ਭਾਰਤੀ ਟੀਮ ਦਾ ਉਪ-ਕਪਤਾਨ ਬਣਾਏ ਜਾਣ ਤੋਂ ਬਾਅਦ ਕੇ ਐਲ ਰਾਹੁਲ ਨੇ ਕਿਹਾ, 'ਜਿੰਮੇਵਾਰੀ ਲੈਣ ਲਈ ਹਾਂ ਤਿਆਰ'

ਕੋਰੋਨਾਕਾਲ ਦੇ ਲੰਬੇ ਬਰੇਕ ਤੋਂ ਬਾਅਦ, ਭਾਰਤੀ ਕ੍ਰਿਕਟ ਟੀਮ ਇਕ ਵਾਰ ਫਿਰ ਮੈਦਾਨ 'ਤੇ ਉਤਰੇਗੀ. ਭਾਰਤੀ ਟੀਮ ਅਗਲੇ ਮਹੀਨੇ ਆਸਟਰੇਲੀਆ ਦੌਰੇ ਤੇ ਜਾਏਗੀ. ਇਸ ਦੌਰੇ ਲਈ ਸੋਮਵਾਰ ਨੂੰ ਭਾਰਤ ਦੀ ਟੈਸਟ, ਵਨਡੇ ਅਤੇ ਟੀ ​​20 ਟੀਮਾਂ ਦਾ ਐਲਾਨ ਕੀਤਾ ਗਿਆ ਸੀ. ਟੀਮ ਵਿਚ ਕਈ ਨਵੇਂ ਚਿਹਰੇ ਹਨ ਅਤੇ ਕੁਝ ਸੀਨੀਅਰ ਖਿਡਾਰੀ ਗੈਰਹਾਜ਼ਰ ਹਨ. ਇਸ ਟੀਮ ਵਿੱਚ ਆਈਪੀਐਲ 2020 ਦੇ ਪ੍ਰਦਰਸ਼ਨ ਨੂੰ ਵੀ ਮਹੱਤਵ ਦਿੱਤਾ ਗਿਆ ਹੈ. ਲੀਗ ਵਿਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਕੇ ਐਲ ਰਾਹੁਲ ਨੂੰ ਭਾਰਤੀ ਵਨਡੇ ਅਤੇ ਟੀ ​​20 ਟੀਮ ਦਾ ਉਪ ਕਪਤਾਨ ਬਣਾਇਆ ਗਿਆ ਹੈ.

ਕੇਐਲ ਰਾਹੁਲ ਨੂੰ ਆਈਪੀਐਲ 2020 ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਇਨਾਮ ਦਿੱਤਾ ਗਿਆ ਹੈ. ਕਰਨਾਟਕ ਦੇ ਇਸ ਖਿਡਾਰੀ ਨੂੰ ਭਾਰਤੀ ਵਨਡੇ ਅਤੇ ਟੀ ​​-20 ਟੀਮ ਦਾ ਉਪ-ਕਪਤਾਨ ਬਣਾਇਆ ਗਿਆ ਹੈ. ਭਾਰਤੀ ਟੀਮ ਆਈਪੀਐਲ ਤੋਂ ਬਾਅਦ ਆਸਟਰੇਲੀਆ ਦੌਰੇ 'ਤੇ ਜਾਵੇਗੀ. ਕੇ ਐਲ ਰਾਹੁਲ ਕਿੰਗਜ਼ ਇਲੈਵਨ ਪੰਜਾਬ ਦੇ ਕਪਤਾਨ ਹਨ. ਉਹ ਇਕਲੌਤੇ ਖਿਡਾਰੀ ਹਨ ਜਿਹਨਾਂ ਨੇ ਟੂਰਨਾਮੈਂਟ ਵਿਚ ਇਕ ਸੈਂਕੜੇ ਸਮੇਤ 500 ਤੋਂ ਵੱਧ ਦੌੜਾਂ ਬਣਾਈਆਂ ਹਨ.

ਭਾਰਤੀ ਟੀਮ ਦਾ ਉਪ-ਕਪਤਾਨ ਬਣਾਏ ਜਾਣ ਤੋਂ ਬਾਅਦ ਕੇ ਐਲ ਰਾਹੁਲ ਕਾਫੀ ਖੁਸ਼ ਨਜਰ ਆਏ ਅਤੇ ਉਹਨਾਂ ਨੇ ਕਿਹਾ ਕਿ ਉਹਨਾਂ ਨੇ ਇਨ੍ਹੀੰ ਉਮੀਦ ਨਹੀਂ ਕੀਤੀ ਸੀ.

ਕੇ ਐਲ ਰਾਹੁਲ ਨੇ ਕਿਹਾ, 'ਬਹੁਤ ਜਿਆਦਾ ਖੁਸ਼ੀ ਅਤੇ ਮਾਣ ਵਾਲਾ ਪਲ ਹੈ. ਮੈਂ ਇਹ ਉਮੀਦ ਨਹੀਂ ਕਰ ਰਿਹਾ ਸੀ ਪਰ ਮੈਂ ਬਹੁਤ ਖੁਸ਼ ਹਾਂ. ਮੈਂ ਜਿੰਮੇਵਾਰੀ ਅਤੇ ਚੁਣੌਤੀ ਲਈ ਤਿਆਰ ਹਾਂ ਅਤੇ ਜਿੰਨਾਂ ਹੋ ਸਕੇਗਾ ਮੈਂ ਆਪਣੀ ਟੀਮ ਲਈ ਬੈਸਟ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰਾਂਗਾ ਅਤੇ ਹਮੇਸ਼ਾ ਮੇਰੀ ਇਹੀ ਕੋਸ਼ਿਸ਼ ਰਹਿੰਦੀ ਹੈ.'

ਪੰਜਾਬ ਦੇ ਕਪਤਾਨ ਅਤੇ ਸਲਾਮੀ ਬੱਲੇਬਾਜ ਨੇ ਅੱਗੇ ਕਿਹਾ, 'ਮੈਂ ਆਉਣ ਵਾਲੇ ਦੌਰੇ ਦਾ ਇੰਤਜਾਰ ਕਰ ਰਿਹਾ ਹਾਂ ਪਰ ਓਸ ਤੋਂ ਪਹਿਲਾਂ ਆਉਣ ਵਾਲੇ 2-3 ਹਫਤੇ ਬਹੁਤ ਮਹੱਤਵਪੂਰਨ ਹਨ ਅਤੇ ਉਸਤੋਂ ਬਾਅਦ ਆਉਣ ਵਾਲੇ 2-3 ਮਹੀਨੇ ਬਹੁਤ ਜਰੂਰੀ ਰਹਿਣ ਵਾਲੇ ਹਨ. ਮੈਂ ਇਸ ਸਮੇਂ ਜਿਆਦਾ ਅੱਗੇ ਦੀ ਨਹੀਂ ਬਲਕਿ ਇਕ ਸਮੇਂ ਤੇ ਇਕ ਦਿਨ ਬਾਰੇ ਹੀ ਸੋਚ ਰਿਹਾ ਹਾਂ.'

ਭਾਰਤੀ ਕ੍ਰਿਕਟ ਟੀਮ ਨੇ ਆਪਣਾ ਆਖਰੀ ਅੰਤਰਰਾਸ਼ਟਰੀ ਮੈਚ ਫਰਵਰੀ ਵਿੱਚ ਖੇਡਿਆ ਸੀ. ਇਸ ਤੋਂ ਬਾਅਦ, ਕੋਰੋਨਾ ਵਾਇਰਸ ਕਾਰਨ ਦੱਖਣੀ ਅਫਰੀਕਾ ਦੇ ਖਿਲਾਫ ਖੇਡੀ ਜਾ ਰਹੀ ਲੜੀ ਨੂੰ ਰੱਦ ਕਰ ਦਿੱਤਾ ਗਿਆ ਸੀ. ਆਸਟਰੇਲੀਆ ਦੌਰੇ 'ਤੇ ਵਿਰਾਟ ਕੋਹਲੀ ਤਿੰਨੋਂ ਫਾਰਮੈਟਾਂ' ਚ ਟੀਮ ਦੀ ਕਮਾਨ ਸੰਭਾਲਣਗੇ.