗੇ।
ਮੈਸੂਰ ਨੇ ਕਿਹਾ ਸੀ ਕਿ ਖਿਡਾਰੀਆਂ ਨੂੰ ਕੁਆਰੰਟੀਨ ਵਿਚ ਰਹਿਣ ਦੀ ਜ਼ਰੂਰਤ ਨਹੀਂ ਹੋਵੇਗੀ ਕਿਉਂਕਿ ਖਿਡਾਰੀ ਇਕ ਬੱਬਲ ਤੋਂ ਦੂਜੇ ਬੱਬਲ ਵਿਚ ਆ ਰਹੇ ਹਨ. ਪਰ ਮੈਨਨ ਇਸ ਨੂੰ ਲੈਕੇ ਆਸ਼ਵਸਤ ਨਹੀਂ ਹਨ.
