IND vs AUS: ਟੈਸਟ ਮੈਚਾਂ ਵਿਚ ਰੋਹਿਤ ਸ਼ਰਮਾ ਦੀ ਜਗ੍ਹਾ ਕੌਣ ਕਰ ਸਕਦਾ ਹੈ ਓਪਨਿੰਗ ? ਸਚਿਨ ਤੇਂਦੁਲਕਰ ਨੇ ਦੱਸੀ ਆਪਣੀ ਪਸੰਦ

ਭਾਰਤ ਦਾ ਆਸਟਰੇਲੀਆ ਦੌਰਾ 27 ਨਵੰਬਰ ਨੂੰ ਸਿਡਨੀ ਕ੍ਰਿਕਟ ਗਰਾਉਂਡ ਤੋਂ ਸ਼ੁਰੂ ਹੋਵੇਗਾ, ਜਿਥੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦਾ ਪਹਿਲਾ ਮੈਚ ਖੇਡਿਆ ਜਾਵੇਗਾ।

ਵਨਡੇ ਸੀਰੀਜ ਤੋਂ ਬਾਅਦ 4 ਦਸੰਬਰ ਤੋਂ ਟੀ -20 ਸੀਰੀਜ਼ ਸ਼ੁਰੂ ਹੋਵੇਗੀ, ਪਰ ਇਸ ਤੋਂ ਬਾਅਦ ਭਾਰਤ ਲਈ ਸਭ ਤੋਂ ਵੱਡੀ ਚੁਣੌਤੀ 27 ਦਸੰਬਰ ਤੋਂ ਹੋਣ ਵਾਲੀ ਟੈਸਟ ਸੀਰੀਜ਼ ਹੋਣ ਵਾਲੀ ਹੈ। ਆਖਰੀ ਵਾਰ ਜਦੋਂ ਭਾਰਤੀ ਟੀਮ 2018 ਵਿਚ ਆਸਟਰੇਲੀਆ ਦੇ ਦੌਰੇ 'ਤੇ ਗਈ ਸੀ, ਉਦੋਂ ਵਿਰਾਟ ਕੋਹਲੀ ਦੀ ਟੀਮ ਨੇ ਮੇਜ਼ਬਾਨ ਟੀਮ ਨੂੰ 2-1 ਨਾਲ ਹਰਾਇਆ ਸੀ. ਇਸ ਵਾਰ ਵੀ ਭਾਰਤੀ ਟੀਮ ਇਸੇ ਤਰ੍ਹਾਂ ਦੀ ਸੋਚ ਲੈ ਕੇ ਆਸਟ੍ਰੇਲੀਆ ਪਹੁੰਚੀ ਹੈ।

ਹਾਲਾਂਕਿ, ਟੀਮ ਦੇ ਤਿੰਨ ਵੱਡੇ ਖਿਡਾਰੀਆਂ ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ ਅਤੇ ਇਸ਼ਾਂਤ ਸ਼ਰਮਾ ਦੇ ਕੁਝ ਮੈਚਾਂ ਵਿਚ ਨਾ ਹੋਣ ਨਾਲ ਟੀਮ ਲਈ ਆਸਟ੍ਰੇਲੀਆ ਦੀ ਚੁਣੌਤੀ ਆਸਾਨ ਨਹੀਂ ਹੋਣ ਵਾਲੀ ਹੈ।

ਇਸ ਦੌਰਾਨ ਭਾਰਤ ਦੇ ਸਾਬਕਾ ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਨੇ ਪੀਟੀਆਈ ਨਾਲ ਇੱਕ ਇੰਟਰਵਿਉ ਦੌਰਾਨ ਆਸਟਰੇਲੀਆ ਖ਼ਿਲਾਫ਼ ਟੈਸਟ ਲਈ ਓਪਨਿੰਗ ਕਰਨ ਵਾਲੇ ਬੱਲੇਬਾਜ ਨੂੰ ਚੁਣਿਆ ਹੈ।

ਸਚਿਨ ਨੇ ਕਿਹਾ ਹੈ ਕਿ ਉਨ੍ਹਾਂ ਦੇ ਅਨੁਸਾਰ ਮਯੰਕ ਅਗਰਵਾਲ ਨੂੰ ਰੋਹਿਤ ਦੀ ਗ਼ੈਰਹਾਜ਼ਰੀ ਵਿੱਚ ਬਤੌਰ ਸਲਾਮੀ ਬੱਲੇਬਾਜ਼ ਖੇਡਣਾ ਚਾਹੀਦਾ ਹੈ। ਉਹਨਾਂ ਨੇ ਕਿਹਾ ਕਿ ਦੂਜੇ ਸਲਾਮੀ ਬੱਲੇਬਾਜ਼ ਦਾ ਨਾਮ ਟੀਮ ਪ੍ਰਬੰਧਨ ਤੈਅ ਕਰੇਗੀ ਕਿ ਪ੍ਰਿਥਵੀ ਸ਼ਾਅ ਅਤੇ ਕੇਐਲ ਰਾਹੁਲ ਵਿੱਚੋਂ ਕਿਸ ਨੂੰ ਭੇਜਣਾ ਹੈ. ਮਹੱਤਵਪੂਰਣ ਗੱਲ ਇਹ ਹੈ ਕਿ ਰੋਹਿਤ ਸ਼ਰਮਾ ਅਤੇ ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਆਸਟਰੇਲੀਆ ਖਿਲਾਫ ਪਹਿਲੇ ਦੋ ਟੈਸਟ ਮੈਚਾਂ ਵਿਚੋਂ ਟੀਮ ਤੋਂ ਬਾਹਰ ਹੋ ਗਏ ਹਨ।

ਇੰਟਰਵਿਉ ਦੌਰਾਨ ਸਾਬਕਾ ਬੱਲੇਬਾਜ਼ ਨੇ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਮਯੰਕ ਅਗਰਵਾਲ ਇਕ ਪੱਕੇ ​​ਸਲਾਮੀ ਬੱਲੇਬਾਜ਼ ਹੋਣੇ ਚਾਹੀਦੇ ਹਨ। ਜੇ ਰੋਹਿਤ ਸ਼ਰਮਾ ਫਿੱਟ ਹੈ ਤਾਂ ਉਹ ਖੇਡਣਗੇ। ਦੋਹਾਂ ਖਿਡਾਰੀਆਂ (ਪ੍ਰਿਥਵੀ ਸ਼ਾਅ ਅਤੇ ਕੇਐਲ ਰਾਹੁਲ) ਵਿਚੋਂ ਕਿਸ ਨੂੰ ਭੇਜਣਾ ਚਾਹੀਦਾ ਹੈ ? ਇਸਦਾ ਫੈਸਲਾ ਪ੍ਰਬੰਧਨ ਨੂੰ ਲੈਣਾ ਚਾਹੀਦਾ ਹੈ ਕਿਉਂਕਿ ਉਹ ਜਾਣਦੇ ਹਨ ਕਿ ਕੌਣ ਵਧੀਆ ਫੌਰਮ ਵਿਚ ਚਲ ਰਿਹਾ ਹੈ।"