RCB ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ, ਸ਼ੁਰੂ ਵਿੱਚ ਅਜੀਬ ਲੱਗਿਆ ਪਰ ਬਾਅਦ ਵਿੱਚ ਖਾਲੀ ਸਟੇਡੀਅਮ ਦੀ ਆਦਤ ਪੈ ਗਈ.

initially it was weird but we adapted to empty stands says rcb captain virat kohli (Image Credit: BCCI)

ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਹੈ ਕਿ ਸ਼ੁਰੂਆਤ ਵਿੱਚ ਖਾਲੀ ਸਟੇਡੀਅਮਾਂ ਵਿੱਚ ਖੇਡਣਾ ਅਜੀਬ ਸੀ ਪਰ ਬਾਅਦ ਵਿੱਚ ਉਹਨਾਂ ਨੂੰ ਖਾਲੀ ਸਟੈਂਡਾਂ ਵਿੱਚ ਖੇਡਣ ਦੀ ਆਦਤ ਪੈ ਗਈ.

ਕੋਹਲੀ ਨੇ ਸਟਾਰ ਸਪੋਰਟਸ ਨਾਲ ਗੱਲਬਾਤ ਦੌਰਾਨ ਕਿਹਾ, “ਸ਼ੁਰੂਆਤ ਵਿੱਚ, ਪ੍ਰਸ਼ੰਸਕਾਂ ਤੋਂ ਬਿਨਾਂ ਸਟੇਡੀਅਮ ਵਿੱਚ ਦਾਖਲ ਹੋਣਾ ਥੋੜਾ ਜਿਹਾ ਅਜੀਬ ਮਹਿਸੂਸ ਹੋਇਆ. ਉਤਸਾਹ ਕਾਫ਼ੀ ਹੁੰਦਾ ਸੀ ਪਰ ਜਿਵੇਂ ਹੀ ਤੁਸੀਂ ਸਟੇਡੀਅਮ ਪਹੁੰਚਦੇ ਹੋ ਤਾਂ ਸਟੈਂਡ ਖਾਲੀ ਵੇਖਣਾ ਅਜੀਬ ਹੁੰਦਾ ਹੈ ਕਿਉਂਕਿ ਮੈਂ ਇਕ ਲੰਬੇ ਸਮੇਂ ਤੋਂ ਖਾਲੀ ਸਟੇਡੀਅਮ ਵਿਚ ਨਹੀਂ ਖੇਡਿਆ ਸੀ, ਪਰ ਹੌਲੀ ਹੌਲੀ ਇਸਦੀ ਆਦਤ ਪੈ ਗਈ."

ਕੋਹਲੀ ਦੇ ਸਾਥੀ ਏਬੀ ਡੀਵਿਲੀਅਰਜ਼ ਨੇ ਵੀ ਕੁਝ ਦਿਨ ਪਹਿਲਾਂ ਅਜਿਹੀ ਹੀ ਗੱਲ ਕਹੀ ਸੀ. ਡੀਵਿਲੀਅਰਜ਼ ਨੇ ਕਿਹਾ ਸੀ ਕਿ ਪਿਛਲੇ ਸਾਲ ਦੇ ਆਈਪੀਐਲ ਦੇ ਮੁਕਾਬਲੇ ਇਸ ਸਾਲ ਦਾ ਮਾਹੌਲ ਪੂਰੀ ਤਰ੍ਹਾਂ ਬਦਲ ਗਿਆ ਹੈ.

ਕੋਹਲੀ ਨੇ ਕਿਹਾ ਕਿ ਜਿਵੇਂ ਹੀ ਟੂਰਨਾਮੈਂਟ ਅੱਗੇ ਵਧਦਾ ਗਿਆ, ਖਿਡਾਰੀਆਂ ਨੇ ਟੂਰਨਾਮੈਂਟ ਦੇ ਰੋਮਾਂਚ ਦਾ ਅਨੁਭਵ ਕਰਨਾ ਸ਼ੁਰੂ ਕੀਤਾ ਅਤੇ ਉਨ੍ਹਾਂ ਨੇ ਇਸਦਾ ਅਨੰਦ ਲੈਣਾ ਸ਼ੁਰੂ ਕਰ ਦਿੱਤਾ.