ਜਦੋਂ 'ਮੈਨ ਆਫ ਦਿ ਮੈਚ' ਰਾਹੁਲ ਤ੍ਰਿਪਾਠੀ ਨੂੰ ਸ਼ਾਹਰੁਖ ਖਾਨ ਨੇ ਕਿਹਾ, 'ਰਾਹੁਲ ਨਾਮ ਤੋ ਸੁਣਾ ਹੀ ਹੋਗਾ'

ਦਿਨੇਸ਼ ਕਾਰਤਿਕ ਦੀ ਅਗਵਾਈ ਵਾਲੀ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਆਈਪੀਐਲ ਦੇ 21 ਵੇਂ ਮੈਚ ਵਿੱਚ ਚੇਨਈ ਦੀ ਟੀਮ ਨੂੰ 10 ਦੌੜਾਂ ਨਾਲ ਹਰਾ ਦਿੱਤਾ. ਸਲਾਮੀ ਬੱਲੇਬਾਜ਼ ਰਾਹੁਲ ਤ੍ਰਿਪਾਠੀ, ਕੋਲਕਾਤਾ ਦੀ ਜਿੱਤ ਦੇ ਨਾਇਕ ਰਹੇ, ਉਹਨਾਂ ਨੇ ਕੇਕੇਆਰ ਲਈ 51 ਗੇਂਦਾਂ ਵਿਚ 8 ਚੌਕਿਆਂ ਅਤੇ 3 ਛੱਕਿਆਂ ਦੀ ਮਦਦ ਨਾਲ 81 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ.

ਇਸ ਤੂਫਾਨੀ ਪਾਰੀ ਲਈ ਰਾਹੁਲ ਨੂੰ 'ਮੈਨ ਆਫ ਦਿ ਮੈਚ ਐਵਾਰਡ' ਨਾਲ ਨਿਵਾਜਿਆ ਗਿਆ. ਇਸ ਮੈਚ ਦੌਰਾਨ ਕੋਲਕਾਤਾ ਟੀਮ ਦੇ ਮਾਲਕ ਅਤੇ ਮਸ਼ਹੂਰ ਬੌਲੀਵੂਡ ਸੁਪਰਸਟਾਰ ਸ਼ਾਹਰੁਖ ਖਾਨ ਵੀ ਮੌਜੂਦ ਸਨ. ਜਦੋਂ ਤ੍ਰਿਪਾਠੀ ਨੂੰ ਮੈਨ ਆੱਫ ਦਿ ਮੈਚ ਦਿੱਤਾ ਗਿਆ ਤਾਂ ਸ਼ਾਹਰੁਖ ਖਾਨ ਬਹੁਤ ਉਤਸ਼ਾਹਿਤ ਦਿਖੇ ਅਤੇ ਉਹ ਆਪਣੀ ਖੁਸ਼ੀ ਨੂੰ ਨਾ ਰੋਕ ਸਕੇ ਅਤੇ ਆਪਣੀ ਪ੍ਰਸਿੱਧ ਫਿਲਮ 'ਕੁਛ ਕੁਛ ਹੋਤਾ ਹੈ' ਦੇ ਮਸ਼ਹੂਰ ਡਾਇਲੌਗ '' ਰਾਹੁਲ ਨਾਮ ਤੋ ਸੁਣਾ ਹੀ ਹੋਗਾ '' ਕਹਿ ਕੇ ਉਸ ਫਿਲਮ ਦੀਆਂ ਯਾਦਾਂ ਤਾਜਾ ਕਰ ਦਿੱਤੀਆਂ. ਸ਼ਾਹਰੁੱਖ ਦਾ ਇਹ ਡਾਇਲੌਗ ਸੁਣ ਕੇ ਤ੍ਰਿਪਾਠੀ ਵੀ ਆਪਣੀ ਹੰਸੀ ਨਾ ਰੋਕ ਪਾਏ.

ਇਹ ਵੀਡੀਓ ਬਹੁਤ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਹਰ ਕੋਈ ਇਸ ਨੌਜਵਾਨ ਬੱਲੇਬਾਜ਼ ਦੀ ਪ੍ਰਸ਼ੰਸਾ ਕਰ ਰਿਹਾ ਹੈ. ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਟਵੀਟਰ ਹੈਂਡਲ ਨੇ ਵੀ ਰਾਹੁਲ ਤ੍ਰਿਪਾਠੀ ਬਾਰੇ ਪੋਸਟ ਕਰਦੇ ਹੋਏ ਲਿਖਿਆ, "ਜਿਸ ਫਿਲਮ ਵਿੱਚ ਰਾਹੁਲ ਹੈ, ਉਹ ਸੁਪਰਹਿੱਟ ਹੀ ਹੁੰਦੀ ਹੈ."

 

Here's the video of SRK saying 'Rahul naam toh suna hoga'. Tripathi is blushing throughout. pic.twitter.com/2q0L1IIx52

— ɑeɡoη (@smirkesque) October 7, 2020