ਇਹ ਹਨ 25 ਦਸੰਬਰ ਦੀਆਂ ਟਾੱਪ-5 ਕ੍ਰਿਕਟ ਖਬਰਾਂ, ਭਾਰਤ ਨੇ 2-0 ਨਾਲ ਕੀਤਾ ਬਾੰਗਲਾਦੇਸ਼ ਨੂੰ ਕਲੀਨ ਸਵੀਪ
Top-5 Cricket News of the Day : 25 ਦਸੰਬਰ ਦੇ ਦਿਨ ਕ੍ਰਿਕਟ ਦੇ ਮੈਦਾਨ ਦੇ ਅੰਦਰ ਅਤੇ ਬਾਹਰ ਬਹੁਤ ਕੁੱਝ ਹੋਇਆ। ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਦਿਨ ਦੀਆਂ ਟਾੱਪ 5 ਕ੍ਰਿਕਟ ਖਬਰਾਂ।
1. ਰਵੀਚੰਦਰਨ ਅਸ਼ਵਿਨ ਅਤੇ ਸ਼੍ਰੇਅਸ ਅਈਅਰ ਵਿਚਾਲੇ 71 ਦੌੜਾਂ ਦੀ ਸ਼ਾਨਦਾਰ ਅਜੇਤੂ ਸਾਂਝੇਦਾਰੀ ਦੀ ਬਦੌਲਤ ਭਾਰਤ ਨੇ ਐਤਵਾਰ ਨੂੰ ਸ਼ੇਰ-ਏ-ਬੰਗਲਾ ਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਚ ਖੇਡੇ ਗਏ ਦੂਜੇ ਟੈਸਟ ਮੈਚ ਵਿਚ ਬੰਗਲਾਦੇਸ਼ ਨੂੰ ਤਿੰਨ ਵਿਕਟਾਂ ਨਾਲ ਹਰਾ ਦਿੱਤਾ। ਚੌਥੇ ਦਿਨ ਭਾਰਤ ਨੂੰ ਜਿੱਤ ਲਈ ਛੇ ਵਿਕਟਾਂ ਦੇ ਨਾਲ 100 ਦੌੜਾਂ ਦੀ ਲੋੜ ਸੀ। ਪਰ ਸ਼ਾਕਿਬ ਅਲ ਹਸਨ ਅਤੇ ਮੇਹਿਦੀ ਹਸਨ ਮਿਰਾਜ ਨੇ ਪਹਿਲੇ ਘੰਟੇ ਵਿੱਚ ਤਿੰਨ-ਤਿੰਨ ਵਿਕਟਾਂ ਲੈ ਕੇ ਭਾਰਤ ਨੂੰ 74/7 ਤੱਕ ਪਹੁੰਚਾ ਦਿੱਤਾ। ਪਿੱਚ ਸਪਿਨਰਾਂ ਨੂੰ ਕਾਫੀ ਮਦਦ ਦੇ ਰਹੀ ਸੀ, ਜਿਸ ਕਾਰਨ ਭਾਰਤ ਲਈ ਬੱਲੇਬਾਜ਼ੀ ਕਰਨਾ ਮੁਸ਼ਕਲ ਹੋ ਰਿਹਾ ਸੀ। ਪਰ ਅਸ਼ਵਿਨ ਅਤੇ ਅਈਅਰ, ਭਾਰਤ ਦੀ ਆਖਰੀ ਮਾਨਤਾ ਪ੍ਰਾਪਤ ਬੱਲੇਬਾਜ਼ੀ ਜੋੜੀ ਨੇ ਇੱਕ ਮਜ਼ਬੂਤ ਬਚਾਅ ਕੀਤਾ ਅਤੇ ਅੰਤ ਵਿੱਚ ਮਹਿਮਾਨ ਟੀਮ ਨੇ ਟੈਸਟ ਸੀਰੀਜ਼ 2-0 ਨਾਲ ਜਿੱਤ ਲਈ। ਅਸ਼ਵਿਨ 42 ਅਤੇ ਅਈਅਰ 29 ਦੌੜਾਂ ਬਣਾ ਕੇ ਅਜੇਤੂ ਰਹੇ।
Trending
2. ਬਾੰਗਲਾਦੇਸ਼ ਖਿਲਾਫ ਮੈਚ ਜਿੱਤਣ ਤੋਂ ਬਾਅਦ ਕੇਐੱਲ ਰਾਹੁਲ ਨੇ ਕਿਹਾ, 'ਤੁਸੀਂ ਉਨ੍ਹਾਂ ਖਿਡਾਰੀਆਂ 'ਤੇ ਭਰੋਸਾ ਕਰਦੇ ਹੋ ਜੋ ਮੈਦਾਨ ਦੇ ਅੰਦਰ ਹਨ। ਅਸੀਂ ਬਹੁਤ ਸਾਰੀ ਕ੍ਰਿਕਟ ਖੇਡੀ ਹੈ ਅਤੇ ਕਦੇ ਨਾ ਕਦੇ ਕਿਸੇ ਖਿਡਾਰੀ ਨੇ ਅਜਿਹੇ ਮੈਚ ਜਿੱਤਣ ਲਈ ਆਪਣਾ ਹੱਥ ਵਧਾਇਆ ਹੈ। ਪਰ ਮੈਂ ਝੂਠ ਨਹੀਂ ਬੋਲਾਂਗਾ, ਡਰੈਸਿੰਗ ਰੂਮ ਵਿੱਚ ਬਹੁਤ ਤਣਾਅ ਸੀ। ਇਹ ਬੱਲੇਬਾਜ਼ੀ ਕਰਨ ਵਾਲਾ ਮੁਸ਼ਕਲ ਵਿਕਟ ਸੀ, ਉਨ੍ਹਾਂ ਨੇ ਸਾਨੂੰ ਦੋਵੇਂ ਪਾਰੀਆਂ ਵਿੱਚ ਦਬਾਅ ਵਿੱਚ ਰੱਖਿਆ।
3. ਬੰਗਲਾਦੇਸ਼ ਵਿਰੁੱਧ ਇਹ ਲਗਾਤਾਰ ਦੂਜੀ ਟੈਸਟ ਜਿੱਤ ਨੇ ਭਾਰਤੀ ਟੀਮ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਵੱਲ ਮਜ਼ਬੂਤੀ ਨਾਲ ਲੈ ਆਂਦਾ ਹੈ। ਇਸ ਜਿੱਤ ਤੋਂ ਬਾਅਦ ਭਾਰਤੀ ਟੀਮ ਨੇ ਦੂਜੇ ਨੰਬਰ 'ਤੇ ਆਪਣੀ ਸਥਿਤੀ ਹੋਰ ਮਜ਼ਬੂਤ ਕਰ ਲਈ ਹੈ। ਇਸ ਸੀਰੀਜ਼ ਦੇ ਅੰਤ 'ਤੇ ਭਾਰਤ ਦੀ ਜਿੱਤ ਅੰਕਾਂ ਦੀ ਪ੍ਰਤੀਸ਼ਤਤਾ 58.99 ਫੀਸਦੀ ਹੋ ਗਈ ਹੈ ਅਤੇ ਉਹ ਦੱਖਣੀ ਅਫਰੀਕਾ ਦੀ ਟੀਮ ਤੋਂ ਹੋਰ ਅੱਗੇ ਨਿਕਲ ਗਿਆ ਹੈ।
4. ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੋਂ ਬਾਅਦ ਭਾਰਤ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਪ੍ਰੈੱਸ ਕਾਨਫਰੰਸ 'ਚ ਆਏ ਅਤੇ ਜਦੋਂ ਪੱਤਰਕਾਰਾਂ ਨੇ ਉਨ੍ਹਾਂ ਨੂੰ ਵਿਰਾਟ ਕੋਹਲੀ ਦੀ ਇਸ ਘਟਨਾ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਕੋਲ ਇਸ ਘਟਨਾ ਦਾ ਕੋਈ ਜਵਾਬ ਨਹੀਂ ਸੀ ਅਤੇ ਉਨ੍ਹਾਂ ਦੇ ਇਸ ਜਵਾਬ ਨੇ ਸਾਰਿਆਂ ਨੂੰ ਹਸਾ ਦਿੱਤਾ। ਇਹ ਘਟਨਾ 20ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਵਾਪਰੀ ਸੀ ਅਤੇ ਜਦੋਂ ਕੋਹਲੀ 22 ਗੇਂਦਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਸਿਰਫ਼ ਇੱਕ ਦੌੜ ਬਣਾ ਕੇ ਆਊਟ ਹੋ ਗਏ ਸੀ ਤਾਂ ਬਾੰਗਲਾਦੇਸ਼ੀ ਖਿਡਾਰਿਆਂ ਨੇ ਉਹਨਾਂ ਨੂੰ ਭੜਕੀਲਾ ਸੇਂਡ ਆੱਫ ਦਿੱਤਾ ਸੀ। ਜਦੋਂ ਸਿਰਾਜ ਤੋਂ ਇਸ ਘਟਨਾ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ, "ਈਮਾਨਦਾਰੀ ਨਾਲ ਕਹਾਂ ਤਾਂ ਮੈਂ ਉਸ ਸਮੇਂ ਆਈਸ ਬਾਥ ਲੈ ਰਿਹਾ ਸੀ। ਸੱਚ ਕਹਾਂ ਤਾਂ ਮੈਨੂੰ ਨਹੀਂ ਪਤਾ ਕੀ ਹੋਇਆ।"
5. ਰਿਵਿਊ ਸ਼ੋਅ ਦੌਰਾਨ ਗੇਲ ਨੇ ਕੁੰਬਲੇ ਦਾ ਮਜ਼ਾਕ ਉਡਾਉਂਦੇ ਹੋਏ ਕਿਹਾ, ''ਉਹ ਕਈ ਵਾਰ ਬਦਕਿਸਮਤ ਰਿਹਾ ਹੈ। ਅਨਿਲ ਹੁਣ ਉੱਥੇ ਨਹੀਂ ਹੈ। ਉਹ ਇਸ ਦਾ ਹਿੱਸਾ ਸੀ ਪਰ ਉਨ੍ਹਾਂ ਨੇ ਮੈਨੂੰ ਟੀਮ ਤੋਂ ਬਾਹਰ ਕਰ ਦਿੱਤਾ। ਇਸੇ ਲਈ ਉਹ ਹੁਣ ਮੇਰੇ ਕੋਲ ਬੈਠਾ ਹੈ। ਪੰਜਾਬ ਕਿੰਗਜ਼ ਨੇ ਉਸਨੂੰ ਕੱਟ ਦਿੱਤਾ ਅਤੇ ਉਸਦੀ ਜਗ੍ਹਾ ਲੈ ਲਈ। ਕੀ ਤੁਸੀਂ ਜਾਣਦੇ ਹੋ ਕਿ ਮੈਂ ਕੀ ਕਹਿ ਰਿਹਾ ਹਾਂ? ਉਮੀਦ ਹੈ, ਇਸ ਵਾਰ ਇਹ ਕਿਸੇ ਬਿਹਤਰ ਕਾਰਨ ਲਈ ਹੋ ਸਕਦਾ ਹੈ!'
