ਆਈਪੀਐਲ 2013 ਸਪਾਟ ਫਿਕਸਿੰਗ ਮਾਮਲੇ ਵਿੱਚ ਦੋਸ਼ੀ ਪਾਏ ਗਏ ਭਾਰਤੀ ਤੇਜ਼ ਗੇਂਦਬਾਜ਼ ਸ਼ਾਂਤਾਕੁਮਾਰਨ ਸ਼੍ਰੀਸੰਤ ਨੂੰ ਇੱਕ ਵਾਰ ਫਿਰ ਲੀਗ ਵਿੱਚ ਵਾਪਸੀ ਦੀ ਉਮੀਦ ਹੈ। ਪਿਛਲੀ ਵਾਰ ਦੀ ਤਰ੍ਹਾਂ ਇਕ ਵਾਰ ਫਿਰ ਉਨ੍ਹਾਂ ਨੇ ਨਿਲਾਮੀ 'ਚ ਆਪਣਾ ਨਾਂ ਦਿੱਤਾ ਹੈ ਅਤੇ ਇਸ ਵਾਰ ਬੇਸ ਪ੍ਰਾਈਸ ਸਿਰਫ 50 ਲੱਖ ਰੱਖੀ ਗਈ ਹੈ।
ਅਜਿਹੇ 'ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਸ਼੍ਰੀਸੰਤ ਦਾ 9 ਸਾਲ ਦਾ ਵਨਵਾਸ ਖਤਮ ਹੋਵੇਗਾ ਜਾਂ ਇਹ ਹੋਰ ਵੀ ਲੰਬੇ ਸਮੇਂ ਤੱਕ ਰਹੇਗਾ। ਸ਼੍ਰੀਸੰਤ ਪਿਛਲੇ ਸਾਲ ਬੈਨ ਤੋਂ ਬਾਅਦ ਹੀ ਕ੍ਰਿਕਟ ਦੇ ਮੈਦਾਨ ਵਿੱਚ ਵਾਪਸ ਆਏ ਸਨ ਪਰ ਆਈਪੀਐਲ ਦੇ ਆਖਰੀ ਸੀਜ਼ਨ ਵਿੱਚ ਸਾਰੀਆਂ ਫ੍ਰੈਂਚਾਇਜ਼ੀਜ਼ ਦੁਆਰਾ ਉਨ੍ਹਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ ਗਿਆ ਸੀ ਪਰ ਉਹ ਅਜੇ ਤੱਕ ਹਿੰਮਤ ਨਹੀਂ ਹਾਰਿਆ ਹੈ ਅਤੇ ਆਈਪੀਐਲ 2022 ਦੀ ਨਿਲਾਮੀ ਵਿੱਚ ਵੀ ਨਾਮ ਦਰਜ ਕਰ ਲਿਆ ਹੈ।
ਸ਼੍ਰੀਸੰਤ ਇਸ ਤੋਂ ਪਹਿਲਾਂ 2013 'ਚ ਰਾਜਸਥਾਨ ਰਾਇਲਸ ਲਈ ਆਈ.ਪੀ.ਐੱਲ.ਚ ਸ਼ਿਰਕਤ ਕੀਤੀ ਸੀ। ਉਸਨੇ ਆਪਣੇ ਆਈਪੀਐਲ ਕਰੀਅਰ ਵਿੱਚ 44 ਮੈਚ ਖੇਡੇ ਅਤੇ 40 ਵਿਕਟਾਂ ਵੀ ਲਈਆਂ। ਹਾਲਾਂਕਿ, ਫ੍ਰੈਂਚਾਇਜ਼ੀ ਨੂੰ ਇਹ ਅੰਕੜੇ ਪਸੰਦ ਹਨ ਜਾਂ ਨਹੀਂ, ਇਹ ਤਾਂ ਸਮਾਂ ਹੀ ਦੱਸੇਗਾ, ਪਰ ਜੇਕਰ ਕੋਈ ਫ੍ਰੈਂਚਾਇਜ਼ੀ ਉਸ 'ਤੇ ਸੱਟਾ ਲਗਾਉਂਦੀ ਹੈ, ਤਾਂ ਇਹ ਉਸ ਦੇ ਕਰੀਅਰ ਨੂੰ ਮੁੜ ਸੁਰਜੀਤ ਕਰਨ ਦਾ ਪਲ ਹੋਵੇਗਾ।
