IPL 2020: ​​ਦਿੱਲੀ ਦੇ ਖਿਲਾਫ ਮੈਚ ਤੋਂ ਬਾਹਰ ਹੋ ਸਕਦੇ ਹਨ ਅੰਬਾਤੀ ਰਾਇਡੂ, ਬ੍ਰਾਵੋ ਦੀ ਵਾਪਸੀ ਹੋ ਸਕਦੀ ਹੈ: ਫਲੇਮਿੰਗ

ਆਈਪੀਐਲ ਦੇ ਸੱਤਵੇਂ ਮੈਚ ਵਿੱਚ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਵਾਲੀ ਚੇਨਈ ਸੁਪਰ ਕਿੰਗਜ਼ ਦਾ ਮੁਕਾਬਲਾ ਅੱਜ (25 ਸਤੰਬਰ) ਸ਼੍ਰੇਅਸ ਅਈਅਰ ਦੀ ਅਗਵਾਈ ਵਾਲੀ ਦਿੱਲੀ ਕੈਪਿਟਲਸ ਨਾਲ ਹੋਵੇਗਾ. ਇਸ ਮੈਚ ਤੋਂ ਪਹਿਲਾਂ ਸੀਐਸਕੇ ਦੇ ਦੋ ਵੱਡੇ ਖਿਡਾਰੀ ਅੰਬਾਤੀ ​​ਰਾਇਡੂ ਅਤੇ ਡਵੇਨ ਬ੍ਰਾਵੋ ਦੇ ਬਾਰੇ ਵੱਡੀ ਖਬਰਾਂ ਆਈਆਂ ਹਨ.

ਚੇਨਈ ਸੁਪਰ ਕਿੰਗਜ਼ ਦੇ ਕੋਚ ਸਟੀਫਨ ਫਲੇਮਿੰਗ ਨੇ ਟੀਮ ਦੇ ਸਟਾਰ ਬੱਲੇਬਾਜ਼ ਅੰਬਾਤੀ ਰਾਇਡੂ ਅਤੇ ਆਲਰਾਉਂਡਰ ਡਵੇਨ ਬ੍ਰਾਵੋ ਤੋਂ ਦਿੱਲੀ ਖਿਲਾਫ ਮੈਚ ਵਿਚ ਖੇਡਣ ਨੂੰ ਲੈਕੇ ਪਰਦਾ ਹਟਾ ਦਿੱਤਾ ਹੈ। ਫਲੇਮਿੰਗ ਨੇ ਕਿਹਾ ਕਿ ਰਾਇਡੂ ਅਜੇ ਸੱਟ ਤੋਂ ਠੀਕ ਨਹੀਂ ਹੋਏ ਹਨ ਅਤੇ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਦਿੱਲੀ ਖਿਲਾਫ ਮੈਚ ਤੋਂ ਬਾਹਰ ਰਹਿਣਗੇ. ਹਾਲਾਂਕਿ, ਉਹਨਾਂ ਨੇ ਕਿਹਾ ਕਿ ਦਿੱਲੀ ਮੈਚ ਤੋਂ ਬਾਅਦ ਚੇਨਈ ਆਪਣਾ ਚੌਥਾ ਮੈਚ 2 ਅਕਤੂਬਰ ਨੂੰ ਸਨਰਾਈਜ਼ਰਜ਼ ਦੇ ਖਿਲਾਫ ਖੇਡੇਗੀ ਅਤੇ ਉਹਨਾਂ ਨੂੰ ਪੂਰੀ ਉਮੀਦ ਹੈ ਕਿ ਰਾਇਡੂ ਉਸ ਮੈਚ ਤੱਕ ਫਿੱਟ ਹੋ ਜਾਣਗੇ ਤੇ ਪਲੇਇੰਗ ਇਲੈਵਨ ਦਾ ਹਿੱਸਾ ਹੋਣਗੇ.

ਡਵੇਨ ਬ੍ਰਾਵੋ ਦੇ ਖੇਡਣ 'ਤੇ ਉਹਨਾਂ ਨੇ ਕਿਹਾ,''ਬ੍ਰਾਵੋ ਬਹੁਤ ਤੇਜ਼ੀ ਨਾਲ ਠੀਕ ਹੋ ਰਹੇ ਹਨ ਅਤੇ ਜੇ ਸਭ ਕੁਝ ਠੀਕ ਰਿਹਾ ਤਾਂ ਉਹ ਅਗਲੇ ਮੈਚ' ਚ ਖੇਡਦੇ ਵੇਖੇ ਜਾ ਸਕਦੇ ਹਨ. ਸਾਡੇ ਲਈ ਅਗਲੇ ਮੈਚ ਦੀ ਪਲੇਇੰਗ ਇਲੈਵਨ ਦੀ ਚੌਣ ਕਰਨਾ ਬਹੁਤ ਵੱਡੀ ਸਿਰਦਰਦੀ ਹੋਵੇਗੀ. "

ਤੁਹਾਨੂੰ ਦੱਸ ਦੇਈਏ ਕਿ ਬ੍ਰਾਵੋ ਮੁੰਬਈ ਅਤੇ ਰਾਜਸਥਾਨ ਰਾਇਲਜ਼ ਦੇ ਖਿਲਾਫ ਮੈਚਾਂ ਵਿੱਚ ਚੇਨਈ ਦੀ ਟੀਮ ਵਿੱਚ ਸ਼ਾਮਲ ਨਹੀਂ ਸਨ. ਦੂਜੇ ਪਾਸੇ ਰਾਇਡੂ ਨੇ ਮੁੰਬਈ ਖਿਲਾਫ ਆਈਪੀਐਲ ਦੇ ਸ਼ੁਰੂਆਤੀ ਮੈਚ ਵਿੱਚ 71 ਦੌੜਾਂ ਦੀ ਜ਼ਬਰਦਸਤ ਪਾਰੀ ਖੇਡੀ ਸੀ ਪਰ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਉਹ ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ ਟੀਮ ਤੋਂ ਬਾਹਰ ਹੋ ਗਏ ਸੀ.