ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਦਾਨਿਸ਼ ਕਨੇਰੀਆ ਨੇ ਹਾਲ ਹੀ ਵਿੱਚ ਕਿਹਾ ਕਿ ਟੀਮ ਇੰਡੀਆ ਦੇ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਲਗਾਤਾਰ ਮੌਕੇ ਦਿੱਤੇ ਜਾਣੇ ਚਾਹੀਦੇ ਹਨ ਕਿਉਂਕਿ ਉਹ ਵੀ ਇਸ ਦੇ ਹੱਕਦਾਰ ਹਨ। ਕਨੇਰੀਆ ਨੇ ਦ੍ਰਾਵਿੜ ਨਾਲ ਅਸਹਿਮਤੀ ਜਤਾਉਂਦੇ ਹੋਏ ਕਿਹਾ ਕਿ ਜੇਕਰ ਸੂਰਿਆਕੁਮਾਰ ਨੂੰ ਸ਼੍ਰੇਅਸ ਅਈਅਰ ਤੋਂ ਅੱਗੇ ਮੌਕਾ ਨਹੀਂ ਦਿੱਤਾ ਜਾਂਦਾ ਹੈ ਤਾਂ ਇਹ ਸੂਰਿਆ ਦੇ ਨਾਲ ਗਲਤ ਹੋਵੇਗਾ।
ਆਪਣੇ ਅਧਿਕਾਰਤ ਯੂਟਿਊਬ ਚੈਨਲ 'ਤੇ ਬੋਲਦਿਆਂ ਦਾਨਿਸ਼ ਕਨੇਰੀਆ ਨੇ ਸੁਝਾਅ ਦਿੱਤਾ ਕਿ ਸੂਰਿਆਕੁਮਾਰ ਯਾਦਵ ਵਿੱਚ ਸ਼੍ਰੇਅਸ ਅਈਅਰ ਨਾਲੋਂ ਜ਼ਿਆਦਾ ਪਰਿਪੱਕਤਾ ਹੈ। ਉਸਨੇ ਭਾਰਤੀ ਟੀਮ ਪ੍ਰਬੰਧਨ ਨੂੰ ਯਾਦਵ ਦਾ ਸਮਰਥਨ ਕਰਨ ਅਤੇ ਪਲੇਇੰਗ ਇਲੈਵਨ ਵਿੱਚ ਨਿਯਮਤ ਮੌਕੇ ਦੇਣ ਦੀ ਅਪੀਲ ਕੀਤੀ ਹੈ। ਇਸ ਦੇ ਨਾਲ ਹੀ ਪਾਕਿਸਤਾਨ ਦੇ ਸਾਬਕਾ ਸਪਿਨਰ ਨੇ ਕਿਹਾ ਕਿ ਅਈਅਰ ਨੂੰ ਆਪਣੀ ਖੇਡ ਵਿੱਚ ਸੁਧਾਰ ਕਰਨ ਦੀ ਲੋੜ ਹੈ ਜੇਕਰ ਉਹ ਟੀਮ ਵਿੱਚ ਆਪਣੀ ਜਗ੍ਹਾ ਬਰਕਰਾਰ ਰੱਖਣਾ ਚਾਹੁੰਦੇ ਹਨ।
ਕਨੇਰੀਆ ਨੇ ਕਿਹਾ, "ਅਜਿਹੀਆਂ ਖਬਰਾਂ ਆਈਆਂ ਹਨ, ਜੋ ਦੱਸਦੀਆਂ ਹਨ ਕਿ ਰਾਹੁਲ ਦ੍ਰਾਵਿੜ ਸ਼੍ਰੇਅਸ ਅਈਅਰ ਨੂੰ ਸੂਰਿਆਕੁਮਾਰ ਯਾਦਵ ਤੋਂ ਜ਼ਿਆਦਾ ਪਰਿਪੱਕ ਸਮਝਦੇ ਹਨ। ਪਰ ਮੈਂ ਦ੍ਰਾਵਿੜ ਦੀ ਸੋਚ ਨਾਲ ਸਹਿਮਤ ਨਹੀਂ ਹਾਂ। ਜੇਕਰ ਸੂਰਿਆਕੁਮਾਰ ਯਾਦਵ ਨੂੰ ਇਸ ਉਮਰ 'ਚ ਲੋੜੀਂਦੇ ਮੌਕੇ ਨਹੀਂ ਮਿਲੇ ਤਾਂ ਇਹ ਗਲਤ ਹੋਵੇਗਾ। ਅਈਅਰ ਕੋਲ ਟੀਮ ਵਿੱਚ ਆਪਣੀ ਜਗ੍ਹਾ ਬਰਕਰਾਰ ਰੱਖਣ ਲਈ ਲਗਾਤਾਰ ਪ੍ਰਦਰਸ਼ਨ ਕਰਨ ਤੋਂ ਇਲਾਵਾ ਕੋਈ ਰਸਤਾ ਨਹੀਂ ਹੈ।"
