IPL 2022: RCB ਨੇ ਕੀਤਾ ਵੱਡਾ ਐਲਾਨ, ਬੈਂਗਲੁਰੂ ਨੂੰ ਮਿਲਿਆ ਨਵਾਂ ਕਪਤਾਨ
IPL 2022 26 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ ਪਰ ਇਸ ਤੋਂ ਪਹਿਲਾਂ ਪ੍ਰਸ਼ੰਸਕ ਜਿਸ ਸਵਾਲ ਦਾ ਜਵਾਬ ਜਾਨਣਾ ਚਾਹੁੰਦੇ ਸਨ, ਉਸ ਦਾ ਜਵਾਬ ਮਿਲ ਗਿਆ ਹੈ। ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਆਉਣ ਵਾਲੇ ਸੀਜ਼ਨ ਲਈ ਆਪਣੇ ਕਪਤਾਨ ਦਾ ਐਲਾਨ
ਸ਼ਨੀਵਾਰ, 12 ਮਾਰਚ ਨੂੰ ਬੈਂਗਲੁਰੂ ਵਿੱਚ 'ਆਰਸੀਬੀ ਅਨਬਾਕਸ' ਨਾਮ ਦੇ ਇੱਕ ਸਮਾਗਮ ਵਿੱਚ ਫਾਫ ਨੂੰ ਕਪਤਾਨੀ ਦੇਣ ਦਾ ਐਲਾਨ ਕੀਤਾ ਗਿਆ। ਡੂ ਪਲੇਸਿਸ, ਜੋ ਪਿਛਲੇ ਸਾਲ ਤੱਕ ਚੇਨਈ ਸੁਪਰ ਕਿੰਗਜ਼ ਦਾ ਹਿੱਸਾ ਸੀ, ਨੂੰ ਪਿਛਲੇ ਮਹੀਨੇ ਮੇਗਾ ਨਿਲਾਮੀ ਵਿੱਚ ਰਾਇਲ ਚੈਲੇਂਜਰਜ਼ ਨੇ 7 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ।
Trending
ਵਿਰਾਟ ਕੋਹਲੀ ਨੇ ਪਿਛਲੇ ਸੀਜ਼ਨ ਦੇ ਦੂਜੇ ਅੱਧ ਵਿੱਚ ਆਰਸੀਬੀ ਦੀ ਕਪਤਾਨੀ ਛੱਡ ਦਿੱਤੀ ਸੀ। ਕੋਹਲੀ 2011 ਤੋਂ ਟੀਮ ਦੀ ਅਗਵਾਈ ਕਰ ਰਹੇ ਸਨ ਅਤੇ ਉਨ੍ਹਾਂ ਦੀ ਕਪਤਾਨੀ ਵਿੱਚ ਟੀਮ ਦਾ ਸਰਵੋਤਮ ਪ੍ਰਦਰਸ਼ਨ ਸਾਲ 2016 ਵਿੱਚ ਆਇਆ ਸੀ ਜਿਸ ਵਿੱਚ ਉਹਨਾਂ ਦੀ ਟੀਮ ਉਪ ਜੇਤੂ ਰਹੀ ਸੀ। ਅਜਿਹੇ 'ਚ ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਡੂ ਪਲੇਸਿਸ ਆਰਸੀਬੀ ਨੂੰ ਆਪਣਾ ਪਹਿਲਾ ਖਿਤਾਬ ਦਿਵਾ ਸਕਦੇ ਹਨ ਜਾਂ ਨਹੀਂ।
ਡੂ ਪਲੇਸਿਸ ਦੀ ਕਪਤਾਨੀ ਹੇਠ, ਆਰਸੀਬੀ ਆਈਪੀਐਲ 2022 ਵਿੱਚ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਨਵੀਂ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ਵਿੱਚ 27 ਮਾਰਚ ਨੂੰ ਪੰਜਾਬ ਕਿੰਗਜ਼ ਵਿਰੁੱਧ ਕਰੇਗੀ। ਵਿਰਾਟ ਕੋਹਲੀ ਇੱਕ ਵਾਰ ਫਿਰ IPL ਵਿੱਚ ਇੱਕ ਕਪਤਾਨ ਦੇ ਅਧੀਨ ਖੇਡਦੇ ਹੋਏ ਨਜ਼ਰ ਆਉਣਗੇ।
