virat kohli has not scored a single century in 2020 for the first time after his debut 2008 (Virat Kohli)
ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਪਣੇ ਕ੍ਰਿਕਟ ਕਰਿਅਰ ਵਿਚ ਪਿਛਲੇ 12 ਸਾਲਾਂ ਵਿਚ ਪਹਿਲੀ ਵਾਰ ਬਿਨਾਂ ਕਿਸੇ ਅੰਤਰਰਾਸ਼ਟਰੀ ਸੈਂਕੜੇ ਦੇ ਸਾਲ ਨੂੰ ਖਤਮ ਕੀਤਾ ਹੈ। ਹਾਲਾਂਕਿ ਭਾਰਤ ਨੂੰ 26 ਦਸੰਬਰ ਤੋਂ ਆਸਟਰੇਲੀਆ ਖ਼ਿਲਾਫ਼ ਮੈਲਬਰਨ ਵਿੱਚ ਬਾਕਸਿੰਗ ਡੇਅ ਟੈਸਟ ਖੇਡਣਾ ਹੈ, ਪਰ ਕੋਹਲੀ ਉਸ ਮੈਚ ਦਾ ਹਿੱਸਾ ਨਹੀਂ ਬਣਨਗੇ ਕਿਉਂਕਿ ਉਹ ਆਪਣੇ ਪਹਿਲੇ ਬੱਚੇ ਦੇ ਜਨਮ ਦੇ ਕਾਰਨ ਘਰ ਪਰਤ ਰਹੇ ਹਨ।
ਕੋਹਲੀ ਨੇ ਸਾਲ 2008 ਵਿਚ ਆਪਣੇ ਕਰਿਅਰ ਦੀ ਸ਼ੁਰੂਆਤ ਸਮੇਂ ਆਖ਼ਰੀ ਵਾਰ ਬਿਨਾਂ ਸੈਂਕੜੇ ਦੇ ਸਾਲ ਖਤਮ ਕੀਤਾ ਸੀ। ਹਾਲਾਂਕਿ, ਉਸ ਸਾਲ ਉਹਨਾਂ ਨੇ ਸਿਰਫ ਪੰਜ ਮੈਚ ਖੇਡੇ ਸਨ।
ਪਰ ਇਸ ਵਾਰ ਉਹਨਾਂ ਨੇ 22 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਇਸ ਸਾਲ ਕੋਰੋਨਾ ਕਾਰਨ ਭਾਰਤ ਲਗਭਗ ਨੌਂ ਮਹੀਨਿਆਂ ਤੋਂ ਮੈਚ ਨਹੀਂ ਖੇਡਿਆ ਸੀ। 2009 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦੋਂ ਕੋਹਲੀ ਨੇ 22 ਤੋਂ ਘੱਟ ਮੈਚ ਖੇਡੇ ਹਨ। ਉਹਨਾਂ ਨੇ ਇਸ ਸਾਲ ਸੱਤ ਅਰਧ-ਸੈਂਕੜੇ ਲਗਾਏ ਹਨ।
