ENG vs PAK: ਮੁਹੰਮਦ ਹਫੀਜ਼ ਦੀ ਵਿਸਫੋਟਕ ਪਾਰੀ ਨਾਲ ਪਾਕਿਸਤਾਨ ਨੇ ਤੀਸਰੇ ਟੀ -20 ਵਿੱਚ ਇੰਗਲੈਂਡ ਨੂੰ ਹਰਾਇਆ, ਸੀਰੀਜ਼ ਕੀਤੀ ਬਰਾਬਰ

ENG vs PAK: ਮੁਹੰਮਦ ਹਫੀਜ਼ ਦੀ ਵਿਸਫੋਟਕ ਪਾਰੀ ਨਾਲ ਪਾਕਿਸਤਾਨ ਨੇ ਤੀਸਰੇ ਟੀ -20 ਵਿੱਚ ਇੰਗਲੈਂਡ ਨੂੰ ਹਰਾਇਆ, ਸੀਰੀਜ਼ (Twitter)

ਮੁਹੰਮਦ ਹਫੀਜ਼ ਦੀ ਸ਼ਾਨਦਾਰ ਪਾਰੀ ਅਤੇ ਵਹਾਬ ਰਿਆਜ਼ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਕਾਰਣ ਮੈਨਚੇਸਟਰ ਦੇ ਓਲਡ ਟ੍ਰੈਫੋਰਡ ਸਟੇਡੀਅਮ' ਚ ਖੇਡੇ ਗਏ ਤੀਜੇ ਅਤੇ ਅੰਤਮ ਟੀ 20 ਅੰਤਰਰਾਸ਼ਟਰੀ ਮੈਚ 'ਚ ਪਾਕਿਸਤਾਨ ਨੇ ਇੰਗਲੈਂਡ ਨੂੰ 5 ਦੌੜਾਂ ਨਾਲ ਹਰਾ ਦਿੱਤਾ। ਇਸ ਜਿੱਤ ਦੀ ਬਦੌਲਤ ਪਾਕਿਸਤਾਨ ਨੇ ਤਿੰਨ ਮੈਚਾਂ ਦੀ ਲੜੀ 1-1 ਨਾਲ ਬਰਾਬਰ ਕਰ ਲਈ। ਹਫੀਜ਼ ਨੂੰ ਉਸ ਦੀ ਮੈਚ ਜਿਤਾਉ ਪਾਰੀ ਅਤੇ ਸੀਰੀਜ਼ ਵਿਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਲਈ ਮੈਨ ਆਫ ਦਿ ਮੈਚ ਅਤੇ ਮੈਨ ਆਫ ਦਿ ਸੀਰੀਜ਼ ਚੁਣਿਆ ਗਿਆ।

ਪਾਕਿਸਤਾਨ ਦੇ 190 ਦੌੜਾਂ ਦੇ ਜਵਾਬ ਵਿਚ ਇੰਗਲੈਂਡ ਦੀ ਟੀਮ 20 ਓਵਰਾਂ ਵਿਚ 8 ਵਿਕਟਾਂ ਦੇ ਨੁਕਸਾਨ ‘ਤੇ ਸਿਰਫ 185 ਦੌੜਾਂ ਹੀ ਬਣਾ ਸਕੀ।

ਟਾੱਸ ਹਾਰਨ ਤੋਂ ਬਾਅਦ ਪਾਕਿਸਤਾਨ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਨ ਲੱਗੀ ਅਤੇ ਫਖਰ ਜ਼ਮਾਨ (1) ਅਤੇ ਕਪਤਾਨ ਬਾਬਰ ਆਜ਼ਮ (21) ਦੀ ਸ਼ੁਰੂਆਤੀ ਜੋੜੀ ਕੁੱਲ 32 ਦੌੜਾਂ 'ਤੇ ਪਵੇਲੀਅਨ ਪਰਤ ਗਈ। ਇਸ ਤੋਂ ਬਾਅਦ ਡੈਬਯੂ ਮੈਚ ਖੇਡ ਰਹੇ 19 ਸਾਲਾ ਹੈਦਰ ਅਲੀ ਅਤੇ ਮੁਹੰਮਦ ਹਫੀਜ਼ ਨੇ ਪਾਰੀ ਨੂੰ ਸੰਭਾਲਿਆ ਅਤੇ ਤੀਜੇ ਵਿਕਟ ਲਈ 100 ਦੌੜਾਂ ਜੋੜੀਆਂ।

ਹੈਦਰ ਨੇ 33 ਗੇਂਦਾਂ ਵਿੱਚ 5 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ 54 ਦੌੜਾਂ ਬਣਾਈਆਂ। ਅਲੀ ਦੇ ਪਵੇਲੀਅਨ ਜਾਣ ਤੋਂ ਬਾਅਦ, ਹਫੀਜ਼ ਨੇ ਆਪਣੀਆਂ ਦੌੜਾਂ ਦੀ ਰਫਤਾਰ ਕਾਇਮ ਰੱਖੀ ਅਤੇ ਲੜੀ ਦਾ ਆਪਣਾ ਦੂਜਾ ਅਰਧ ਸੈਂਕੜਾ ਬਣਾਇਆ। ਹਫੀਜ਼ ਨੇ 52 ਗੇਂਦਾਂ 'ਤੇ 4 ਚੌਕਿਆਂ ਅਤੇ 6 ਛੱਕਿਆਂ ਦੀ ਮਦਦ ਨਾਲ ਅਜੇਤੂ 86 ਦੌੜਾਂ ਬਣਾਈਆਂ। ਜਿਸ ਕਾਰਨ ਪਾਕਿਸਤਾਨ ਨੇ 20 ਓਵਰਾਂ ਵਿਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 190 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ।

ਇੰਗਲੈਂਡ ਲਈ ਕ੍ਰਿਸ ਜੌਰਡਨ ਨੇ 2 ਅਤੇ ਟੋਮ ਕੁਰੇਨ, ਮੋਇਨ ਅਲੀ ਨੇ 1-1 ਵਿਕਟ ਲਏ।

ਟੀਚੇ ਦਾ ਪਿੱਛਾ ਕਰਦਿਆਂ ਮੇਜ਼ਬਾਨ ਇੰਗਲੈਂਡ ਨੂੰ ਪਹਿਲੇ ਓਵਰ ਦੀ ਚੌਥੀ ਗੇਂਦ 'ਤੇ ਜੋਨੀ ਬੇਅਰਸਟੋ (0) ਦੇ ਰੂਪ ਵਿਚ ਪਹਿਲਾ ਝਟਕਾ ਲੱਗਾ। ਇਸ ਤੋਂ ਬਾਅਦ ਡੇਵਿਡ ਮਲਾਨ (7) ਵੀ ਸਸਤੇ ਵਿੱਚ ਆਉਟ ਹੋ ਗਏ। ਫਿਰ ਸ਼ੁਰੂਆਤੀ ਬੱਲੇਬਾਜ਼ ਟੌਮ ਬੈਨਟਨ ਨੇ ਇਨ-ਫਾਰਮ ਕਪਤਾਨ ਈਯਨ ਮੋਰਗਨ ਨਾਲ ਮਿਲ ਕੇ ਤੀਜੇ ਵਿਕਟ ਲਈ 39 ਦੌੜਾਂ ਜੋੜੀਆਂ. ਪਾਰੀ ਦੇ ਸੱਤਵੇਂ ਓਵਰ ਵਿੱਚ ਈਯਨ ਮੋਰਗਨ ਨੂੰ ਪਾਕਿਸਤਾਨੀ ਕਪਤਾਨ ਬਾਬਰ ਆਜ਼ਮ ਨੇ ਦੌੜ ਚੋਰੀ ਕਰਨ ਦੌਰਾਨ ਰਨ-ਆਉਟ ਕਰ ਦਿੱਤਾ। ਇਸ ਤੋਂ ਬਾਅਦ ਇੰਗਲੈਂਡ ਦੀ ਪਾਰੀ ਵਿਗੜ ਗਈ ਪਰ ਮੋਇਨ ਅਲੀ ਨੇ 33 ਗੇਂਦਾਂ ਵਿਚ 4 ਚੌਕਿਆਂ ਅਤੇ 4 ਛੱਕਿਆਂ ਦੀ ਮਦਦ ਨਾਲ 61 ਗੇਂਦਾਂ ਦੀ ਪਾਰੀ ਖੇਡੀ ਅਤੇ ਟੀਮ ਨੂੰ ਜਿਤਾਉਣ ਦੀ ਉਮੀਦ ਜਿੰਦਾ ਰੱਖੀ। ਪਰ 19 ਵੇਂ ਓਵਰ ਵਿਚ ਵਹਾਬ ਰਿਆਜ਼ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਕਾਰਨ, ਉਹ ਆਪਣੀ ਟੀਮ ਨੂੰ ਜਿੱਤ ਨਹੀਂ ਦਿਲਵਾ ਸਕੇ.

ਪਾਕਿਸਤਾਨ ਲਈ ਵਹਾਬ ਰਿਆਜ਼ (2/26) ਅਤੇ ਸ਼ਾਹੀਨ ਅਫਰੀਦੀ (2/28) ਨੇ 2-2 ਵਿਕਟਾਂ ਹਾਸਲ ਕੀਤੀਆਂ, ਜਦੋਂਕਿ ਇਮਾਦ ਵਸੀਮ ਅਤੇ ਹੈਰਿਸ ਰਾਉਫ ਨੇ 1-1 ਵਿਕਟ ਲਏ।