CPL 2020: ਨਾਈਟ ਰਾਈਡਰਜ਼ ਨੇ ਰਚਿਆ ਇਤਿਹਾਸ, ਪੋਲਾਰਡ, ਸਿਮੰਸ ਅਤੇ ਬ੍ਰਾਵੋ ਦੇ ਦਮ ਨਾਲ ਤੀਜੀ ਵਾਰ ਬਣੇ ਸੀਪੀਐਲ ਚੈਂਪੀਅਨ

ਟ੍ਰਿਨਬਾਗੋ ਨਾਈਟ ਰਾਈਡਰਜ਼ ਨੇ ਵੀਰਵਾਰ ਨੂੰ ਬ੍ਰਾਇਨ ਲਾਰਾ ਸਟੇਡੀਅਮ ਵਿੱਚ ਖੇਡੇ ਗਏ ਕੈਰੇਬੀਅਨ ਪ੍ਰੀਮੀਅਰ ਲੀਗ (ਸੀਪੀਐਲ) ਦੇ 2020 ਦੇ ਫਾਈਨਲ ਵਿੱਚ ਸੇਂਟ ਲੂਸੀਆ ਜੌਕਸ ਨੂੰ 8 ਵਿਕਟਾਂ ਨਾਲ ਹਰਾਕੇ ਤੀਜੀ ਵਾਰ ਖਿਤਾਬ ਆਪਣੇ ਨਾਮ ਕਰ ਲਿਆ. ਲੇਂਡਲ ਸਿਮੰਸ-ਡੈਰੇਨ ਬ੍ਰਾਵੋ ਦੇ ਅਜੇਤੂ ਅਰਧ ਸੈਂਕੜੇ ਅਤੇ ਕਪਤਾਨ ਕੀਰੋਨ ਪੋਲਾਰਡ ਦੁਆਰਾ ਸ਼ਾਨਦਾਰ ਗੇਂਦਬਾਜ਼ੀ ਦੀ ਬਦੌਲਤ ਨਾਈਟ ਰਾਈਡਰਜ਼ ਦੀ ਟੀਮ ਨੇ ਤੀਜੀ ਵਾਰ ਟਰਾਫੀ 'ਤੇ ਕਬਜ਼ਾ ਕੀਤਾ ਹੈ।

ਲੈਂਡਲ ਸਿਮੰਸ ਨੂੰ ਅਜੇਤੂ ਅਰਧ ਸੈਂਕੜਾ ਲਗਾਉਣ ਲਈ ਮੈਨ ਆਫ ਦਿ ਮੈਚ ਚੁਣਿਆ ਗਿਆ, ਜਦਕਿ ਪੋਲਾਰਡ ਨੂੰ ਮੈਨ ਆਫ ਦਿ ਸੀਰੀਜ਼ ਚੁਣਿਆ ਗਿਆ।

ਸੇਂਟ ਲੂਸੀਆ ਜੌਕਸ ਦੇ 154 ਦੌੜਾਂ ਦੇ ਜਵਾਬ ਵਿਚ ਨਾਈਟ ਰਾਈਡਰਜ਼ ਨੇ 18.1 ਓਵਰਾਂ ਵਿਚ 2 ਵਿਕਟਾਂ ਦੇ ਨੁਕਸਾਨ 'ਤੇ 157 ਦੌੜਾਂ ਬਣਾ ਕੇ ਜਿੱਤ ਹਾਸਲ ਕੀਤੀ। ਨਾਈਟ ਰਾਈਡਰਜ਼ ਨੇ ਇਸ ਸੀਜ਼ਨ ਵਿਚ ਖੇਡੇ ਗਏ ਸਾਰੇ 12 ਮੈਚ ਜਿੱਤੇ. ਇਸਦੇ ਨਾਲ ਹੀ ਇਹ ਟੀਮ ਸੀਪੀਐਲ ਵਿੱਚ ਲਗਾਤਾਰ ਸਭ ਤੋਂ ਵੱਧ ਮੈਚ ਜਿੱਤਣ ਵਾਲੀ ਟੀਮ ਵੀ ਬਣ ਗਈ ਹੈ.

ਟਾੱਸ ਗੁਆਉਣ ਤੋਂ ਬਾਅਦ ਸੇਂਟ ਲੂਸੀਆ ਜੌਕਸ ਪਹਿਲਾਂ ਬੱਲੇਬਾਜ਼ੀ ਲਈ ਮੈਦਾਨ ਵਿਚ ਉਤਰੀ ਅਤੇ 19.1 ਓਵਰਾਂ ਵਿਚ 154 ਦੌੜਾਂ 'ਤੇ ਆਲ ਆਉlਟ ਹੋ ਗਈ। ਆਂਦਰੇ ਫਲੈਚਰ ਨੇ 39 ਦੌੜਾਂ ਦੀ ਸਭ ਤੋਂ ਵੱਡੀ ਪਾਰੀ ਖੇਡੀ। ਇਸ ਤੋਂ ਇਲਾਵਾ ਮਾਰਕ ਡੇਯਲ ਨੇ 29, ਨਜੀਬੁੱਲਾ ਜਦਰਾਨ ਨੇ 24 ਅਤੇ ਰੋਸਟਨ ਚੇਜ਼ ਨੇ 22 ਦੌੜਾਂ ਦਾ ਯੋਗਦਾਨ ਦਿੱਤਾ।

ਕਪਤਾਨ ਪੋਲਾਰਡ, ਜੋ ਕਿ ਨਾਈਟ ਰਾਈਡਰਜ਼ ਲਈ ਸਭ ਤੋਂ ਸਫਲ ਰਹੇ, ਨੇ 4 ਓਵਰਾਂ ਵਿੱਚ 30 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕੀਤੀਆਂ। ਇਸ ਤੋਂ ਇਲਾਵਾ ਫਵਾਦ ਅਹਿਮਦ ਅਤੇ ਅਲੀ ਖਾਨ ਨੇ 2-2 ਅਤੇ ਅਕੀਲ ਹੁਸੈਨ ਨੇ 1 ਵਿਕਟ ਹਾਸਲ ਕੀਤਾ।

ਹਾਲਾਂਕਿ, ਟੀਚੇ ਦਾ ਪਿੱਛਾ ਕਰਦਿਆਂ ਨਾਈਟ ਰਾਈਡਰਜ਼ ਦੀ  ਸ਼ੁਰੂਆਤ ਵੀ ਖਰਾਬ ਰਹੀ ਅਤੇ ਚੌਥੇ ਓਵਰ ਦੇ ਅੰਤ ਤੱਕ, ਕੁਲ 19 ਦੌੜਾਂ ‘ਤੇ ਦੋ ਵਿਕਟਾਂ ਡਿੱਗ ਗਈਆਂ। ਇਸ ਤੋਂ ਬਾਅਦ, ਲੈਂਡਲ ਮਿੰਮੰਸ ਅਤੇ ਡੈਰੇਨ ਬ੍ਰਾਵੋ ਨੇ ਪਾਰੀ ਨੂੰ ਸੰਭਾਲਿਆ ਅਤੇ ਤੀਜੇ ਵਿਕਟ ਲਈ 137 ਦੌੜਾਂ ਦੀ ਮੈਚ ਜੇਤੂ ਸਾਂਝੇਦਾਰੀ ਕੀਤੀ. ਸਿਮੰਸ ਨੇ 49 ਗੇਂਦਾਂ ਵਿਚ 8 ਚੌਕਿਆਂ ਅਤੇ 4 ਛੱਕਿਆਂ ਦੀ ਮਦਦ ਨਾਲ ਨਾਬਾਦ 84 ਦੌੜਾਂ ਬਣਾਈਆਂ, ਜਦਕਿ ਬ੍ਰਾਵੋ ਨੇ 47 ਗੇਂਦਾਂ ਵਿਚ 2 ਚੌਕਿਆਂ ਅਤੇ 6 ਛੱਕਿਆਂ ਦੀ ਮਦਦ ਨਾਲ ਨਾਬਾਦ 58 ਦੌੜਾਂ ਬਣਾਈਆਂ।

ਸੇਂਟ ਲੂਸੀਆ ਲਈ ਕੇਸਰਿਕ ਵਿਲੀਅਮਜ਼ ਨੇ 2 ਵਿਕਟਾਂ ਲਈਆਂ।