ਧੋਨੀ ਨੇ ਰਾਫੇਲ ਵਿਮਾਨ ਦੇ ਭਾਰਤੀ ਹਵਾਈ ਸੈਨਾ ਵਿਚ ਸ਼ਾਮਲ ਹੋਣ 'ਤੇ ਦਿੱਤੀ ਵਧਾਈ, ਕਿਹਾ- ਪਰ ਮੇਰਾ ਮਨਪਸੰਦ ਸੁਖੋਈ 30

ਧੋਨੀ ਨੇ ਰਾਫੇਲ ਵਿਮਾਨ ਦੇ ਭਾਰਤੀ ਹਵਾਈ ਸੈਨਾ ਵਿਚ ਸ਼ਾਮਲ ਹੋਣ 'ਤੇ ਦਿੱਤੀ ਵਧਾਈ, ਕਿਹਾ- ਪਰ ਮੇਰਾ ਮਨਪਸੰਦ ਸੁਖੋਈ 30 (Former Indian captain MS Dhoni)

ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਵੀਰਵਾਰ ਨੂੰ ਰਾਫੇਲ ਵਿਮਾਨਾਂ ਨੂੰ ਭਾਰਤੀ ਹਵਾਈ ਸੈਨਾ (ਆਈਏਐਫ) ਵਿੱਚ ਸ਼ਾਮਲ ਹੋਣ ਦੇ ਮੌਕੇ ਤੇ ਵਧਾਈ ਦਿੱਤੀ ਅਤੇ ਕਿਹਾ ਕਿ ਦੁਨੀਆ ਦੇ ਸਰਵਉੱਚ 4.5 ਜਨਰੇਸ਼ਨ ਦੇ ਲੜਾਕੂ ਜਹਾਜ਼ਾਂ ਨੂੰ ਦੁਨੀਆ ਦੇ ਸਰਬੋਤਮ ਲੜਾਕੂ ਪਾਇਲਟ ਮਿਲੇ ਹਨ।

ਧੋਨੀ ਨੇ ਆਪਣੇ ਅਧਿਕਾਰਤ ਟਵਿੱਟਰ ਅਕਾਉਂਟ ’ਤੇ ਲਿਖਿਆ, "ਭਾਰਤੀ ਬੇੜੇ ਵਿੱਚ ਸ਼ਾਮਲ ਹੋਣ ਦੇ ਅੰਤਮ ਸਮਾਰੋਹ ਵਿੱਚ, ਵਿਸ਼ਵ ਦੇ ਸਰਵਉੱਚ 4.5 ਪੀੜ੍ਹੀ ਦੇ ਲੜਾਕੂ ਜਹਾਜ਼ਾਂ ਨੂੰ ਦੁਨੀਆ ਦੇ ਸਰਬੋਤਮ ਲੜਾਕੂ ਪਾਇਲਟ ਮਿਲ ਗਏ ਹਨ। ਸਾਡੇ ਪਾਇਲਟਾਂ ਦੇ ਹੱਥਾਂ ਵਿੱਚ ਵੱਖ ਵੱਖ ਕਿਸਮਾਂ ਦੇ ਜਹਾਜ਼ਾਂ ਦੇ ਆਉਣ ਨਾਲ ਆਈਏਐਫ  ਦੀ ਸਮਰੱਥਾ ਵਧੇਗੀ।”

ਉਹਨਾਂ ਨੇ ਲਿਖਿਆ, "17 ਸਕੁਐਡਰਨ (ਗੋਲਡਨ ਐਰੋਜ਼) ਨੂੰ ਵਧਾਈ। ਅਸੀਂ ਸਾਰੇ ਉਮੀਦ ਕਰਦੇ ਹਾਂ ਕਿ ਰਾਫੇਲ ਮਿਰਾਜ -2000 ਦਾ ਰਿਕਾਰਡ ਤੋੜੇ, ਪਰ ਸੁਖੋਈ 30 ਐਮਕੇਈ ਮੇਰਾ ਮਨਪਸੰਦ ਹੈ।"

ਤੁਹਾਨੂੰ ਦੱਸ ਦੇਈਏ ਕਿ ਧੋਨੀ ਪਿਛਲੇ ਮਹੀਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਹਨ। ਉਹ ਇਸ ਸਮੇਂ ਆਈਪੀਐਲ ਲਈ ਯੂਏਈ ਵਿੱਚ ਹਨ. ਇਸ ਟੂਰਨਾਮੈਂਟ ਵਿਚ ਉਹ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਕਰਦੇ ਹੋਏ ਨਜਰ ਆਉਣਗੇ।