IPL 2020 : KKR ਦੇ ਖਿਲਾਫ ਮੈਚ ਤੋਂ ਬਾਅਦ ਅਰਸ਼ਦੀਪ ਸਿੰਘ ਦੀ ਹੋ ਰਹੀ ਹੈ ਤਾਰੀਫ, ਅਸ਼ਵਿਨ ਅਤੇ ਪਠਾਨ ਸਮੇਤ ਕਈ ਮਹਾਨ ਖਿਡਾਰੀਆਂ ਨੇ ਕੀਤੀ ਪ੍ਰਸ਼ੰਸਾ

r ashwin and irfan pathan praises kings xi punjab bowler arshdeep singh (Image - Google Search)

ਕੋਲਕਾਤਾ ਨਾਈਟ ਰਾਈਡਰਜ ਦੇ ਖਿਲਾਫ ਬੇਸ਼ਕ ਕਿੰਗਜ ਇਲੈਵਨ ਪੰਜਾਬ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਪਰ ਇਸ ਮੈਚ ਵਿਚ ਪੰਜਾਬ ਦੇ ਗੇਂਦਬਾਜਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਕਪਤਾਨ ਕੇ ਐਲ ਰਾਹੁਲ ਦੀ ਪਰੇਸ਼ਾਨੀਆਂ ਨੂੰ ਕੁਝ ਹੱਦ ਤੱਕ ਘੱਟ ਜਰੂਰ ਕੀਤਾ. ਇਸ ਮੈਚ ਵਿਚ ਯੁਵਾ ਤੇਜ ਗੇਂਦਬਾਜ ਅਰਸ਼ਦੀਪ ਸਿੰਘ ਨੇ ਬਹੁਤ ਵਧੀਆ ਗੇਂਦਬਾਜੀ ਕੀਤੀ ਅਤੇ ਅੰਤਿਮ ਓਵਰਾਂ ਵਿਚ ਸ਼ਾਨਦਾਰ ਯੌਰਕਰਸ ਅਤੇ ਸਲੋਅਰ ਵਨ ਸੁੱਟ ਕੇ ਕੇਕੇਆਰ ਦੇ ਬੱਲੇਬਾਜਾਂ ਨੂੰ ਬਹੁਤ ਤੰਗ ਕੀਤਾ. ਆਪਣੇ 4 ਓਵਰਾਂ ਵਿਚ ਅਰਸ਼ਦੀਪ ਨੇ 25 ਦੌੜਾਂ ਦੇ ਕੇ ਆਂਦਰੇ ਰਸਲ ਦਾ ਵੱਡਾ ਵਿਕਟ ਵੀ ਹਾਸਲ ਕੀਤਾ. 

ਉਹਨਾਂ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੇ ਬਾਅਦ ਕਈ ਦਿੱਗਜ ਖਿਡਾਰੀ ਉਹਨਾਂ ਦੀ ਤਾਰੀਫ ਕਰ ਰਹੇ ਹਨ. ਇਸੇ ਕੜੀ ਵਿਚ ਦਿੱਲੀ ਕੈਪਿਟਲਸ ਵੱਲੋਂ ਖੇਡ ਰਹੇ ਆੱਫ ਸਪਿਨਰ ਆਰ ਅਸ਼ਵਿਨ ਵੀ ਸ਼ਾਮਲ ਹਨ. ਅਸ਼ਵਿਨ ਨੇ ਅਰਸ਼ਦੀਪ ਸਿੰਘ ਦੀ ਸ਼ਾਨਦਾਰ ਗੇਂਦਬਾਜੀ ਤੋਂ ਬਾਅਦ ਆਪਣੇ ਟ੍ਵਿਟਰ ਅਕਾਉਂਟ ਤੋਂ ਟ੍ਵੀਟ ਕਰਕੇ ਉਹਨਾਂ ਦੀ ਤਾਰੀਫ ਕੀਤੀ. 

ਅਰਸ਼ਦੀਪ ਨੇ ਇਸ ਮੁਕਾਬਲੇ ਤੋਂ ਪਹਿਲਾਂ ਸਨਰਾਈਜਰਸ ਹੈਦਰਾਬਾਦ ਦੇ ਖਿਲਾਫ ਵੀ 2 ਵਿਕਟਾਂ ਹਾਸਲ ਕੀਤੀਆਂ ਸੀ. ਉਹਨਾਂ ਦੇ ਇਸ ਪ੍ਰਦਰਸ਼ਨ ਤੋਂ ਬਾਅਦ ਆਰ ਅਸ਼ਵਿਨ, ਇਰਫਾਨ ਪਠਾਨ ਅਤੇ ਹਰਸ਼ਾ ਭੋਗਲੇ ਵਰਗੇ ਕਈ ਦਿੱਗਜ ਖਿਡਾਰੀ ਤੇ ਕਮੈਂਟੇਟਰ ਉਹਨਾਂ ਦੀ ਪ੍ਰਸ਼ੰਸਾ ਕਰ ਰਹੇ ਹਨ.

 

Arshdeep Singh #KKRvKXIP #IPL2020

— Ashwin (@ashwinravi99) October 10, 2020

 

That’s a huuuuuuuuge wicket of #Russell from young #Arshdeepsingh this should give his confidence a solid boost

— Irfan Pathan (@IrfanPathan) October 10, 2020

 

Very encouraging displays from two young men. Ravi Bishnoi continues to impress and Arshdeep Singh held his nerve so well. Was a very difficult time to bowl.

— Harsha Bhogle (@bhogleharsha) October 10, 2020

ਪੰਜਾਬ ਲਈ ਮੁਹੰਮਦ ਸ਼ਮੀ ਨਾਲ ਅਰਸ਼ਦੀਪ ਸਿੰਘ ਨੇ ਨਵੀਂ ਗੇਂਦ ਨਾਲ ਕੇਕੇਆਰ ਖਿਲਾਫ ਗੇਂਦਬਾਜੀ ਦੀ ਕਮਾਨ ਸੰਭਾਲੀ ਸੀ. ਇਸ ਦੌਰਾਨ ਅਰਸ਼ਦੀਪ ਨੇ ਆਪਣੇ ਪਹਿਲੇ ਓਵਰ ਵਿਚ ਰਾਹੁਲ ਤ੍ਰਿਪਾਠੀ ਨੂੰ ਬਹੁਤ ਪਰੇਸ਼ਾਨ ਕੀਤੀ. ਇਸ ਓਵਰ ਵਿਚ ਉਹਨਾਂ ਨੇ ਤ੍ਰਿਪਾਠੀ ਦੇ ਬੱਲੇ ਤੇ ਗੇਂਦ ਤੱਕ ਨਹੀਂ ਲੱਗਣ ਦਿੱਤੀ. ਉਹਨਾਂ ਨੇ ਆਪਣਾ ਪਹਿਲਾ ਓਵਰ ਮੇਡਨ ਸੁੱਟਿਆ ਸੀ. ਇਸ ਖੱਬੇ ਹੱਥ ਦੇ ਗੇਂਦਬਾਜ਼ ਨੇ ਫਿਰ ਆਪਣੇ ਦੂਜੇ ਓਵਰ ਵਿਚ ਸਿਰਫ 2 ਦੌੜਾਂ ਦਿੱਤੀਆਂ ਸੀ.