IPL 2020: ਰਾਇਲ ਚੈਲੇਂਜਰਜ਼ ਬੈਂਗਲੌਰ ਨੇ ਕੀਤਾ ਐਲਾਨ, ਜਰਸੀ 'ਤੇ ਲਿਖਾਇਆ ਜਾਏਗਾ ਕੋਰੋਨਾ ਵਾਰੀਅਰਜ਼ ਲਈ ਸੰਦੇਸ਼

IPL 2020: ਰਾਇਲ ਚੈਲੇਂਜਰਜ਼ ਬੈਂਗਲੌਰ ਨੇ ਕੀਤਾ ਐਲਾਨ, ਜਰਸੀ 'ਤੇ ਲਿਖਾਇਆ ਜਾਏਗਾ ਕੋਰੋਨਾ ਵਾਰੀਅਰਜ਼ ਲਈ ਸੰਦੇਸ਼ Image (Google Search)

ਆਗਾਮੀ ਆਈਪੀਐਲ-13 ਵਿਚ ਰਾਇਲ ਚੈਲੇਂਜਰਜ਼ ਬੈਂਗਲੌਰ ਨੇ ਕੋਰੋਨਾ ਵਾਰੀਅਰਜ਼ ਨੂੰ ਇਕ ਅਲਗ ਅੰਦਾਜ਼ ਵਿਚ ਸ਼ਰਧਾਂਜਲੀ ਦੇਣ ਦਾ ਫੈਸਲਾ ਕੀਤਾ ਹੈ. ਇਸਦੇ ਲਈ ਆਰਸੀਬੀ ਆਈਪੀਐਲ ਦੇ ਆਉਣ ਵਾਲੇ ਸੀਜ਼ਨ ਵਿੱਚ ਆਪਣੀ ਜਰਸੀ ਉੱਤੇ ਉਨ੍ਹਾਂ ਲਈ ਸੰਦੇਸ਼ ਲਿਖਵਾਣਗੇ। ਫਰੈਂਚਾਇਜ਼ੀ ਨੇ ਵੀਰਵਾਰ ਨੂੰ ਇਕ ਬਿਆਨ ਜਾਰੀ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ।

ਫ੍ਰੈਂਚਾਇਜ਼ੀ ਨੇ ਇੱਕ ਬਿਆਨ ਵਿੱਚ ਕਿਹਾ, "ਇਨ੍ਹਾਂ ਅਸਲੀ ਯੋਧਿਆਂ ਦੇ ਯਤਨਾਂ ਅਤੇ ਕੁਰਬਾਨੀਆਂ ਦਾ ਸਨਮਾਨ ਕੀਤਾ ਜਾਵੇਗਾ ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੌਰ ‘ਮਾਈ ਕੋਰੋਨਾ ਹੀਰੋਜ਼’ ਦੇ ਸੰਦੇਸ਼ ਦੇ ਨਾਲ ਜਰਸੀ ਪਹਿਨਣਗੇ, ਇਹ ਟ੍ਰੇਨਿੰਗ ਵਿੱਚ ਅਤੇ ਪੂਰੇ ਟੂਰਨਾਮੈਂਟ ਦੌਰਾਨ ਰਹੇਗਾ।”

ਫਰੈਂਚਾਇਜ਼ੀ ਨੇ ਕਿਹਾ ਕਿ ਖਿਡਾਰੀ ਸਾਰੇ ਕੋਰੋਨਾ ਹੀਰੋਜ਼ ਨੂੰ ਸ਼ਰਧਾਂਜਲੀ ਦੇਣਗੇ ਅਤੇ ਉਨ੍ਹਾਂ ਦੀ ਪ੍ਰੇਰਣਾਦਾਇਕ ਕਹਾਣੀ ਨੂੰ ਆਪਣੇ ਸੋਸ਼ਲ ਮੀਡੀਆ ਹੈਂਡਲਜ਼ 'ਤੇ ਸਾਂਝਾ ਕਰਨਗੇ.

ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ, "ਮੈਨੂੰ ਬੈਂਗਲੌਰ ਦੀ ਮਾਈ ਕੋਰੋਨਾ ਹੀਰੋਜ਼ ਦੀ ਜਰਸੀ ਪਾ ਕੇ ਮਾਣ ਮਹਿਸੂਸ ਹੋ ਰਿਹਾ ਹੈ। ਉਨ੍ਹਾਂ ਨੇ ਦਿਨ ਰਾਤ ਲੜਾਈ ਲੜੀ ਹੈ ਅਤੇ ਮੈਨੂੰ ਉਨ੍ਹਾਂ ਨੂੰ ਆਪਣੇ ਹੀਰੋ ਕਹਿਣ 'ਤੇ ਮਾਣ ਮਹਿਸੂਸ ਹੋਇਆ ਹੈ।"

ਆਈਪੀਐਲ 29 ਮਾਰਚ ਤੋਂ ਭਾਰਤ ਵਿਚ ਆਯੋਜਿਤ ਕੀਤਾ ਜਾਣਾ ਸੀ, ਪਰ ਕੋਰੋਨਾਵਾਇਰਸ ਕਾਰਨ ਇਸਨੂੰ ਮੁਲਤਵੀ ਕਰਨਾ ਪਿਆ। ਬਾਅਦ ਵਿਚ ਇਸ ਨੂੰ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿਚ 19 ਸਤੰਬਰ ਤੋਂ 10 ਨਵੰਬਰ ਦੇ ਵਿਚਕਾਰ ਕਰਾਉਣ ਦਾ ਫੈਸਲਾ ਕੀਤਾ ਗਿਆ.